மாவட்ட செய்திகள்

கொள்ளிடம் தண்ணீர் கடைமடை வரை வராததால் விவசாயிகள் தவிப்பு + "||" + Until the water to the creek Farmers suffer from not coming

கொள்ளிடம் தண்ணீர் கடைமடை வரை வராததால் விவசாயிகள் தவிப்பு

கொள்ளிடம் தண்ணீர் கடைமடை வரை வராததால் விவசாயிகள் தவிப்பு
கொள்ளிடம் தண்ணீர் கடைமடை பகுதி வரை வராததால் விவசாயிகள் தவித்து வருகின்றனர்.
கீரமங்கலம்,

கல்லணையில் இருந்து கடந்த மாதம் பாசனத்திற்கு தண்ணீர் திறக்கப்பட்டு உள்ளது. ஆனால் வழக்கமாக திறக்க வேண்டிய 4 ஆயிரத்து 200 கனஅடி தண்ணீர் திறக்கப்படாததால் புதுக்கோட்டை மாவட்டத்தில் கறம்பக்குடி, ஆலங்குடி, அறந்தாங்கி, தாலுகாக்களில் உள்ள கடைமடை பாசனத்திற்கும் தஞ்சாவூர் மாவட்டத்தில் உள்ள பட்டுக்கோட்டை, பேராவூரணி தாலுகாக்களுக்கும் தண்ணீர் வராததால் விவசாயிகள் விவசாயம் செய்ய முடியாமல் தவித்து வருகின்றனர். புதுக்கோட்டை மாவட்டத்தில் கீரமங்கலம் அருகே உள்ள மேற்பனைக்காடு, நெய்வத்தளி, ஆயிங்குடி, நாகுடி வரை கடைமடை பாசனத்திற்கு தண்ணீர் வரும் என்று விவசாயிகள் எதிர்பார்த்தனர். ஆனால், குறைந்த அளவு தண்ணீரே வந்ததால் அதனை பயன்படுத்தி விவசாயம் செய்யமுடியாமல் தவித்து வருகின்றனர்.


வீணாகும் தண்ணீர்

இதுகுறித்து விவசாயிகள் சிலர் கூறுகையில், கொள்ளிடத்தில் திறக்கப்பட்ட தண்ணீர், கடைமடை பகுதி வரை வராததால் சுமார் 6 ஆயிரம் கண்மாய்கள் தண்ணீர் இன்றி உள்ளன. ஆனால், கொள்ளிடம் தண்ணீர் வீணாக கடலுக்கு செல்கிறது. இந்த தண்ணீரை கல்லணை கால்வாயில் திறந்துவிட்டு இருந்தால் ஏராளமான விவசாயிகள் பயனடைந்து இருப் பார்கள். மேலும் கல்லணை கால்வாயில் மராமத்து பணிகள் செய்யப்படாததால் செடி கொடிகளும், புயலில் சாய்ந்த மரங்களும் தண்ணீரின் வேகத்தை தடுக்கிறது.குறிப்பாக மேற்பனைக்காடு கிராமத்தில் இருந்து ஆயிங்குடி வழியாக நாகுடி செல்லும் கல்லணை கால்வாயில் அதிகளவு செடி, கொடிகள் இருப்பதால் தண்ணீர் செல்வதில் சிக்கல் ஏற்பட்டுள்ளது.

தண்ணீர் வருவதற்கு முன்பாக இந்த செடி, கொடிகளை அகற்றி இருந்தால் தண்ணீர் தடையின்றி சென்று இருக்கும். 5 அடி உயரத்திற்கு குறையாமல் தண்ணீர் சென்றால் அனைத்து பாசன வாய்க்கால்கள் மூலம் விவசாயத்திற்கும், ஏரி, குளங்கள் நிரம்பவும் வசதியாக இருக்கும்.

மேலும் மும்பாலை ஏரி வரை தண்ணீர் செல் லும். ஆனால் 2 அடி அளவிற்கே தண்ணீர் செல்வதால் எந்த இடத்திலும் விவசாயம் செய்ய முடியாமலும், ஏரி, குளங்களில் நிரப்ப முடியாமலும் தண்ணீர் வீணாகி வருகிறது, ஆகவே, கடைமடை பகுதி வரை அதிகளவு தண்ணீர் திறக்க அதிகாரிகள் நடவடிக்கை எடுக்க வேண்டும் என்றனர்.

தொடர்புடைய செய்திகள்

1. பெரம்பலூர் மாவட்டத்தில் பூத்து குலுங்கும் கேந்தி பூக்கள் விலை கிடைக்காததால் விவசாயிகள் வேதனை
பெரம்பலூர் மாவட்டத்தில் கேந்தி பூச்செடிகளில் அதிகளவு பூக்கள் பூத்து குலுங்குகின்றன. ஆனால் அந்த பூக்களுக்கு மார்க்கெட்டில் சரியான விலை கிடைக்காததால் விவசாயிகள் வேதனை அடைந்துள்ளனர்.
2. சீர்காழி பகுதியில் பொறைவாய்க்காலில் பாசனத்திற்கு தண்ணீர் திறந்துவிட வேண்டும் விவசாயிகள் கோரிக்கை
சீர்காழி பகுதியில் பொறைவாய்க்காலில் பாசனத்திற்கு தண்ணீர் திறந்துவிட வேண்டும் என்று விவசாயிகள் கோரிக்கை விடுத்துள்ளனர்.
3. விவசாயிகள் தினத்தையொட்டி வயலில் நாற்று நட்ட பள்ளி மாணவர்கள்
விவசாயிகள் தினத்தையொட்டி வயலில் பள்ளி மாணவர்கள் நாற்று நட்டனர்.
4. கஜா புயலால் பாதிக்கப்பட்டவர்களுக்கு 100 சதவீத இழப்பீட்டு தொகை வழங்க வேண்டும் அதிகாரியிடம் விவசாயிகள் மனு
கஜா புயலால் பாதிக்கப்பட்டவர்களுக்கு 100 சதவீத இழப்பீட்டு தொகை வழங்க வேண்டும் என அதிகாரியிடம் விவசாயிகள் கோரிக்கை மனு அளித்தனர்.
5. விவசாயிகளை விளம்பரங்களில் மட்டுமே நினைவுகூர்கிறது உ.பி. அரசு; பிரியங்கா குற்றச்சாட்டு
உத்தர பிரதேசத்தில் விவசாயிகளை விளம்பரங்களில் மட்டுமே நினைவுகூர்ந்திடும் அரசு நடந்து வருகிறது என பிரியங்கா காந்தி குற்றச்சாட்டாக கூறியுள்ளார்.