மாவட்ட செய்திகள்

தடை காலம் முடிகிறது: குளச்சல் விசைப்படகு மீனவர்கள் நாளை கடலுக்கு செல்கிறார்கள் + "||" + End of Prohibition period: Fishermen of the pool are heading to sea tomorrow

தடை காலம் முடிகிறது: குளச்சல் விசைப்படகு மீனவர்கள் நாளை கடலுக்கு செல்கிறார்கள்

தடை காலம் முடிகிறது: குளச்சல் விசைப்படகு மீனவர்கள் நாளை கடலுக்கு செல்கிறார்கள்
தடை காலம் இன்று முடிவதையொட்டி, குளச்சல் விசைப்படகு மீனவர்கள் நாளை முதல் கடலுக்கு செல்கிறார்கள்.
குளச்சல்,

கடலில் மீன் வளத்தை பாதுகாக்கும் வகையில் மீன்களின் இனப்பெருக்க காலங்களில் விசைப்படகுகள் மீன்பிடிப்பதற்கு அரசு தடை விதித்துள்ளது. இந்த மீன்பிடி தடை காலம் குமரி மாவட்டத்தில் 2 பருவ காலமாக உள்ளது. கிழக்கு கடலோர பகுதியில் உள்ள சின்னமுட்டத்தில் கடந்த ஏப்ரல் 15 –ந் தேதி முதல் ஜூன் 15–ந் தேதி வரை தடை காலம் அமலில் இருந்தது.


இதுபோல், மேற்கு கடற்கரை பகுதிகளான மணக்குடி, ராஜாக்கமங்கலம், முட்டம், குளச்சல், இனயம், தூத்தூர், நீரோடி போன்ற 40 கடலோர கிராமங்களில் மே 31–ந் தேதி நள்ளிரவு முதல் தடை காலம் தொடங்கியது. இந்த தடை இன்று (புதன்கிழமை) நள்ளிரவு நீங்குகிறது.

இந்த 2 மாத காலத்தில் மேற்கு கடல் பகுதியில் தொழில் செய்யும் விசைப்படகுகள் குளச்சல், முட்டம் மீன் பிடித்துறைமுகங்களில் நங்கூரம் பாய்ச்சி நிறுத்தப்பட்டன. கேரளா சென்ற குமரி விசைப்படகினர் படகுகளை அங்கு நிறுத்திவிட்டு ஊர் திரும்பினர். அத்துடன், மீனவர்கள் தங்களது படகுகளை பழுதுப்பார்ப்பது, வலை போன்ற உபகரணங்களை சீரமைப்பது போன்ற பணிகளில் ஈடுபட்டனர்.

தடை காலம் முடிவதையொட்டி நாளை (வியாழக்கிழமை) அதிகாலை முதல் விசைப்படகுகள் மீண்டும் மீன் பிடிக்க கடலுக்கு செல்கின்றன. இதற்காக மீனவர்கள் வலை போன்ற உபகரணங்களை தயார் செய்து வைத்துள்ளனர். மேலும் டீசல், குடிநீர், ஐஸ்கட்டி ஆகியவற்றை படகுகளுக்கு கொண்டு செல்லும் பணியில் ஈடுபட்டுள்ளனர்.

கேரளாவில் விசைப்படகுகளை நிறுத்திவிட்டு வந்த குமரி மீனவர்களும் மீண்டும் கேரளாவுக்கு புறப்பட்டு சென்ற வண்ணம் உள்ளனர். நாளை முதல் விசைப்படகுகள் மீண்டும் கடலுக்கு செல்வதை முன்னிட்டு குளச்சல் தூய காணிக்கை அன்னை ஆலயத்தில் பங்குத்தந்தை மரிய செல்வன் தலைமையில் சிறப்பு திருப்பலி நடந்தது.

தொடர்புடைய செய்திகள்

1. ஒகேனக்கல்லுக்கு நீர்வரத்து 27ஆயிரம் கனஅடியாக அதிகரிப்பு அருவியில் குளிக்கவும், பரிசல் இயக்கவும் தடை நீட்டிப்பு
ஒகேனக்கல் காவிரி ஆற்றில் நீர்வரத்து நேற்று வினாடிக்கு 27ஆயிரம் கனஅடியாக அதிகரித்தது. அருவிகளில் குளிக்கவும், பரிசல்கள் இயக்கவும் விதிக்கப்பட்டுள்ள தடை நேற்று 10-வது நாளாக நீடித்தது.
2. கலைமாமணி உள்ளிட்ட விருதுகளை வழங்குவதற்கு தடை விதிக்கக் கோரி ஐகோர்ட்டில் வழக்கு; தேதி குறிப்பிடாமல் தீர்ப்பு ஒத்திவைப்பு
கலைமாமணி உள்ளிட்ட விருதுகளை வழங்குவதற்கு தடை விதிக்க கோரி தொடரப்பட்ட வழக்கில் மதுரை ஐகோர்ட்டு தேதி குறிப்பிடாமல் தீர்ப்பை ஒத்திவைத்தது.
3. தென்அமெரிக்க கால்பந்து கூட்டமைப்பு குறித்து விமர்சித்த அர்ஜென்டினா அணியின் கேப்டன் மெஸ்சிக்கு 3 மாதம் தடை
சமீபத்தில் நடந்த கோபா அமெரிக்கா கால்பந்து போட்டியின் அரைஇறுதியில் அர்ஜென்டினா அணி 0–2 என்ற கோல் கணக்கில் போட்டியை நடத்தும் பிரேசிலிடம் தோல்வி கண்டது.
4. 10 வகை பிளாஸ்டிக் பொருட்களுக்கு புதுச்சேரியில் நாளை முதல் தடை - அரசு அதிரடி அறிவிப்பு
புதுவையில் பைகள், குவளைகள், தட்டுகள் உள்பட 10 வகையான பிளாஸ்டிக் பொருட்களுக்கு தடை விதிக்கப்பட்டுள்ளது. இந்த தடை நாளை முதல் அமலுக்கு வருவதாக அரசு அதிரடியாக அறிவித்துள்ளது.
5. ஊக்க மருந்து பயன்படுத்தியதால் இந்திய இளம் கிரிக்கெட் வீரர் பிரித்வி ஷாவுக்கு 8 மாதம் தடை
ஊக்கமருந்து பயன்படுத்திய இந்திய இளம் கிரிக்கெட் வீரர் பிரித்வி ஷாவுக்கு 8 மாதம் விளையாட தடை விதிக்கப்பட்டுள்ளது.