மாவட்ட செய்திகள்

திருவாரூர் மாவட்டத்தில் குடி மராமத்து பணிகளுக்காக ரூ.16 கோடியே 80 லட்சம் நிதி ஒதுக்கீடு அமைச்சர் தகவல் + "||" + Rs 16 Crore Rs 80 Lakhs for Drinking Water in Thiruvarur District

திருவாரூர் மாவட்டத்தில் குடி மராமத்து பணிகளுக்காக ரூ.16 கோடியே 80 லட்சம் நிதி ஒதுக்கீடு அமைச்சர் தகவல்

திருவாரூர் மாவட்டத்தில் குடி மராமத்து பணிகளுக்காக ரூ.16 கோடியே 80 லட்சம் நிதி ஒதுக்கீடு அமைச்சர் தகவல்
திருவாரூர் மாவட்டத்தில், குடி மராமத்து பணிகளுக்காக ரூ.16 கோடியே 80 லட்சம் நிதி ஒதுக்கீடு செய்யப்பட்டுள்ளது என அமைச்சர் ஆர்.காமராஜ் கூறினார்.
வடுவூர்,

திருவாரூர் மாவட்டம் வடுவூர் அருகே உள்ளது செருமங்கலம். இந்த கிராமத்தில் 82 ஹெக்டேர் பரப்பளவில் மின்னல் ஏரி அமைந்துள்ளது. இந்த ஏரி கடந்த 25 ஆண்டுகளுக்கு முன்பு தூர்வாரப்பட்டது. இந்த ஏரியில் இருந்து விவசாயிகள், விலையில்லாமல் வண்டல் மண் எடுத்துச்செல்ல இந்த ஆண்டு அனுமதி வழங்கப்பட்டுள்ளது.


இந்த பணியினை உணவுத்துறை அமைச்சர் ஆர்.காமராஜ் நேற்று தொடங்கி வைத்தார். நிகழ்ச்சிக்கு மாவட்ட கலெக்டர் ஆனந்த் தலைமை தாங்கினார்.

பின்னர் அமைச்சர் ஆர்.காமராஜ் நிருபர்களுக்கு அளித்த பேட்டியில் கூறியதாவது:-

தமிழக முதல்-அமைச்சர், விவசாயிகள் தங்கள் விளைநிலங்களை மேம்படுத்த ஏரி, குளங்களில் இருந்து விலையில்லாமல் வண்டல் மண் எடுத்துக்கொள்ளலாம் என உத்தரவிட்டுள்ளார். அதன் அடிப்படையில் கடந்த வாரம் வடுவூர் ஏரியில் இருந்து விவசாயிகளுக்கு விலையில்லாமல் வண்டல் மண் வழங்கும் திட்டம் தொடங்கி வைக்கப்பட்டு தொடர்ந்து விவசாயிகள் வண்டல் மண் எடுத்து சென்று விளைநிலங்களை மேம்படுத்தி வருகின்றனர்.

அந்த வகையில் 82 ஹெக்டர் பரப்பளவு கொண்ட செருமங்கலம் மின்னல் ஏரியில் இருந்து விவசாயிகளுக்கு விலையில்லாமல் வண்டல் மண் வழங்கும் திட்டம் தொடங்கி வைக்கப்பட்டுள்ளது. இந்த பகுதியை சேர்ந்த விவசாயிகள் அரசின் இந்த திட்டத்தை பயன்படுத்தி கொண்டு தங்களது விளைநிலங்களை மேம்படுத்த விலையில்லாமல் வண்டல் மண் எடுத்துக்கொள்ளலாம்.

மேலும் தமிழக முதல்-அமைச்சர் கடந்த 2017-ம் ஆண்டு ரூ.100 கோடி ஒதுக்கீடு செய்து குடிமராமத்து பணிகளை தொடங்கி வைத்தார். தொடர்ந்து 2018-ம் ஆண்டு ரூ.331 கோடி நிதி ஒதுக்கீடு செய்து குடிமராமத்து பணிகள் மேற்கொள்ளப்பட்டது. அதன்தொடர்ச்சியாக இந்த ஆண்டும் தமிழகத்தில் குடிமராமத்து பணிகளுக்காக ரூ.499 கோடி நிதி ஒதுக்கீடு செய்யப்பட்டுள்ளது.

இதில் திருவாரூர் மாவட்டத்திற்கு மட்டும் குடிமராமத்து பணிகளுக்காக ரூ.16 கோடியே 80 லட்சம் நிதி ஒதுக்கீடு செய்யப்பட்டுள்ளது. பொதுமக்களின் குடிநீர் தேவையில் அரசு எப்போதுமே கவனம் செலுத்தி வருகிறது.

இவ்வாறு அவர் கூறினார்.

நிகழ்ச்சியில் மாவட்ட வருவாய் அதிகாரி பொன்னம்மாள், திருவாரூர் வெண்ணாறு வடிநில கோட்ட செயற்பொறியாளர் திருவேட்டைசெல்லம், உதவி செயற்பொறியாளர் இளங்கோ, உதவி பொறியாளர்கள் ரவீந்திரன், மதியழகன், தாசில்தார் லெட்சுமி பிரபா, நீடாமங்கலம் தெற்கு ஒன்றிய அ.தி.மு.க. செயலாளர் அரிகிருஷ்ணன் உள்பட பலர் கலந்து கொண்டனர்.

தொடர்புடைய செய்திகள்

1. தலா ரூ.20 லட்சம் செலவில் 1,000 பள்ளிகளில் அறிவியல் ஆய்வகங்கள் அமைக்கப்படும் அமைச்சர் தகவல்
தலா ரூ.20 லட்சம் செலவில் இந்த ஆண்டு 1,000 பள்ளிகளில் அறிவியல் ஆய்வகங்கள் அமைக்கப்படும் என்று அமைச்சர் செங்கோட்டையன் கூறினார்.
2. கல்வி உதவித்தொகை பெற கல்லூரி மாணவர்கள் விண்ணப்பிக்கலாம் கலெக்டர் சாந்தா தகவல்
கல்வி உதவித்தொகை பெற கல்லூரி மாணவர்கள் விண்ணப்பிக்கலாம் என்று மாவட்ட கலெக்டர் சாந்தா கூறினார்.
3. கரூர் நகராட்சிக்குட்பட்ட பகுதிகளில் தினமும் 290 லட்சம் லிட்டர் குடிநீர் வினியோகம் அமைச்சர் எம்.ஆர்.விஜயபாஸ்கர் தகவல்
கரூர் நகராட்சிக்கு உட்பட்ட பகுதிகளில் தினமும் 290 லட்சம் லிட்டர் குடிநீர் வினியோகம் செய்யப்படுவதாக போக்குவரத்து துறை அமைச்சர் எம்.ஆர்.விஜயபாஸ்கர் கூறினார்.
4. இரு மொழி கொள்கையில் உறுதியாக உள்ளோம் அமைச்சர் செங்கோட்டையன் பேட்டி
இரு மொழி கொள்கையில் உறுதியாக உள்ளோம் என்று அமைச்சர் செங்கோட்டையன் கூறினார்.
5. பெரம்பலூரில் சினிமா காட்சி போல் சம்பவம்: காரில் கஞ்சா கடத்திய 2 பேரை துப்பாக்கி சூடு நடத்தி பிடித்த போலீசார்
பெரம்பலூரில் காரில் கஞ்சா கடத்திய 2 பேரை போலீசார் துப்பாக்கி முனையில் மடக்கி பிடித்து கைது செய்தனர். அவர்களிடம் இருந்து 180 கிலோ கஞ்சா பறிமுதல் செய்யப்பட்டது.