கொட்டும் மழையில் விவசாயிகள் ஆர்ப்பாட்டம்

நாகர்கோவில்,

ராஜாக்கமங்கலம் கிளை கால்வாயில் தண்ணீர் திறந்துவிட வலியுறுத்தி சரல் வட்டார விவசாய சங்கம் மற்றும் குருந்தன்கோடு, ராஜாக்கமங்கலம் கிளை கால்வாய் கடைவரம்பு விவசாயிகள் சங்கம் சார்பில் நாகர்கோவிலில் உள்ள மாவட்ட கலெக்டர் அலுவலகம் முன் நேற்று ஆர்ப்பாட்டம் நடந்தது. இதற்கு வட்டார விவசாய சங்க தலைவர் திரவியம் தலைமை தாங்கினார். ராஜரத்தினம், கிருஷ்ணபிள்ளை, ஆறுமுகவேலப்பன், மதிமாறன், ராஜா உள்பட பலர் கலந்துகொண்டனர். ஆர்ப்பாட்டம் நடந்த போது மழை கொட்டியது. கொட்டும் மழையிலும் விவசாயிகள் குடையை பிடித்துக்கொண்டு ஆர்ப்பாட்டத்தில் ஈடுபட்டனர். அப்போது அவர்கள் கோ‌ஷங்களை எழுப்பினர். பின்னர் கோரிக்கைகள் அடங்கிய மனுவை கலெக்டர் அலுவலகத்தில் கொடுத்தனர்.