மாவட்ட செய்திகள்

கீரிப்பாறை எஸ்டேட்டில் நாட்டு வெடிகுண்டு வெடித்து காவலாளி சாவு போலீஸ் விசாரணை + "||" + Police investigating death of a bomb exploded in Kiribara Estate

கீரிப்பாறை எஸ்டேட்டில் நாட்டு வெடிகுண்டு வெடித்து காவலாளி சாவு போலீஸ் விசாரணை

கீரிப்பாறை எஸ்டேட்டில் நாட்டு வெடிகுண்டு வெடித்து காவலாளி சாவு போலீஸ் விசாரணை
கீரிப்பாறையில் எஸ்டேட்டில் நாட்டு வெடிகுண்டு வெடித்து காவலாளி பரிதாபமாக இறந்தார்.
பூதப்பாண்டி,

குமரி மாவட்டம் வேர்கிளம்பியை அடுத்த செங்கோடி செங்கன்கழிவிளை பகுதியை சேர்ந்தவர் கோலப்பன் (வயது 85). இவருக்கு லீலா (58) என்ற மனைவியும், 3 மகள்களும் உள்ளனர். கோலப்பன் கீரிப்பாறையில் மேற்கு தொடர்ச்சி மலை பகுதியில் ஒரு தனியார் எஸ்டேட்டில் காவலாளியாக வேலை பார்த்து வந்தார்.


இந்த எஸ்டேட் மலை பகுதியில் உள்ளதால் இரவு நேரங்களில் வேலிகளை தாண்டி வரும் காட்டுபன்றிகளை துரத்துவதற்காக கோலப்பன் தனது அறையில் எப்போதும் நாட்டு வெடிகுண்டுகளை வைத்திருப்பது வழக்கம். இந்தநிலையில், கோலப்பன் உடல் நலக்குறைவால் கடந்த 2 மாதங்களாக விடுமுறையில் சொந்த ஊருக்கு சென்றிருந்தார்.

வெடிகுண்டு வெடித்தது

நேற்று காலையில் விடுமுறை முடிந்து மீண்டும் வேலைக்கு வந்தார். அங்கு தனது அறைக்கு சென்று பொருட்களை எடுத்துக் கொண்டிருந்தார். அப்போது, அங்கு வைத்திருந்த நாட்டு வெடிகுண்டை கையில் எடுத்தபோது, அது திடீரென பயங்கர சத்தத்துடன் வெடித்தது.

இதில் கோலப்பனின் கை மற்றும் உடலில் பலத்த காயம் ஏற்பட்டு உயிருக்கு போராடினார். சத்தம் கேட்டு அக்கம் பக்கத்தில் வேலை செய்து கொண்டிருந்த தொழிலாளர்கள் அங்கு விரைந்து வந்தனர்.

சாவு

உயிருக்கு போராடிக் கொண்டிருந்த கோலப்பனை மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். அங்கு கோலப்பனை பரிசோதனை செய்த டாக்டர்கள், அவர் ஏற்கனவே இறந்து விட்டதாக தெரிவித்தனர்.

இதுகுறித்து பூதப்பாண்டி போலீசாருக்கு தகவல் தெரிவிக்கப்பட்டது. அதன்பேரில் சப்-இன்ஸ்பெக்டர் மாரிச்செல்வன் தலைமையிலான போலீசார் சம்பவ இடத்துக்கு விரைந்து சென்று விசாரணை நடத்தினர். தனியார் எஸ்டேட்டில் நாட்டு வெடிகுண்டு வெடித்து காவலாளி பலியான சம்பவம் அந்த பகுதியில் சோகத்தை ஏற்படுத்தியது.


தொடர்புடைய செய்திகள்

1. தேன்கனிக்கோட்டை அருகே திருமணமான 3 மாதத்தில் புதுப்பெண் தற்கொலை உதவி கலெக்டர் விசாரணை
தேன்கனிக்கோட்டை அருகே திருமணமான 3 மாதத்தில் புதுப்பெண் தற்கொலை செய்து கொண்டார். இது தொடர்பாக உதவி கலெக்டர் விசாரணை நடத்தி வருகிறார்.
2. நாமக்கல்லுக்கு பிளஸ்-2 வினாத்தாள்கள் கொண்டு வரப்பட்டன 10 மையங்களுக்கு போலீஸ் பாதுகாப்பு
நாமக்கல்லுக்கு நேற்று பிளஸ்-1 மற்றும் பிளஸ்-2 வினாத்தாள்கள் லாரி மூலம் கொண்டு வரப்பட்டன. இவை வைக்கப்பட்டு உள்ள 10 மையங்களுக்கு துப்பாக்கி ஏந்திய போலீஸ் பாதுகாப்பு போடப்பட்டு உள்ளது.
3. இஸ்ரேல் பிரதமருக்கு எதிரான ஊழல் வழக்குகள்; மார்ச் 17ல் விசாரணை
இஸ்ரேல் பிரதமர் பெஞ்சமின் நேதன்யாகுவுக்கு எதிரான ஊழல் வழக்குகள் பற்றிய விசாரணை மார்ச் மாதம் 17ந்தேதி தொடங்கும்.
4. திருச்சி கலெக்டர் அலுவலகத்தில் பரபரப்பு: மண்எண்ணெய் ஊற்றி தீக்குளிக்க முயன்ற போலீஸ் ஏட்டுவின் கணவர் கைது
தாத்தா சொத்தை கொடுக்க தந்தை மறுப்பதாக கூறி, திருச்சி கலெக்டர் அலுவலகத்தில் மண்எண்ணெய் ஊற்றி தீக்குளிக்க முயன்ற போலீஸ் ஏட்டுவின் கணவரை போலீசார் கைது செய்தனர்.
5. திருச்சியில் குழந்தைகள் விற்பனை சம்பவத்தில் புரோக்கர்கள் சிக்கினர் போலீசார் தீவிர விசாரணை
திருச்சியில் குழந்தைகள் விற்பனை சம்பவத்தில் புரோக்கர்கள் சிக்கினர். அவர்களிடம் போலீசார் தீவிர விசாரணை நடத்தி வருகின்றனர்.