மாவட்ட செய்திகள்

அ.தி.மு.க. மோசம் போய்விட்டது, ஓ.பன்னீர்செல்வம் மீண்டும் முதல்-அமைச்சர் ஆவார் - தங்கதமிழ்செல்வன் பரபரப்பு பேட்டி + "||" + ADMK The worse is gone, O.Panirselvan again First Minister was

அ.தி.மு.க. மோசம் போய்விட்டது, ஓ.பன்னீர்செல்வம் மீண்டும் முதல்-அமைச்சர் ஆவார் - தங்கதமிழ்செல்வன் பரபரப்பு பேட்டி

அ.தி.மு.க. மோசம் போய்விட்டது, ஓ.பன்னீர்செல்வம் மீண்டும் முதல்-அமைச்சர் ஆவார் - தங்கதமிழ்செல்வன் பரபரப்பு பேட்டி
பா.ஜ.க.வுடன் கூட்டணி வைத்து அ.தி.மு.க. மோசம் போய்விட்டதாகவும், ஓ.பன்னீர்செல்வம் மீண்டும் முதல்-அமைச்சர் ஆவார் என்றும் தேனியில் தங்கதமிழ்செல்வன் தெரிவித்தார்.
தேனி, 

அ.ம.மு.க. மாநில கொள்கை பரப்பு செயலாளரும், தேனி நாடாளுமன்ற தொகுதியில் அ.ம.மு.க. வேட்பாளராக போட்டியிட்டு தோல்வியை தழுவியவருமான தங்கதமிழ்செல்வன் தேனியில் நேற்று நிருபர்களுக்கு பேட்டி அளித்தார்.

அப்போது அவர் கூறியதாவது:-

பணம் பாதாளம் வரை பாயும் என்பது தேனி தொகுதியில் 100 சதவீதம் உண்மையாகி விட்டது. டி.டி.வி.தினகரன் 2004-ம் ஆண்டு இதே தொகுதியில் பா.ஜ.க., அ.தி. மு.க. கூட்டணி சார்பில் போட்டியிட்டு தோற்றார். நான் 2009-ல் போட்டியிட்டு 6 ஆயிரம் வாக்கு வித்தியாசத்தில் தோற்றேன்.

ஆனால், இப்போது ஓ.பன்னீர்செல்வம் மகன் பா.ஜ.க. கூட்டணியில் வெற்றி பெறுகிறார் என்றால், ஏசு, அல்லா, முருகன் எல்லாம் எங்கே போனார்கள்? மதம் எங்கே போனது?. சிறுபான்மையின மக்கள் வாக்கு 2 லட்சம் உள்ளது. அவர்கள் யாருக்கு வாக்களித்தார்கள்?. பணம் பாதாளம் வரை பாய்ந்து விட்டதே.

ஆனால், தேனியில் பணம் விளையாடி உள்ளது. ஒரு நாடாளுமன்ற தேர்தலில் ரூ.500 கோடி செலவு செய்கிறார்கள் என்றால் இது யார் அப்பன் வீட்டு பணம்?. ரூ.500 கோடி எப்படி செலவு செய்தார்கள் என்று மக்கள் யாரும் கேட்கவில்லையே. தேர்தலில் ஜனநாயகம் இல்லை. பணநாயகம் தான் வெற்றி பெற்றுள்ளது. இனி நாடாளுமன்ற தேர்தலுக்கு ரூ.500 கோடியும், சட்டமன்ற தேர்தலுக்கு ரூ.100 கோடியும் செலவு செய்தால் மட்டுமே வெற்றி பெற முடியும் என்ற நிலை உள்ளது.

மோடியின் ஆசியோடு, ஓ.பன்னீர்செல்வம் ஆசியோடு பா.ஜ.க.வுடன் கூட்டணி வைத்து அ.தி.மு.க. மோசம் போய்விட்டது. மீண்டும் ஓ.பன்னீர்செல்வம் தமிழகத்துக்கு முதல்-அமைச்சராக வருவார். எடப்பாடி பழனிசாமியை தூக்குவார்கள். மோடி சொல்படி தான் இங்கே எல்லாம் நடக்க போகிறது. மிருக பலத்துடன் பாஜ.க. இந்தியாவில் வெற்றி பெற்றுள்ளது.

இவ்வாறு அவர் கூறினார்.

தொடர்புடைய செய்திகள்

1. மு.க.ஸ்டாலினின் முதல்-அமைச்சராகும் ஆசை நிறைவேறாது ; ஓ.பன்னீர்செல்வம் பேச்சு
மக்கள், அ.தி.மு.க. பக்கம் இருக்கிறார்கள். மு.க.ஸ்டாலினின் முதல்-அமைச்சராகும் ஆசை எந்த காலத்திலும் நிறைவேறாது என்று ஓ.பன்னீர்செல்வம் பேசினார்.
2. 58 கிராம கால்வாயில் தண்ணீர் திறக்காதது ஏன்? மதுரையில் ஓ.பன்னீர்செல்வம் விளக்கம்
58 கிராம கால்வாயில் தண்ணீர் திறக்கப்படாதது ஏன்? என்பதற்கு மதுரையில் துணை முதல்-அமைச்சர் ஓ.பன்னீர்செல்வம் விளக்கம் கூறினார்.
3. நடிகர்கள் அரசியலுக்கு வருவதற்கு வெற்றிடம் காரணம் இல்லை துணை முதல்-அமைச்சர் ஓ.பன்னீர்செல்வம் பேட்டி
நடிகர்கள் அரசியலுக்கு வருவதற்கு வெற்றிடம் காரணமே இல்லை என்று துணை முதல்-அமைச்சர் ஓ.பன்னீர்செல்வம் தெரிவித்தார்.
4. ஓ.பன்னீர்செல்வம் 8-ந் தேதி அமெரிக்கா செல்கிறார்; தமிழகத்துக்கு தொழில் முதலீடுகளை திரட்டுகிறார்
தமிழக துணை முதல்- அமைச்சர் ஓ,பன்னீர்செல்வம் 10 நாட்கள் அரசு முறை சுற்றுப்பயணமாக அமெரிக்கா செல்கிறார். 8-ந் தேதி அமெரிக்கா புறப்படும் அவர், அங்கு தமிழகத்துக்கு தொழில் முதலீடுகளை திரட்டுகிறார்.
5. 15 நாட்களில் உள்ளாட்சித் தேர்தல் அறிவிப்பு வெளியாக வாய்ப்பு - ஓ.பன்னீர்செல்வம்
இன்னும் 15 நாட்களில் உள்ளாட்சித் தேர்தல் அறிவிப்பு வெளியாக வாய்ப்பு உள்ளதாக துணை முதலமைச்சர் ஓ.பன்னீர் செல்வம் கூறியுள்ளார்.