மாவட்ட செய்திகள்

கரூர்-திருச்சி மாவட்டங்களில் நீர்நிலைகளை தூர்வாரி மழைநீரை சேமிக்க வேண்டும் + "||" + The Karur-Trichy districts need to store rainwater for rainwater harvesting

கரூர்-திருச்சி மாவட்டங்களில் நீர்நிலைகளை தூர்வாரி மழைநீரை சேமிக்க வேண்டும்

கரூர்-திருச்சி மாவட்டங்களில் நீர்நிலைகளை தூர்வாரி மழைநீரை சேமிக்க வேண்டும்
கரூர், திருச்சி, திண்டுக்கல் மாவட்டங்களில் நீர்நிலைகளை தூர்வாரி அதில் மழைநீரை சேமித்திட அரசு நடவடிக்கை எடுக்க வேண்டும் என கொங்குநாடு மக்கள் தேசிய கட்சியின் கிழக்கு மண்டல இளைஞரணி கூட்டத்தில் தீர்மானம் நிறைவேற்றப்பட்டது.
கரூர்,

கொங்குநாடு மக்கள் தேசிய கட்சியின் கிழக்கு மண்டல இளைஞரணி நிர்வாகிகள் ஆலோசனை கூட்டம் கரூர் கோவை ரோட்டிலுள்ள ஒரு ஓட்டல் அரங்கில் நேற்று நடந்தது. இதற்கு, மாநில இளைஞரணி செயலாளர் சூரியமூர்த்தி தலைமை தாங்கி பேசினார். கிழக்கு மண்டல இளைஞரணி செயலாளர் விக்னேஷ்வர், மாநில வர்த்தக அணி செயலாளர் விசா ம.சண்முகம், மாநில துணை பொது செயலாளர் சக்தி கோச் நடராஜன் ஆகியோர் முன்னிலை வகித்தனர்.


வேலைவாய்ப்பில் இடஒதுக்கீடு

இந்த கூட்டத்தில், முதலீட்டாளர்கள் மாநாடு மூலம் வணிகத்திற்கு வர இருக்கிற அனைத்து நிறுவனங்களிலும், கொங்கு நாட்டு இளைஞர்களுக்கு வேலை வாய்ப்பில் 5 சதவீத இடஒதுக்கீட்டினை தமிழக அரசு வழங்கிட வேண்டும். கரூர், திண்டுக்கல், திருச்சி மாவட்டங்களில் ஏரி, குளம், வாய்க்கால் உள்ளிட்ட நீர்நிலைகளை தூர்வாரி அதில் மழைநீரையும், ஆறுகளிலிருந்து கிடைக்கும் உபரிநீரையும் சேமிக்க வழிவகை செய்ய வேண்டும்.

கடும் வறட்சி நிலவுவதால் தண்ணீர் பற்றாக்குறை ஏற்பட்டு இந்த மாவட்டங்களில் விவசாயம் செய்ய முடியாத நிலை உள்ளதால் விவசாயிகள் சிரமப்படுகின்றனர். இதனை கருத்தில் கொண்டு அவர்களுக்கு வறட்சி நிவாரணம் வழங்கிட வேண்டும்.

அரசு மருத்துவ கல்லூரிக்கு...

கரூரில் உள்ள அரசு மருத்துவ கல்லூரிக்கு “தீரன் சின்னமலை” பெயரை வைக்க வேண்டும். நிறுவன தலைவர் கோவை செழியனுக்கு கொங்கு மாமணி விருது வழங்குகிற சென்னை கொங்கு நண்பர்கள் சங்கத்துக்கு நன்றி தெரிவிப்பது, தீரன் சின்னமலையின் நினைவஞ்சலி நிகழ்ச்சியினை ஓடாநிலையில் கட்சியினர் திரளானோர் கலந்து கொண்டு கொண்டாடுவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

மாவட்ட செயலாளர்கள் மூர்த்தி (கரூர் கிழக்கு), ரமேஷ் (கரூர் மேற்கு), சேகர் (திருச்சி), அருள் (திண்டுக்கல்) உள்பட பலர் கலந்து கொண்டனர்.

தொடர்புடைய செய்திகள்

1. ஆன்லைன் வர்த்தகத்தை தடை செய்யக்கோரி கும்பகோணத்தில் 17-ந்தேதி ஆர்ப்பாட்டம்
ஆன்லைன் வர்த்தகத்தை தடை செய்யக்கோரி கும்பகோணத்தில் வருகிற 17-ந்தேதி ஆர்ப்பாட்டம் நடத்துவது என வணிகர்கள் சங்க கூட்டத்தில் தீர்மானம் நிறைவேற்றப்பட்டது.
2. சென்னையில் அதிமுக மாவட்ட செயலாளர்கள் கூட்டம் தொடங்கியது
சென்னையில் அதிமுக தலைமை அலுவலகத்தில் மாவட்ட செயலாளர்கள் கூட்டம் தொடங்கியது.
3. விடுதலை சிறுத்தைகள் கட்சி செயல்வீரர்கள் கூட்டம்
அரியலூரில் விடுதலை சிறுத்தைகள் கட்சியின் மாவட்ட செயல்வீரர்கள் கூட்டம் நடைபெற்றது.
4. அரியலூர் மாவட்ட உள்ளாட்சி தேர்தல் பணியில் 8,313 அலுவலர்கள் கலெக்டர் ரத்னா தகவல்
அரியலூர் மாவட்ட உள்ளாட்சி தேர்தலில் 8,313 அலுவலர்கள் வாக்குப்பதிவு பணியில் ஈடுபடவுள்ளனர் என்று மாவட்ட கலெக்டர் ரத்னா தெரிவித்துள்ளார்.
5. உள்ளாட்சி தேர்தல் தேதி அறிவிக்கப்பட்டதால் குறைதீர்க்கும் நாள் கூட்டம் ரத்து
உள்ளாட்சி தேர்தல் தேதி அறிவிக்கப்பட்டதால் பெரம்பலூர் கலெக்டர் அலுவலகத்தில் நடைபெற இருந்த மக்கள் குறைதீர்க்கும் நாள் கூட்டம் ரத்துசெய்யப்பட்டது. இதையடுத்து மனுக்களை பொதுமக்கள் பெட்டியில் போட்டு விட்டு சென்றனர்.