ஹைட்ரோ கார்பன் திட்டத்தை ரத்து செய்யக்கோரி அரசு கல்லூரி மாணவர்கள் வகுப்பை புறக்கணித்து ஆர்ப்பாட்டம்

மன்னார்குடி,

ஹைட்ரோ கார்பன் திட்டத்தை மத்திய, மாநில அரசுகள் ரத்து செய்யக்கோரி மன்னார்குடி ராஜகோபாலசாமி அரசு கலைக்கல்லூரியில் அனைத்திந்திய மாணவர் பெருமன்றம் சார்பில் மாணவ-மாணவிகள் நேற்று வகுப்புகளை புறக்கணித்து ஆர்ப்பாட்டம் செய்தனர். ஆர்ப்பாட்டத்திற்கு மாணவர் பெருமன்ற நிர்வாகி பாரதிசெல்வன் தலைமை தாங்கினார். இதில் மாவட்ட தலைவர் வீரபாண்டியன், நிர்வாகிகள் ரஞ்சித், வாசு, கோபி மற்றும் மாணவ-மாணவிகள் கலந்து கொண்டனர்.

தமிழகத்தில் விளைநிலங்களை பாலைவனமாக்கும் ஹைட்ரோ கார்பன் திட்டத்தை மத்திய, மாநில அரசுகள் முழுமையாக கைவிட வேண்டும். புதிய கல்விக்கொள்கையை திரும்பப்பெற வேண்டும் என்பன உள்ளிட்ட பல்வேறு கோரிக்கைகளை வலியுறுத்தி மாணவ-மாணவிகள் கோஷங்களை எழுப்பினர்.