மாவட்ட செய்திகள்

அரியலூர் மாவட்டத்தில் நீர் நிலைகளில் வண்டல் மண்ணை விவசாயிகள் எடுத்துக்கொள்ளலாம் கலெக்டர் தகவல் + "||" + In Ariyalur district, farmers can pick up the sediment in the water bodies

அரியலூர் மாவட்டத்தில் நீர் நிலைகளில் வண்டல் மண்ணை விவசாயிகள் எடுத்துக்கொள்ளலாம் கலெக்டர் தகவல்

அரியலூர் மாவட்டத்தில் நீர் நிலைகளில் வண்டல் மண்ணை விவசாயிகள் எடுத்துக்கொள்ளலாம் கலெக்டர் தகவல்
அரியலூர் மாவட்ட நீர் நிலைகளில் உள்ள வண்டல் மண்ணை விவசாயிகள் இலவசமாக எடுத்து கொள்ளலாம் என்று கலெக்டர் டி.ஜி.வினய் தெரிவித்தார்.
அரியலூர்,

அரியலூர் மாவட்டம், பொய்யாத நல்லூர் கிராமத்தில் உள்ள பெரிய ஏரி, சோலைவனம் ஏரி ஆகிய 2 ஏரிகளை தன்னார்வ அமைப்புகள் கொண்டு தூர்வாரும் பணியினை கலெக்டர் டி.ஜி.வினய் மற்றும் மாவட்ட போலீஸ் சூப்பிரண்டு சீனிவாசன் ஆகியோர் தொடங்கி வைத்தனர். அப்போது கலெக்டர் வினய் பேசுகையில், பொய்யாத நல்லூர் கிராமத்திலுள்ள பெரிய ஏரியினை தன்னார்வ அமைப்புகள் மூலம் தூர்வாரப்படுகின்றன. இந்த ஏரியின் பரப்பளவு 60 ஏக்கர். தாசில்தார்கள் மற்றும் நில அளவைத்துறை அலுவலர்கள் முறையாக கணக்கெடுத்தபின், இந்த ஏரியில் கரைகள் பலப்படுத்தும் பணி, மதகுகள் புனரமைக்கும் பணிகள் நடைபெறும்.


இந்த ஆண்டு பருவமழை காலங்களில் ஏரி முழுவதும் மழைநீர் சேகரிக்கப்பட்டு, விவசாயம் செழிக்க வேண்டும். விவசாய நிலங்களில் தொடர்ந்து ஒரே வகையாக பயிரிடுவதால், மண்ணின் ஊட்டச்சத்து, தரம் குறைந்து காணப்படுகின்றது. அதனை சீர்செய்யும் விதமாக ஏரிகளில் எடுக்கப்படும் வண்டல் மண்ணை தங்களது நிலங்களுக்கு பயன்படுத்திக்கொள்ள விவசாயிகள் முன்வர வேண்டும்.

அரியலூர் மாவட்டத்தில் பொதுப்பணித்துறை மற்றும் ஊரக வளர்ச்சித் துறையின் கட்டுப்பாட்டில் உள்ள நீர் நிலைகளில் உள்ள வண்டல் மண்ணை விவசாயிகள் இலவசமாக எடுத்துக்கொள்ள தமிழக அரசு அனுமதித்துள்ளது. எனவே விவசாயிகள் தங்களது விவசாய நிலத்திற்கு வண்டல் மண் தேவைப்படும் பட்சத்தில் தங்களுக்கு சொந்தமான பட்டா நிலத்திற்குரிய கணினி சிட்டா நகலுடன் குடும்ப அட்டை நகல் அல்லது ஆதார் அட்டை நகல் அல்லது வாக்காளர் அடையாள அட்டை நகல் இவற்றில் ஏதேனும் ஒன்றினை இணைத்து அந்தந்த தாசில்தார் அலுவலகத்தில் மனு செய்து கொள்ளும்பட்சத்தில் வண்டல் மண்ணை விவசாயப் பணிகளுக்கு எடுத்துக்கொள்ள உரிய அனுமதி வழங்கப்படும் என்றார்.

இதில் தாசில்தார் கதிரவன், வட்டார வளர்ச்சி அலுவலர் கரையரசன், வளர்ச்சித்துறை, வருவாய்த்துறை, நில அளவைத்துறை மற்றும் தன்னார்வ அமைப்பினர் கலந்து கொண்டனர்.

தொடர்புடைய செய்திகள்

1. உள்ளாட்சி தேர்தல் பணியாளர்கள் 8,400 பேருக்கு பயிற்சி அரியலூர் கலெக்டர் ரத்னா தகவல்
அரியலூர் மாவட்ட உள்ளாட்சி தேர்தல் பணியில் ஈடுபடவுள்ள 8,400 பணியாளர்களுக்கு பயிற்சி அளிக்கப்பட உள்ளது என்று கலெக்டர் ரத்னா தெரிவித்தார்.
2. கிரு‌‌ஷ்ணகிரியில் இன்று உள்ளாட்சி தேர்தல் வாக்குப்பதிவு அலுவலர்களுக்கு பயிற்சி கலெக்டர் ஆய்வு
கிரு‌‌ஷ்ணகிரியில் இன்று (ஞாயிற்றுக்கிழமை) உள்ளாட்சி தேர்தலில் பணிபுரியும் அலுவலர்களுக்கு பயிற்சி அளிக்கப்பட உள்ளதை முன்னிட்டு முன்னேற்பாடு பணிகளை கலெக்டர் பிரபாகர் ஆய்வு செய்தார்.
3. கடைசி நாளான இன்று விடுமுறை என்பதால் விவசாயிகள் நாளை பயிர் காப்பீடு செய்யலாம் தஞ்சை கலெக்டர் தகவல்
பயிர் காப்பீடு செய்ய கடைசி நாளான இன்று விடுமுறை என்பதால் நாளையும் காப்பீடு செய்யலாம் என்று கலெக்டர் கூறி உள்ளார்.
4. உள்ளாட்சி தேர்தலை அமைதியான முறையில் நடத்த ஒத்துழைப்பு அளிக்க வேண்டும் கலெக்டர் பேச்சு
தர்மபுரி மாவட்டத்தில் உள்ளாட்சி தேர்தலை அமைதியான முறையில் நடத்த அனைத்து அரசியல் கட்சியினரும் ஒத்துழைப்பு அளிக்க வேண்டும் என்று தர்மபுரியில் நடந்த ஆலோசனைக்கூட்டத்தில் கலெக்டர் மலர்விழி பேசினார்.
5. உள்ளாட்சி தேர்தல் தொடர்பான புகார்களை 1950 என்ற எண்ணில் தெரிவிக்கலாம் கலெக்டர் அறிவிப்பு
குமரி மாவட்டத்தில் உள்ளாட்சி தேர்தல் தொடர்பான புகார்களை 1950 என்ற எண்ணில் தெரிவிக்கலாம் என்று கலெக்டர் பிரசாந்த் வடநேரே தெரிவித்துள்ளார்.