மாவட்ட செய்திகள்

சமூக வலைதளங்களில் அவதூறு கருத்து: கரூர் எம்.பி. மீது பா.ஜ.க.வினர் போலீசில் புகார் + "||" + Defamation comment on social media: Karur MP The BJP complained to the police

சமூக வலைதளங்களில் அவதூறு கருத்து: கரூர் எம்.பி. மீது பா.ஜ.க.வினர் போலீசில் புகார்

சமூக வலைதளங்களில் அவதூறு கருத்து: கரூர் எம்.பி. மீது பா.ஜ.க.வினர் போலீசில் புகார்
சமூக வலைதளங்களில் அவதூறான கருத்துகளை பதிவிட்டதாக கரூர் எம்.பி. மீது பா.ஜ.க.வினர் போலீசில் புகார் கொடுத்தனர்.
கரூர்,

பா.ஜ.க. இளைஞர் அணியின் திருச்சி கோட்ட இணை பொறுப்பாளர் கார்த்திகேயன், கரூர் மாவட்ட பொது செயலாளர் கிருஷ்ணமூர்த்தி, கரூர் நகர தலைவர் செல்வன், நகர பொது செயலாளர் சரவண பாலாஜி உள்பட நிர்வாகிகள் திரண்டு வந்து நேற்று கரூர் டவுன் போலீஸ் நிலையத்தில் கரூர் காங்கிரஸ் எம்.பி. ஜோதிமணி மீது ஒரு புகார் மனு கொடுத்தனர்.


அந்த மனுவில், கடந்த சில நாட்களுக்கு முன்பு கரூர் எம்.பி. ஜோதிமணி அதிகாரப்பூர்வமான தனது டுவிட்டர், பேஸ்புக் உள்ளிட்ட சமூக வலைதளங் களில் ஆர்.எஸ்.எஸ்., சங்பரிவார் அமைப்பு மற்றும் பா.ஜ.க. மீது அவதூறு பரப்பும் வகையிலான கருத்துக்களை பதிவிட்டுள்ளார். எனவே அவர் மீது சட்டரீதியான நடவடிக்கையை மேற்கொள்ள வேண்டும், என்று கூறியிருந்தனர்.

அவதூறு கருத்துகள்

மேலும் சமூக வலைதளங்களில் பதிவிடப்பட்ட கருத்துகளை செல்போனில் புகைப்படமாக எடுத்து வந்து காண்பித்தனர். மனுவை பெற்றுக் கொண்ட கரூர் டவுன் இன்ஸ்பெக்டர் உதயகுமார், புகாரை பதிவு செய்து மனு ரசீதினை பா.ஜ.க.வினரிடம் வழங்கினார். மேலும் இது தொடர்பாக விசாரித்து உரிய நடவடிக்கை எடுக்கப்படும் என்று அவர் கூறினார். இந்த சம்பவம் கரூரில் பெரும் பரபரப்பை ஏற்படுத்தி உள்ளது.

இது தொடர்பாக கரூர் பா.ஜ.க.வினர் நிருபர்களிடம் கூறுகையில், சமீபத்தில் ஐ.என்.எக்ஸ். மீடியா முறைகேடு வழக்கில் முன்னாள் மத்திய மந்திரி ப.சிதம்பரம் புதுடெல்லியில் சி.பி.ஐ. அதிகாரிகளால் கைது செய்யப்பட்டார். இந்நிலையில் “தெய்வம் நின்று கொல்லும். ஈழத்தமிழர் கதறிய போது இங்கே அதிகார போதையில் அகங்காரமாய் சுற்றிய அத்தனை பேரையும் தெய்வம் நிச்சயம் நின்று கொல்லும்” என்று ஒருவர் சமூக வலைதளங்களில் கருத்து பதிவிட்டார். இது தொடர்பாக ஜோதிமணி எம்.பி.யின் அதிகாரப்பூர்வ வலைதள பக்கத்தில் இருந்து “போடா முட்டாள்” என்று பதில் அளிக்கப்பட்டது. அதனை தொடர்ந்து நடந்த கருத்து மோதலில் தான் அவர் ஆர்.எஸ்.எஸ்., சங்பரிவார் அமைப்பு, பா.ஜ.க. மீது அவதூறு கருத்துக்களை பரப்பினார், என்றனர்.

தொடர்புடைய செய்திகள்

1. ஆக்கிரமிப்பு குளம் மீட்பு விவகாரம்: பாதுகாப்பு கேட்டு சமூக ஆர்வலர் போலீசில் மனு
குளந்திரான்பட்டு குளம் ஆக்கிரமிப்பு மீட்கப்பட்ட பிரச்சினையில் தனது உயிருக்கு ஆபத்து இருப்பதாகவும், பாதுகாப்பு கேட்டும் சமூக ஆர்வலர் துரைகுணா கறம்பக்குடி போலீசில் மனு கொடுத்து உள்ளார்.
2. நீதிபதி அடித்ததாக போலீஸ்காரர் புகார் - உயர்மட்ட விசாரணைக்கு உத்தரவு
நீதிபதி அடித்ததாக போலீஸ்காரர் புகார் தெரிவித்ததால், உயர்மட்ட விசாரணைக்கு உத்தரவிடப்பட்டுள்ளது.
3. அரசு பஸ்களில் ஏற்ற மறுத்தால் பயணிகள் புகார் தெரிவிக்கலாம் - அதிகாரிகள் தகவல்
மதுரை மாட்டுத்தாவணி எம்.ஜி.ஆர். பஸ்நிலையத்தில் இருந்து அரசு பஸ்களில் பயணிகளை ஏற்ற மறுக்கும் ஊழியர்கள் மீது மானாமதுரை பஸ் நிலையத்தில் புகார் செய்யலாம் என போக்குவரத்து கழக அதிகாரிகள் தெரிவித்தனர்.
4. அன்னவாசல், மாத்தூர், விராலிமலை போலீஸ் நிலையங்களில் தர்மபுரி அ.ம.மு.க. நிர்வாகி மீது அ.தி.மு.க.வினர் புகார்
அ.தி.மு.க. மாவட்ட மகளிர் அணி செயலாளர் அன்னலட்சுமி தலைமையில் 20-க்கும் மேற்பட்ட பெண்கள் அன்னவாசல் போலீஸ் சப்-இன்ஸ்பெக்டர் ஜெயஸ்ரீயிடம் மனு கொடுத்தனர்.
5. பெரம்பலூரில் டிராக்டர் தருவதாக கூறி மோசடி: ஏஜென்சி மேலாளர் மீது நடவடிக்கை கோரி போலீஸ் சூப்பிரண்டிடம் விவசாயி புகார்
பெரம்பலூரில் டிராக்டர் தருவதாக கூறி பண மோசடி செய்த ஏஜென்சி மேலாளர் மீது நடவடிக்கை எடுக்கக்கோரி விவசாயி ஒருவர் போலீஸ் சூப்பிரண்டிடம் மனு கொடுத்தார்.