மாவட்ட செய்திகள்

காஷ்மீரில் ஆற்றில் அடித்துச்செல்லப்பட்ட ராணுவ வீரர் - கண்டுபிடித்து தர கலெக்டரிடம் தாயார் கோரிக்கை மனு + "||" + indian soldier in Kashmir beat on the river - Give Find Mother petition to collector

காஷ்மீரில் ஆற்றில் அடித்துச்செல்லப்பட்ட ராணுவ வீரர் - கண்டுபிடித்து தர கலெக்டரிடம் தாயார் கோரிக்கை மனு

காஷ்மீரில் ஆற்றில் அடித்துச்செல்லப்பட்ட ராணுவ வீரர் - கண்டுபிடித்து தர கலெக்டரிடம் தாயார் கோரிக்கை மனு
காஷ்மீரில் ஆற்றில் அடித்துச்செல்லப்பட்ட ராணுவ வீரரை கண்டுபிடித்து தருமாறு கலெக்டரிடம் அவரது தாயார் கோரிக்கை மனு அளித்தார்.
வேலூர்,

திருப்பத்தூர் தாலுகா மாரிவட்டம் பகுதியை சேர்ந்தவர் மனோன்மணி. இவர் நேற்று மாலை வேலூர் மாவட்ட கலெக்டர் ராமனிடம் கோரிக்கை மனு அளித்தார். அதில், எனது மகன் சபரிநாதன் இந்திய ராணுவத்தில் காஷ்மீர் பகுதியில் பணிபுரிந்து வந்தான். இந்த நிலையில் கடந்த 8-ந் தேதி சபரிநாதன் சக வீரர்களுடன் பணியின் நிமித்தமாக ஆற்றைக் கடக்கும்போது எதிர்பாராதவிதமாக அதில் தவறி விழுந்து விட்டதாகவும், அவருடன் மேலும் 9 ராணுவவீரர்கள் ஆற்றில் அடித்துச் செல்லப்பட்டதாகவும் செல்போனில் 9-ந் தேதி காலை ராணுவவீரர் ஒருவர் தகவல் தெரிவித்தார்.


அந்த செல்போன் எண்ணை மீண்டும் தொடர்பு கொண்டு விபரங்கள் கேட்டோம். அப்போது ஆற்றில் அடித்துச் செல்லப்பட்ட 10 பேரில் 7 பேரைக் காப்பாற்றி விட்டதாகவும், மீதமுள்ள 3 பேரைத் தேடி வருவதாகவும் தெரிவித்தார்.ஆனால் இதுவரை எனது மகன் குறித்து எவ்வித தகவலும் கிடைக்கவில்லை. எனவே எனது மகன் சபரிநாதனை கண்டுபிடித்து தர கலெக்டர் நடவடிக்கை எடுக்க வேண்டும் என்று கூறியிருந்தார்.

மனுவைப் பெற்றுக்கொண்ட கலெக்டர் ராமன், சம்பந்தப்பட்ட அதிகாரிகளுக்கு தகவல் தெரிவித்து உரிய நடவடிக்கை எடுப்பதாகத் தெரிவித்தார்.


தொடர்புடைய செய்திகள்

1. யாருக்காவது காஷ்மீர் செல்ல வேண்டுமா? நான் ஏற்பாடு செய்கிறேன் -பிரதமர் மோடி
சட்டப்பிரிவு 370-ஐ நீக்கினால் காஷ்மீரை இழந்து விடுவோம், நாடே அழிந்துவிடும் என காங்கிரஸ் தலைவர்கள் கூறினார்கள் நாடு அழிந்துவிட்டதா என்ன? என்று பிரதமர் மோடி காங்கிரசை சாடினார்.
2. காஷ்மீர்: சத்தீஷ்கரைச் சேர்ந்த தொழிலாளி பயங்கரவாதிகளால் சுட்டுக்கொலை
காஷ்மீரில் சத்தீஷ்கரைச் சேர்ந்த தொழிலாளியை பயங்கரவாதிகள் சுட்டுக்கொன்றதால் அங்கு பரபரப்பு ஏற்பட்டுள்ளது.
3. காஷ்மீரில் செல்போன் சேவை மீண்டும் கிடைத்ததால் மக்கள் கொண்டாட்டம் - உறவுகளுக்கு பரஸ்பரம் வாழ்த்துகளை பரிமாறினர்
72 நாட்களுக்குப்பிறகு செல்போன் சேவை மீண்டும் கிடைத்ததால் மகிழ்ச்சியடைந்த காஷ்மீர் மக்கள், தங்கள் உறவுகளை தொடர்பு கொண்டு பரஸ்பரம் வாழ்த்துகளை பரிமாறி வருகின்றனர்.
4. 70 நாட்களுக்கு பிறகு காஷ்மீரில் மீண்டும் செல்போன் சேவை தொடங்கியது
சுமார் 70 நாட்களுக்கு பிறகு காஷ்மீரில் மீண்டும் செல்போன் சேவை தொடங்கியது. எனினும் இணையதளங்கள் தொடர்ந்து முடக்கப்பட்டுள்ளது.
5. 70 நாட்களுக்குப்பின் காஷ்மீரில் இன்று முதல் செல்போன் சேவை
காஷ்மீரில் சுமார் 70 நாட்களுக்கு பிறகு நாளை (திங்கட்கிழமை) நள்ளிரவு முதல் செல்போன் சேவை வழங்கப்படும் என மாநில அரசு அறிவித்து உள்ளது.