மாவட்ட செய்திகள்

நாகர்கோவிலில் பாழடைந்த கட்டிடத்தில் தூக்கில் பிணமாக தொங்கிய தொழிலாளி போலீசார் விசாரணை + "||" + Police investigating hanging corpse in dilapidated building in Nagercoil

நாகர்கோவிலில் பாழடைந்த கட்டிடத்தில் தூக்கில் பிணமாக தொங்கிய தொழிலாளி போலீசார் விசாரணை

நாகர்கோவிலில் பாழடைந்த கட்டிடத்தில் தூக்கில் பிணமாக தொங்கிய தொழிலாளி போலீசார் விசாரணை
நாகர்கோவிலில் பாழடைந்த கட்டிடத்தில் தூக்கில் பிணமாக தொங்கிய தொழிலாளியின் உடலை போலீசார் மீட்டனர். அவரது சாவுக்கான காரணம் குறித்து போலீசார் விசாரணை நடத்தி வருகின்றனர்.
நாகர்கோவில்,

நாகர்கோவில் பீச்ரோடு அருகே பாழடைந்த கட்டிடம் ஒன்று உள்ளது. இந்த கட்டிடத்தில் இதற்கு முன்பு கூட்டுறவு பண்டகசாலை செயல்பட்டு வந்தது. அந்த கட்டிடத்தில் தூக்கில் தொங்கிய நிலையில் ஒரு ஆண் பிணமாக கிடப்பதாக போலீசாருக்கு தகவல் கிடைத்தது.


அதன் பேரில் நேசமணிநகர் போலீஸ் சப்-இன்ஸ்பெக்டர் ஜெகநாதன் மற்றும் போலீசார் சம்பவ இடத்துக்கு விரைந்து சென்று பார்வையிட்டனர். அப்போது அங்கு சுமார் 40 வயது மதிக்கத்தக்க ஆண் ஒருவர் பிணமாக தொங்கினார். போலீசார் அந்த ஆணின் உடலை தூக்கு கயிற்றில் இருந்து இறக்கி பிரேத பரிசோதனைக்காக ஆசாரிபள்ளம் அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர். பின்னர் பிணமாக கிடந்தவர் குறித்து போலீசார் விசாரணை நடத்தினர்.

மனம் உடைந்தார்

இதில், தூக்கில் பிணமாக தொங்கியவர் நாகர்கோவில் கோட்டார் இளங்கடையை சேர்ந்த ராஜேஷ் (வயது 40) என்பதும், மரபாலீஷ் செய்யும் தொழிலாளி என்பதும் தெரிய வந்தது. இவருக்கு திருமணமாகி 2 பிள்ளைகள் உள்ளன. இந்தநிலையில் கணவன்- மனைவிக்கிடையே ஏற்பட்ட கருத்து வேறுபாடு காரணமாக கடந்த 3 ஆண்டுகளுக்கு முன்பு ராஜேஷின் மனைவி அவரை விட்டு பிரிந்து, சென்னையில் குழந்தைகளுடன் வசித்து வருவதாக கூறப்படுகிறது.

இதனால் மனம் உடைந்த நிலையில் ராஜேஷ் இருந்துள்ளார். மனைவி, குழந்தைகளை பிரிந்து வாழ்ந்த அவர் தன்னுடன் வேலை செய்த தொழிலாளர்களிடம், தான் தற்கொலை செய்து கொள்ளப்போவதாக அடிக்கடி கூறி வந்துள்ளார். கடந்த 17-ந் தேதி வேலைக்கு சென்ற ராஜேஷ் வேலை முடிந்து வந்து அன்று இரவு பாழடைந்த கட்டிடத்திலேயே தங்கியிருக்கிறார். இரவில் மனம் உடைந்த அவர் தூக்குப்போட்டு தற்கொலை செய்திருக்கலாம் என போலீசார் தெரிவித்தனர்.

மேலும் இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. புதுக்கோட்டையில் இந்து முன்னணி மாவட்ட செயலாளரின் கார் தீ வைத்து எரிப்பு? போலீசார் விசாரணை
புதுக்கோட்டையில் இந்து முன்னணி மாவட்ட செயலாளரின் கார் நேற்று மர்மமான முறையில் தீப்பிடித்து எரிந்தது. கார் தீ வைத்து எரிக்கப்பட்டதா? என போலீசார் தீவிர விசாரணை மேற்கொண்டு வருகின்றனர்.
2. வெண்ணாற்றில் வாலிபர் பிணம் கொலை செய்து வீசப்பட்டாரா? போலீசார் விசாரணை
தஞ்சை வெண்ணாற்றில் வாலிபர் பிணம் கிடந்தது. அவரை யாரும் கொலை செய்து ஆற்றில் வீசினார்களா? என போலீசார் விசாரணை நடத்தி வருகிறார்கள்.
3. திருச்சி கோட்டை, காந்தி மார்க்கெட் பகுதிகளில் குற்ற நடவடிக்கைகளை தடுக்க 770 போலீசார் கண்காணிப்பு
திருச்சி கோட்டை மற்றும் காந்தி மார்க்கெட் பகுதியில் குற்ற நடவடிக்கைகளை தடுக்க 770 போலீசார் கண்காணிப்பு பணியில் ஈடுபடுகிறார்கள்.
4. பட்டாசு, வெடி பொருட்கள் கொண்டு செல்லப்படுகிறதா? ரெயில் நிலையத்தில் மோப்பநாய் மூலம் போலீசார் சோதனை
பட்டாசு, வெடி பொருட்கள் கொண்டு செல்லப்படுகிறதா? என தஞ்சைரெயில் நிலையத்தில் மோப்பநாய் மூலம் போலீசார் தீவிர சோதனை நடத்தினர்.
5. முத்துப்பேட்டை அருகே மோட்டார் சைக்கிள்கள் மோதல்; விவசாயி பலி போலீசார் விசாரணை
முத்துப்பேட்டை அருகே மோட்டார் சைக்கிள்கள் மோதி கொண்ட விபத்தில் விவசாயி உயிரிழந்தார். இதுகுறித்து போலீசார் விசாரணை நடத்தி வருகின்றனர்.