மாவட்ட செய்திகள்

திருவாரூர்-காரைக்குடி ‘டெமு’ ரெயில் சேவையில் மாற்றம் வாரத்தில் 3 நாட்கள் மட்டும் இயக்கப்படும் + "||" + The Tiruvarur-Karaikudi DMU service will be operated only for 3 days a week

திருவாரூர்-காரைக்குடி ‘டெமு’ ரெயில் சேவையில் மாற்றம் வாரத்தில் 3 நாட்கள் மட்டும் இயக்கப்படும்

திருவாரூர்-காரைக்குடி ‘டெமு’ ரெயில் சேவையில் மாற்றம் வாரத்தில் 3 நாட்கள் மட்டும் இயக்கப்படும்
திருவாரூர்-காரைக்கடி ‘டெமு’ ரெயில் சேவையில் மாற்றம் செய்யப்பட்டுள்ளது. வாரத்தில் 3 நாட்கள் மட்டும் இயக்கப்படும் என அறிவிக்கப்பட்டுள்ளது.
திருச்சி,

திருவாரூர்-காரைக்குடி இடையே மீட்டர் கேஜ் பாதை அகல ரெயில் பாதையாக மாற்றப்பட்ட பின் முதல் ரெயில் சேவை கடந்த 1-ந் தேதி தொடங்கியது. திருவாரூர்-காரைக்குடி இடையே வாரத்தில் 6 நாட்கள் ‘டெமு’ ரெயில் இயக்கப்படும் என அறிவிக்கப்பட்டிருந்தது. சேவை தொடங்கிய முதல் நாளில் திருவாரூரில் இருந்து காரைக்குடி புறப்பட்டு சென்ற போது குறிப்பிட்ட 6 மணி நேர பயண நேரத்தை விட தாமதமானது.இந்த வழித்தடத்தில் ரெயில்வே கேட்டுகளில் கேட் கீப்பர் இல்லாததால் ரெயிலில் முன் பக்கம் மற்றும் பின் பக்கம் தலா ஒரு ஊழியர் பணியில் நியமிக்கப்பட்டுள்ளனர். ரெயில்வே கேட்டுகளை கடந்து செல்லும் போது, ரெயிலில் இருந்து ஊழியர் இறங்கி கேட்டை திறப்பதும், மூடுவதும் அதன்பின் ரெயில் செல்வதுமாக உள்ளது. இதனால் பயண நேரம் அதிகமாகி காலதாமதமாகுகிறது.


இந்த ரெயில் சேவையை அறிவித்தப்படி இயக்குவதில் ரெயில்வே நிர்வாகத்தினருக்கு சிக்கல் ஏற்பட்டுள்ளது. ரெயில்வே கேட்டுகளில் உடனடியாக ஊழியர்கள் நியமிக்க முடியவில்லை என்பதாலும், காலிப்பணியிடங்களை நிரப்ப முடியாததாலும் இந்த பிரச்சினைக்கு தற்போது எந்த தீர்வும் ஏற்படாது. இதனால் திருவாரூர்-காரைக்குடி ரெயில் சேவையில் மாற்றம் செய்து திருச்சி கோட்ட ரெயில்வே நிர்வாகம் நேற்று அறிவித்தது.

அதன்படி வாரத்தில் 3 நாட்கள் மட்டும் இயக்கப்படும் எனவும், காரைக்குடி-திருவாரூர் இடையே ஒரு சேவையை குறைத்தும், பயண நேரத்தை 8 மணி நேரமாகவும் மாற்றி உள்ளது.

திருவாரூரில் இருந்து திங்கள், புதன், வெள்ளி ஆகிய கிழமைகளில் ரெயில் (வண்டி எண் 06847) காலை 8.15 மணிக்கு புறப்பட்டு காரைக்குடிக்கு மாலை 4.15 மணிக்கு சென்றடையும். காரைக்குடியில் இருந்து செவ்வாய், வியாழன், சனி ஆகிய கிழமைகளில் ரெயில் (06848) காலை 9.45 மணிக்கு புறப்பட்டு திருவாரூருக்கு மாலை 5.45 மணிக்கு சென்றடையும். இந்த சேவை மாற்றம் நேற்று முதல் அமலுக்கு வந்தது. வருகிற ஆகஸ்டு மாதம் 30-ந் தேதி வரை இந்த முறை அமலில் இருக்கும். இந்த சேவை மாற்றத்தால் பயணிகள் அதிருப்தி அடைந்துள்ளனர்.

தொடர்புடைய செய்திகள்

1. மதுரை- போத்தனூர் அகலப்பாதை பணிக்காக நிறுத்தப்பட்ட ரெயில்களை மீண்டும் இயக்காதது ஏன்? பயணிகளை ஏமாற்றி வருவதாக புகார்
மதுரையில் இருந்து பழனி வழியாக போத்தனூர், பாலக்காடுக்கு மீட்டர்கேஜ் பாதையில் ஓடிய ரெயில்களை இயக்காமல் ரெயில்வே அமைச்சகம் ஏமாற்றி வருவதாக பயணிகள் தரப்பில் புகார் எழுப்பப்பட்டுள்ளது.
2. கலெக்டர் உத்தரவிட்டும் ரெயில் நிலையத்திற்கு இயக்கப்படாத அரசு பஸ்கள்; நடவடிக்கை எடுக்க வலியுறுத்தல்
விருதுநகர் ரெயில் நிலையத்திற்கு அரசு பஸ்கள் இயக்க கலெக்டர் உத்தரவிட்ட பின்னரும் நடவடிக்கை எடுக்காத நிலை உள்ளது. இதற்கு உடனடியாக நடவடிக்கை எடுக்க வேண்டும் என வலியுறுத்தப்பட்டுள்ளது.
3. பட்டுக்கோட்டை-திருவாரூர் வழியாக சென்னைக்கு எக்ஸ்பிரஸ் ரெயில் இயக்க நடவடிக்கை பயணிகள் கோரிக்கை
பட்டுக்கோட்டை-திருவாரூர் வழியாக சென்னைக்கு எக்ஸ்பிரஸ் ரெயில் இயக்க நடவடிக்கை எடுக்க வேண்டும் என திருச்சி சிவா எம்.பி.யிடம், பயணிகள் சங்கம் கோரிக்கை விடுத்துள்ளது.
4. சிவகங்கையில் ரெயிலில் சங்குகள் கடத்த முயன்ற 2 பேர் சிக்கினர்
சிவகங்கை ரெயில் நிலையத்தில் சுதந்திர தினத்தை முன்னிட்டு போலீசார் நடத்திய சோதனையின்போது ரெயிலில் தடை செய்யபட்ட சங்குகளை கடத்த முயன்ற 2 பேர் சிக்கினர்.
5. ஈரோடு ரெயில் நிலையத்தில் நிறுத்தப்பட்டு இருந்த நிலக்கரி பெட்டியில் 2-வது நாளாகவும் புகை வந்ததால் பரபரப்பு
ஈரோடு ரெயில் நிலையத்தில் நிறுத்தப்பட்டு இருந்த நிலக்கரி பெட்டியில் 2-வது நாளாகவும் புகை வந்ததால் பரபரப்பு ஏற்பட்டது.