மாவட்ட செய்திகள்

கடலில் மூழ்கிய 2 குமரி மீனவர்கள் உயிர் தப்பியது பற்றி உருக்கமான தகவல் 8 மணி நேரம் நீந்தி கரை சேர்ந்தனர் + "||" + 2 Kumari fishermen drowned About 8 hours to swim for about 8 hours

கடலில் மூழ்கிய 2 குமரி மீனவர்கள் உயிர் தப்பியது பற்றி உருக்கமான தகவல் 8 மணி நேரம் நீந்தி கரை சேர்ந்தனர்

கடலில் மூழ்கிய 2 குமரி மீனவர்கள் உயிர் தப்பியது பற்றி உருக்கமான தகவல் 8 மணி நேரம் நீந்தி கரை சேர்ந்தனர்
மீன்பிடிக்க சென்ற போது படகு உடைந்து 5 குமரி மீனவர்கள் கடலுக்குள் விழுந்து விட்டனர். இதில் 3 மீனவர்களை பற்றி எந்தவொரு தகவலும் இல்லை. உயிர் தப்பிய 2 பேர் 8 மணி நேரம் கடலில் நீந்தி கரை சேர்ந்துள்ள உருக்கமான தகவல் வெளியாகி உள்ளது.
கருங்கல்,

குமரி மாவட்டம் நீரோடி பகுதியை சேர்ந்தவர் ஸ்டான்லி. இவருக்கு சொந்தமான நாட்டுப்படகில் இவரும் அதே பகுதியை சேர்ந்த நிக்கோலஸ், ராஜூ, ஜாண் போஸ்கோ, சகாயம் ஆகியோர் கேரள மாநிலம் நீண்டகரை மீன்பிடி துறைமுகத்தில் இருந்து கடந்த 17-ந் தேதி மீன்பிடிக்க சென்றனர். பின்னர் மறுநாள் இரவு கரைக்கு திரும்பி கொண்டிருந்தனர். இரவு 11 மணியளவில் துறைமுக முகத்துவாரம் பகுதியை நெருங்கிய போது பயங்கர கடல் சீற்றம் ஏற்பட்டது. இந்த சீற்றம் தொடர்ந்து நீடித்ததால் மீனவர்களால் கரை திரும்புவதில் சிரமம் ஏற்பட்டது. அதே சமயத்தில் திடீரென படகு உடைந்தது. இதனால் 5 மீனவர்களும் கடலுக்குள் விழுந்து விட்டனர்.


இதற்கிடையே குமரி மீனவர்களின் படகு உடைந்த நிலையில் துறைமுக அலை தடுப்பு சுவரில் கிடந்தது. இதை பார்த்த சக மீனவர்கள் அதிர்ச்சி அடைந்தனர். இதுகுறித்து கடலோர காவல்படையினருக்கு தகவல் கொடுக்கப்பட்டது. உடனே மீனவர்களை தேடினர். மாயமான மீனவர்களில் ஸ்டான்லி, நிக்கோலஸ் ஆகியோர் ஆபத்தான நிலையில் நீந்தி கொல்லம் கடற்கரையில் சேர்ந்தனர். பின்னர் அவர்களை மீட்டு மாவட்ட அரசு ஆஸ்பத்திரியில் சிகிச்சைக்காக சேர்த்தனர். நிக்கோலசுக்கு முகம் மற்றும் காலில் பலத்த காயம் ஏற்பட்டிருந்தது.

பின்னர் 2 பேரும் சிகிச்சைக்கு பிறகு சொந்த ஊர் திரும்பினர். தொடர்ந்து ஸ்டான்லி நிருபர்களிடம் கூறுகையில், கடலில் ஏற்பட்ட சீற்றத்தால் படகு உடைந்து கடலுக்குள் மூழ்கினோம். 5 பேரும் படகில் இருந்த தண்ணீர் கேனை பிடித்த படி நீந்தினோம். சீற்றம் அதிகமாக இருந்ததால் ராஜூ, ஜாண் போஸ்கோ, சகாயம் ஆகிய 3 பேரும் நீந்த முடியாமல் அடுத்தடுத்து கடலுக்குள் இழுத்து செல்லப்பட்டனர்.

நிகோலசும், நானும் சுமார் 8 மணி நேரம் கடலில் நீந்தி கரை சேர்ந்தோம். மற்றவர்களை மீட்க உரிய நடவடிக்கை எடுக்க வேண்டும் என்றார்.

இதற்கிடையே மாயமான 3 மீனவர்களை தேடும் பணி நீண்டகரை துறைமுக பகுதியில் தீவிரமாக நடந்து வருகிறது. இதுவரை அவர்களை பற்றி எந்தவொரு தகவலும் இல்லாததால் ஏதும் விபரீத சம்பவம் நடந்து இருக்குமோ என்ற அச்சத்தில் அவர்களுடைய குடும்பத்தினர் சோகத்தில் உள்ளனர். 

தொடர்புடைய செய்திகள்

1. புதுக்கோட்டை மாவட்ட நாட்டுப்படகு மீனவர்கள் 4 பேர் கைது இலங்கை கடற்படையினர் அட்டூழியம்
எல்லை தாண்டி மீன்பிடித்ததாக கூறி, புதுக்கோட்டை மாவட்ட நாட்டுப்படகு மீனவர்கள் 4 பேரை இலங்கை கடற்படையினர் கைது செய்தனர்.
2. மேற்கு கடற்கரையில் 31–ந் தேதியுடன் தடைகாலம் நிறைவு: கடலுக்கு செல்ல தயாராகும் குளச்சல் விசைப்படகு மீனவர்கள்
குமரி மேற்கு கடற்கரை பகுதியில் வருகிற 31–ந் தேதி நள்ளிரவுடன் தடைகாலம் நிறைவு பெறுவதை தொடர்ந்து குளச்சல் விசைப்படகு மீனவர்கள் மீன்பிடிக்க செல்ல ஆயத்த பணிகளில் தீவிரமாக ஈடுபட்டுள்ளனர்.
3. பலத்த சூறாவளி காற்று: ராமேசுவரம் மீனவர்கள் மீன்பிடிக்க செல்ல தடை
பலத்த சூறாவளி காற்று காரணமாக ராமேசுவரம் மீனவர்கள் கடலுக்கு மீன்பிடிக்க செல்ல தடை விதிக்கப்பட்டது.
4. பாம்பனில் இருந்து சென்று சூறாவளி காற்றில் படகு உடைந்து மணல்திட்டில் ஒதுங்கிய 8 மீனவர்கள்; இலங்கை கடற்படையிடம் சிக்கியவர்களை இந்திய கடலோர காவல்படை மீட்டது
சூறாவளி காற்றில் படகு உடைந்து இலங்கைக்கு சொந்தமான மணல் திட்டில் கரை ஒதுங்கிய பாம்பன் மீனவர்கள் 8 பேரை இலங்கை கடற்படை கைது செய்ய முயன்றது. ஆனால், இந்திய கடலோர காவல் படை அவர்களை பத்திரமாக மீட்டு கரைக்கு அழைத்து வந்தது.
5. பழவேற்காட்டில் மீனவர்களிடையே மோதல்; அண்ணன், தம்பிக்கு அரிவாள் வெட்டு
பழவேற்காட்டில் மீனவர்களிடையே ஏற்பட்ட மோதல் தொடர்பாக அண்ணன், தம்பிக்கு அரிவாள் வெட்டு விழுந்தது.