மாவட்ட செய்திகள்

க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார் + "||" + K. Paramedi Government Secondary School students complaining to police asking for expensive laptop

க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார்

க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார்
க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார் கொடுத்தனர்.
க.பரமத்தி,

கரூர் மாவட்டம், க.பரமத்தியில் அரசு மேல்நிலைப்பள்ளி உள்ளது. இங்கு சுமார் 500க்கும் மேற்பட்ட மாணவ-மாணவிகள் படித்து வருகின்றனர். இந்தநிலையில் கடந்த வெள்ளிக் கிழமை அன்று பள்ளியில் படித்து வரும் பிளஸ்-1, பிளஸ்-2 படிக்கும் 158 மாணவ-மாணவிகளுக்கு தமிழக அரசின் விலையில்லா மடிக்கணினிகள் பள்ளி கல்வித்துறை சார்பில் வழங்கப்பட்டது.


இதனை தெரிந்துகொண்ட இப்பள்ளியில் 2018-19-ம் கல்வியாண்டில் படித்த முன்னாள் மாணவ-மாணவிகள் சிலர் எங்களுக்கும் இதுவரை மடிக்கணினி வழங்கப்பட வில்லை. இதனால் எங்களுக்கும் மடிக்கணினி உடனடியாக வழங்க வேண்டும் என நேற்று காலை அரசு மேல்நிலைப்பள்ளிக்கு வந்து முறையிட்டனர். இதையடுத்து பள்ளி நிர்வாகத்தினர் கூடிய விரைவில் உங்கள் அனைவருக்கும் மடிக்கணினி வழங்கப்படும் என உறுதியளித்தனர்.

போலீஸ் நிலையத்தில் புகார்

இதனை ஏற்றுக்கொள்ளாத முன்னாள் மாணவ, மாணவிகள் க.பரமத்தி போலீஸ் நிலையத்திற்கு சென்று, மடிக்கணினி கேட்டு புகார் மனு கொடுத்தனர். புகாரின்பேரில் க.பரமத்தி போலீசார், பள்ளி தலைமையாசிரியர் (பொறுப்பு) சத்தியமூர்த்தியை நேரில் வர வழைத்து விவரத்தை கேட்டனர். அதைத்தொடர்ந்து அவர் 3 மாதத்தில் விலையில்லா மடிக்கணினி வழங்க நடவடிக்கை எடுக்கப்படும் என கூறினார். இதையடுத்து முன்னாள் மாணவ-மாணவிகள் அங்கிருந்து புறப்பட்டு சென்றனர். இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. ஆக்கிரமிப்பு குளம் மீட்பு விவகாரம்: பாதுகாப்பு கேட்டு சமூக ஆர்வலர் போலீசில் மனு
குளந்திரான்பட்டு குளம் ஆக்கிரமிப்பு மீட்கப்பட்ட பிரச்சினையில் தனது உயிருக்கு ஆபத்து இருப்பதாகவும், பாதுகாப்பு கேட்டும் சமூக ஆர்வலர் துரைகுணா கறம்பக்குடி போலீசில் மனு கொடுத்து உள்ளார்.
2. நீதிபதி அடித்ததாக போலீஸ்காரர் புகார் - உயர்மட்ட விசாரணைக்கு உத்தரவு
நீதிபதி அடித்ததாக போலீஸ்காரர் புகார் தெரிவித்ததால், உயர்மட்ட விசாரணைக்கு உத்தரவிடப்பட்டுள்ளது.
3. அரசு பஸ்களில் ஏற்ற மறுத்தால் பயணிகள் புகார் தெரிவிக்கலாம் - அதிகாரிகள் தகவல்
மதுரை மாட்டுத்தாவணி எம்.ஜி.ஆர். பஸ்நிலையத்தில் இருந்து அரசு பஸ்களில் பயணிகளை ஏற்ற மறுக்கும் ஊழியர்கள் மீது மானாமதுரை பஸ் நிலையத்தில் புகார் செய்யலாம் என போக்குவரத்து கழக அதிகாரிகள் தெரிவித்தனர்.
4. அன்னவாசல், மாத்தூர், விராலிமலை போலீஸ் நிலையங்களில் தர்மபுரி அ.ம.மு.க. நிர்வாகி மீது அ.தி.மு.க.வினர் புகார்
அ.தி.மு.க. மாவட்ட மகளிர் அணி செயலாளர் அன்னலட்சுமி தலைமையில் 20-க்கும் மேற்பட்ட பெண்கள் அன்னவாசல் போலீஸ் சப்-இன்ஸ்பெக்டர் ஜெயஸ்ரீயிடம் மனு கொடுத்தனர்.
5. பெரம்பலூரில் டிராக்டர் தருவதாக கூறி மோசடி: ஏஜென்சி மேலாளர் மீது நடவடிக்கை கோரி போலீஸ் சூப்பிரண்டிடம் விவசாயி புகார்
பெரம்பலூரில் டிராக்டர் தருவதாக கூறி பண மோசடி செய்த ஏஜென்சி மேலாளர் மீது நடவடிக்கை எடுக்கக்கோரி விவசாயி ஒருவர் போலீஸ் சூப்பிரண்டிடம் மனு கொடுத்தார்.