மாவட்ட செய்திகள்

சிறுவனுக்கு பாலியல் தொந்தரவு, குண்டர் சட்டத்தில் தி.மு.க. நிர்வாகி கைது - கோவை மத்திய சிறையில் அடைக்கப்பட்டார் + "||" + Child sexual harassment, DMK in thug act Arrested by the administrator

சிறுவனுக்கு பாலியல் தொந்தரவு, குண்டர் சட்டத்தில் தி.மு.க. நிர்வாகி கைது - கோவை மத்திய சிறையில் அடைக்கப்பட்டார்

சிறுவனுக்கு பாலியல் தொந்தரவு, குண்டர் சட்டத்தில் தி.மு.க. நிர்வாகி கைது - கோவை மத்திய சிறையில் அடைக்கப்பட்டார்
சிறுவனை பாலியல் தொந்தரவு செய்ததாக சிறையில் அடைக்கப்பட்ட தி.மு.க. நிர்வாகி குண்டர் சட்டத்தின் கீழ் கைது செய்யப்பட்டார்.
பந்தலூர்,

நீலகிரி மாவட்டம் பந்தலூர் தாலுகா நெல்லியாளம் அரசு தேயிலை தோட்ட கழகம் ரேஞ்ச் எண்.3 பகுதியை சேர்ந்த தி.மு.க. நிர்வாகி திராவிடமணி (வயது 54). கடந்த மே மாதம் ஒரு சிறுவனுக்கு பாலியல் தொந்தரவு கொடுத்ததாக கூறப்படுகிறது. இது குறித்து சிறுவனின் பெற்றோர் சேரம்பாடி போலீஸ் நிலையத்தில் புகார் செய்தனர்.

இதைத்தொடர்ந்து போலீஸ் இன்ஸ்பெக்டர் கண்ணன், சப்-இன்ஸ்பெக்டர் கிருஷ்ணன் உள்ளிட்ட போலீசார் வழக்கு பதிவு செய்தனர். பின்னர் திராவிடமணியிடம் விசாரணை நடத்தினர். மேலும் சிறுவனிடமும் தனியாக விசாரணை செய்தனர். அப்போது சிறுவன் தரப்பில் பல்வேறு புகார்கள் தெரிவிக்கப்பட்டதாக கூறப்படுகிறது. இதனால் குற்றம் சாட்டப்பட்ட திராவிடமணியை போலீசார் கைது செய்து பந்தலூர் நீதிமன்றத்தில் ஆஜர்படுத்தினர்.

பின்னர் கூடலூர் கிளை சிறையில் திராவிடமணி அடைக்கப்பட்டார். இந்த நிலையில் திராவிடமணியை குண்டர் தடுப்பு சட்டத்தின் கீழ் கைது செய்ய அனுமதிக்கும்படி மாவட்ட கலெக்டர் இன்னசென்ட் திவ்யாவுக்கு மாவட்ட போலீஸ் சூப்பிரண்டு சண்முகபிரியா, தேவாலா போலீஸ் துணை சூப்பிரண்டு ராமச்சந்திரன் பரிந்துரை செய்தனர். இது குறித்து மாவட்ட உயரதிகாரிகள் விசாரணை நடத்தினர். பின்னர் திராவிடமணியை குண்டர் சட்டத்தின் கீழ் கைது செய்து 1 ஆண்டு சிறையில் அடைக்க மாவட்ட கலெக்டர் இன்னசென்ட் திவ்யா உத்தரவிட்டார்.

இதற்கான உத்தரவு சேரம்பாடி போலீஸ் நிலையத்துக்கு அனுப்பி வைக்கப்பட்டது. இதையடுத்து கூடலூர் கிளை சிறையில் அடைக்கப்பட்டு இருந்த திராவிடமணியை போலீஸ் இன்ஸ்பெக்டர் கண்ணன், சப்-இன்ஸ்பெக்டர் கிருஷ்ணன் ஆகியோர் குண்டர் சட்டத்தில் கைது செய்தனர். பின்னர் அவர் கோவை மத்திய சிறைக்கு கொண்டு செல்லப்பட்டு அடைக்கப்பட்டார். சிறுவனுக்கு பாலியல் தொந்தரவு கொடுத்த வழக்கில் தி.மு.க. நிர்வாகி குண்டர் சட்டத்தில் அடைக்கப்பட்ட சம்பவம் பரபரப்பை ஏற்படுத்தி உள்ளது.

தொடர்புடைய செய்திகள்

1. சிறுமிக்கு பாலியல் தொந்தரவு: தொழிலாளிக்கு ஆயுள் தண்டனை - கிருஷ்ணகிரி கோர்ட்டு தீர்ப்பு
சிறுமிக்கு பாலியல் தொந்தரவு கொடுத்த தொழிலாளிக்கு ஆயுள் தண்டனை விதித்து கிருஷ்ணகிரி கோர்ட்டில் தீர்ப்பு கூறப்பட்டது.
2. பர்கூர் அருகே, பள்ளி மாணவிக்கு பாலியல் தொந்தரவு - தொழிலாளி கைது
பர்கூர் அருகே பள்ளி மாணவிக்கு பாலியல் தொந்தரவு கொடுத்த தொழிலாளியை போக்சோ சட்டத்தின் கீழ் போலீசார் கைது செய்தனர்.
3. பெரம்பலூரில் ‘ஜெல்லி’ மிட்டாய் தின்ற சிறுவன் திடீர் சாவு
பெரம்பலூரில் ‘ஜெல்லி’ மிட்டாய் தின்ற 4 வயது சிறுவன் திடீரென உயிரிழந்தான்.
4. குடவாசல் அருகே மோட்டார் சைக்கிளில் சென்ற சிறுவன் பலி சரக்கு ஆட்டோ மோதியது
குடவாசல் அருகே சரக்கு ஆட்டோ மோதிய விபத்தில் மோட்டார் சைக்கிளில் சென்ற சிறுவன் பலியானான்.
5. சென்னை சென்ட்ரல் ரெயில் நிலையத்தில் கடத்தப்பட்ட சிறுவன் மீட்பு
சென்னை சென்ட்ரல் ரெயில் நிலையத்தில் கடந்த 2 நாட்களுக்கு முன் கடத்தப்பட்ட சிறுவன் மீட்கப்பட்டு உள்ளான்.