மாவட்ட செய்திகள்

மகளின் கோரிக்கையை ஏற்று குளத்தை சுத்தம் செய்த பெற்றோர் கிராம மக்கள் பாராட்டு + "||" + Parents and villagers praise the daughter's request for cleaning the pond

மகளின் கோரிக்கையை ஏற்று குளத்தை சுத்தம் செய்த பெற்றோர் கிராம மக்கள் பாராட்டு

மகளின் கோரிக்கையை ஏற்று குளத்தை சுத்தம் செய்த பெற்றோர் கிராம மக்கள் பாராட்டு
திருத்துறைப்பூண்டி அருகே கோபத்தில் பேசாமல் இருந்த மகளை பேச வைக்க அவளுடைய கோரிக்கையை ஏற்று பெற்றோர். குளத்தை சுத்தம் செய்தனர். இந்த நெகிழ்ச்சியான சம்பவத்திற்கு கிராம மக்கள் பாராட்டு தெரிவித்து உள்ளனர்.
திருத்துறைப்பூண்டி,

திருவாரூர் மாவட்டம் திருத்துறைப்பூண்டி அருகே உள்ள மருதவனம் காலனி தெருவை சேர்ந்தவர் சிவக்குமார். விவசாய கூலித்தொழிலாளி. இவருக்கு அருள்மொழி என்ற மனைவியும், பத்தாம் வகுப்பு படிக்கும் விவேகானந்தன் என்ற மகனும், ஏழாம் வகுப்பு படிக்கும் நதியா என்ற மகளும் உள்ளனர். இருவரும் மருதவனம் அரசு மேல்நிலைப்பள்ளியில் படித்து வருகின்றனர்.


கடந்த நவம்பர் மாதம் வீசிய கஜா புயலில் சிவக்குமார் வீடு இடிந்தது. அதன் பிறகு சிவக்குமாருக்கு சரிவர வேலையும் கிடைக்கவில்லை. இதனால் மனம் உடைந்த சிவக்குமார், தன் மனைவியிடம் அடிக்கடி சண்டை போட்டுள்ளார். சிவக்குமார் தம்பதியினர் அடிக்கடி சண்டை போட்டுக்கொள்வதை பார்த்த குழந்தை நதியா மிகுந்த மனவேதனை அடைந்தாள். தனது தாயிடம், அடிக்கடி தந்தை சண்டை போட்டுக்கொள்ளும் சம்பவம் அந்த பிஞ்சு உள்ளத்தில் மிகுந்த மனவேதனையை ஏற்படுத்தியது. இதனால் நதியா தனது தந்தையிடம் பேசுவதை நிறுத்தி விட்டாள்.

குளத்தை சுத்தம் செய்யும் பணி

கோபத்தில் இருக்கும் மகள் கோபம் தணிந்து தன்னிடம் எப்படியும் பேசுவாள் என்று சிவக்குமார் முதலில் நினைத்தார். ஒரு நாள் இரண்டு நாள் அல்ல, ஒரு மாதம் இரண்டு மாதம் அல்ல, கடந்த 8 மாதத்திற்கு மேல் நதியா தனது தந்தையிடம் பேசவே இல்லை. தனது அன்பு மகள் தன்னிடம் பேசாததை நினைத்து மிகவும் மனம் வருந்திய சிவக்குமார், மகள் நதியாவிடம், ஏம்மா... என்னிடம் பேச மறுக்கிறாய். ‘நீ என்னிடம் பேச வேண்டுமானால் நான் என்ன செய்ய வேண்டும்?’ என்று கேட்டுள்ளார்.

அதற்கு சிறுமி நதியா, ‘இனிமேல் அம்மாவிடம் சண்டை போடக்கூடாது. மேலும் நான் படிக்கும் பள்ளிக்கூடம் அருகில் உள்ள கருங்குளத்தில் குப்பைகள் தேங்கி கிடக்கிறது. அந்த குப்பைகளை அகற்றி குளத்தை சுத்தம் செய்ய வேண்டும்’. அப்போதுதான் நான் உங்களிடம் பேசுவேன்’ என்று கூறியுள்ளார்.

