மாவட்ட செய்திகள்

கேரள எல்லையில் தமிழக அரசின் வரவேற்பு நுழைவு ஸ்தூபி உடைப்பு போலீசார் விசாரணை + "||" + Government of Tamil Nadu on the Kerala border Police are investigating the reception entrance stupa breaking

கேரள எல்லையில் தமிழக அரசின் வரவேற்பு நுழைவு ஸ்தூபி உடைப்பு போலீசார் விசாரணை

கேரள எல்லையில் தமிழக அரசின் வரவேற்பு நுழைவு ஸ்தூபி உடைப்பு போலீசார் விசாரணை
களியக்காவிளையில் அருகே கேரள எல்லையில் தமிழக அரசின் வரவேற்பு நுழைவு ஸ்தூபி உடைத்து சேதப்படுத்தியது யார் என்பது குறித்து போலீசார் விசாரணை நடத்தி வருகிறார்கள்.
களியக்காவிளை,

தமிழகத்தின் தென் பகுதி எல்லையில் களியக்காவிளை உள்ளது. களியக்காவிளையில் தமிழக-கேரள எல்லை பகுதியில் சோதனைச்சாவடியும், தமிழக அரசு சார்பில் அரசின் சின்னத்துடன் நுழைவு ஸ்தூபியும் வரவேற்பு பலகையும் அமைக்கப்பட்டுள்ளது. இதேபோல் கேரள பகுதி தொடங்கும் இடத்தில் கேரள அரசு சார்பில் நுழைவு ஸ்தூபியும், வரவேற்பு பலகையும் வைக்கப்பட்டுள்ளது.


இந்தநிலையில் நேற்று காலை களியக்காவிளையில் இருந்து கேரள மாநிலம் செல்லும் எல்லை பகுதியில் அமைக்கப்பட்டுள்ள வரவேற்பு நுழைவு ஸ்தூபி உடைந்து சேதமடைந்து கிடப்பதை கண்டு அதிர்ச்சி அடைந்தனர். உடனே, இதுபற்றி களியக்காவிளை போலீசாருக்கு தகவல் தெரிவிக்கப்பட்டது.

சமூக விரோதிகளா?

இதற்கிடையே தமிழக அரசின் வரவேற்பு ஸ்தூபி சேதம் அடைந்து கிடப்பதை சிலர் தங்களது செல்போனில் படம் பிடித்து வாட்ஸ்-அப்பில் பரப்பினர்.

இதனால், அதிகாரிகள் மத்தியில் பரபரப்பு ஏற்பட்டது. இது சமூக விரோதிகளின் செயலாக இருக்கலாம் என்று போலீசார் விசாரணை நடத்தினர். மேலும், அந்த பகுதியில் பொருத்தப்பட்டுள்ள கண்காணிப்பு கேமராவில் பதிவாகியுள்ள காட்சிகளையும் ஆய்வு செய்தனர்.

கேமரா காட்சி

அப்போது, நேற்று முன்தினம் நள்ளிரவில் களியக்காவிளையில் இருந்து கேரளா நோக்கி சிமெண்டு கலவை ஏற்றிச் சென்ற லாரியை டிரைவர் திருப்ப முயன்றபோது தமிழக அரசின் ஸ்தூபி மீது மோதி சேதமடையும் காட்சி கேமராவில் பதிவாகி இருந்தது. அதைத்தொடர்ந்து போலீசார் அந்த காட்சியை கைப்பற்றி ஸ்தூபியை சேதப்படுத்திய லாரி யாருடையது என்பது குறித்து விசாரணை நடத்தி வருகிறார்கள். மேலும், சேதமடைந்த தமிழக அரசின் ஸ்தூபியை உடனடியாக மாவட்ட நிர்வாகம் நடவடிக்கை எடுத்து சீரமைக்க வேண்டும் என்று சமூக ஆர்வலர்கள் கோரிக்கை விடுத்துள்ளனர்.


தொடர்புடைய செய்திகள்

1. புதுக்கோட்டையில் இந்து முன்னணி மாவட்ட செயலாளரின் கார் தீ வைத்து எரிப்பு? போலீசார் விசாரணை
புதுக்கோட்டையில் இந்து முன்னணி மாவட்ட செயலாளரின் கார் நேற்று மர்மமான முறையில் தீப்பிடித்து எரிந்தது. கார் தீ வைத்து எரிக்கப்பட்டதா? என போலீசார் தீவிர விசாரணை மேற்கொண்டு வருகின்றனர்.
2. வெண்ணாற்றில் வாலிபர் பிணம் கொலை செய்து வீசப்பட்டாரா? போலீசார் விசாரணை
தஞ்சை வெண்ணாற்றில் வாலிபர் பிணம் கிடந்தது. அவரை யாரும் கொலை செய்து ஆற்றில் வீசினார்களா? என போலீசார் விசாரணை நடத்தி வருகிறார்கள்.
3. திருச்சி கோட்டை, காந்தி மார்க்கெட் பகுதிகளில் குற்ற நடவடிக்கைகளை தடுக்க 770 போலீசார் கண்காணிப்பு
திருச்சி கோட்டை மற்றும் காந்தி மார்க்கெட் பகுதியில் குற்ற நடவடிக்கைகளை தடுக்க 770 போலீசார் கண்காணிப்பு பணியில் ஈடுபடுகிறார்கள்.
4. பட்டாசு, வெடி பொருட்கள் கொண்டு செல்லப்படுகிறதா? ரெயில் நிலையத்தில் மோப்பநாய் மூலம் போலீசார் சோதனை
பட்டாசு, வெடி பொருட்கள் கொண்டு செல்லப்படுகிறதா? என தஞ்சைரெயில் நிலையத்தில் மோப்பநாய் மூலம் போலீசார் தீவிர சோதனை நடத்தினர்.
5. முத்துப்பேட்டை அருகே மோட்டார் சைக்கிள்கள் மோதல்; விவசாயி பலி போலீசார் விசாரணை
முத்துப்பேட்டை அருகே மோட்டார் சைக்கிள்கள் மோதி கொண்ட விபத்தில் விவசாயி உயிரிழந்தார். இதுகுறித்து போலீசார் விசாரணை நடத்தி வருகின்றனர்.