தனது மகளை பேச வைப்பதற்காக சிவக்குமார் உடனடியாக களத்தில் இறங்கினார். இதனையடுத்து தனது மனைவி அருள்மொழியுடன் இணைந்து கருங்குளத்தை சுத்தம் செய்யும் பணியில் ஈடுபட்டார். தம்பதியினர் இருவரும் சேர்ந்து அந்த குளத்தில் இருந்த குப்பைகளை அகற்றி சுத்தம் செய்தனர்.

கிராம மக்கள் பாராட்டு

கோபத்தில் பேசாமல் இருந்த மகளை பேச வைக்க குளத்தை பெற்றோர் சுத்தம் செய்த சம்பவம் அந்த பகுதியை சேர்ந்த மக்களிடையே நெகிழ்ச்சியை ஏற்படுத்தியது. இதற்காக கிராம மக்கள் அந்த தம்பதியினரை பாராட்டினர்.

தொடர்புடைய செய்திகள்

1. அடிப்படை வசதிகள் கேட்டு கிராம மக்கள் ஆர்ப்பாட்டம்
முசிறி ஊராட்சி ஒன்றிய அலுவலகம் முன்பு அகில இந்திய விவசாய தொழிலாளர்கள் சங்கத்தின் சார்பில் நேற்று கண்டன ஆர்ப்பாட்டம் நடைபெற்றது.
2. மோட்டார் சைக்கிள் மோதி ஊழியர் சாவு: விபத்தை ஏற்படுத்தியவர் மீது நடவடிக்கை கோரி போலீஸ் நிலையத்தை கிராம மக்கள் முற்றுகை
மோட்டார் சைக்கிள் மோதியதில் கடை ஊழியர் உயிரிழந்த சம்பவத்தை தொடர்ந்து, விபத்தை ஏற்படுத்தியவர் மீது நடவடிக்கை எடுக்க கோரி பெரம்பலூர் போலீஸ் நிலையத்தை கிராம மக்கள் முற்றுகையிட்டனர்.
3. அரசு ஆஸ்பத்திரியில் இருதய சிகிச்சை பிரிவில் கூடுதல் டாக்டர்களை நியமிக்க வேண்டும் மக்கள் குறைதீர்க்கும் முகாமில் மனு
ஆசாரிபள்ளம் அரசு மருத்துவக்கல்லூரி ஆஸ்பத்திரியில் இருதய சிகிச்சை பிரிவில் கூடுதல் டாக்டர்களை நியமிக்க வேண்டும் என்பதை வலியுறுத்தி கலெக்டர் பிரசாந்த் வடநேரேவிடம் ஆதிதிராவிடர் முன்னேற்ற இயக்கத்தினர் மனு அளித்தனர்.
4. குழுமூர் சாலையோரத்தில் மரக்கன்றுகளை நட்டு பராமரிக்கும் இளைஞர்களுக்கு கிராம மக்கள் பாராட்டு
குழுமூர் சாலையோரத்தில் மரக்கன்றுகளை நட்டு பராமரிக்கும் இளைஞர்களுக்கு கிராம மக்கள் பாராட்டு தெரிவித்து வருகின்றனர்.
5. கபடி போட்டி பார்த்ததால் உடல் சோர்வு: உண்மையை கூறி விடுப்பு எடுத்த மாணவனுக்கு பாராட்டு குவிகிறது
கொரடாச்சேரி அருகே கபடி போட்டி பார்த்ததால் உடல் சோர்வு என உண்மையை கூறி விடுப்பு எடுத்த பள்ளி மாணவனுக்கு பாராட்டுகள் குவிந்து வருகின்றன. மாணவன் எழுதிய ‘லீவ் லெட்டர்’ சமூக வலைதளங்களில் வைரலாகி வருகிறது.