மாவட்ட செய்திகள்

காவிரி ஆற்றில் இருந்து திருடி குவிக்கப்பட்ட மணல் அகற்றம் பொதுப்பணித்துறையினர் நடவடிக்கை + "||" + Stamped from the Cauvery River Sand Disposal of Public Works

காவிரி ஆற்றில் இருந்து திருடி குவிக்கப்பட்ட மணல் அகற்றம் பொதுப்பணித்துறையினர் நடவடிக்கை

காவிரி ஆற்றில் இருந்து திருடி குவிக்கப்பட்ட மணல் அகற்றம் பொதுப்பணித்துறையினர் நடவடிக்கை
பூம்புகார் அருகே காவிரி ஆற்றில் இருந்து திருடி குவிக்கப்பட்ட மணல் பொதுப்பணித்துறையினர் நடவடிக்கையால் அகற்றப்பட்டது.
திருவெண்காடு,

பூம்புகார் அருகே ராதாநல்லூர், ஆலங்காடு, கருவிழந்தநாதபுரம், கிடாரங்கொண்டான் ஆகிய கிராமங்கள் உள்ளன. இங்கு செல்லும் காவிரி ஆற்றில் சமூகவிரோத கும்பல் இரவு நேரங்களில் மணல் திருட்டில் ஈடுபடுவதாகவும், அவ்வாறு எடுக்கும் மணலை தேக்கு மர காடுகளின் நடுவே குவித்து வைத்து லாரிகள் மூலம் தொடர்ந்து விற்பனை செய்வதாகவும், தொடர்ந்து மணல் எடுப்பதால் மேற்கண்ட பகுதிகளில் காவிரி ஆற்றின் கரைகள் மழை காலத்தில் உடைப்பு ஏற்படும் அபாயம் இருப்பதாகவும் அப்பகுதி பொதுமக்கள் பொதுப்பணித்துறையினருக்கு தகவல் தெரிவித்தனர்.


பொக்லின் எந்திரம் மூலம் அகற்றம்

இதனையடுத்து மயிலாடுதுறை பொதுப்பணித்துறை செயற்பொறியாளர் ஆசைதம்பி உத்தரவின்பேரில் உதவி செயற்பொறியாளர் செந்தில்குமரன், உதவி பொறியாளர் கனகசரவணசெல்வன், லஸ்கர் பாண்டியன் மற்றும் பணியாளர்கள் மேற்கண்ட காவிரிஆற்றின் கரையோர பகுதிகளில் தீவிர சோதனையில் ஈடுபட்டனர்.

அப்போது அந்த பகுதிகளில் குவியல், குவியலாக மணல் குவிக்கப்பட்டு இருப்பதை கண்டுபிடித்தனர். இதனை தொடர்ந்து அங்கு குவிக்கப்பட்ட மணலை பொக்லின் எந்திரங்கள் மூலம் அப்புறப்படுத்தி, காவிரி ஆற்றில் காணப்படும் பள்ளங்களை நிரப்பினர். இதுகுறித்து அதிகாரிகள் கூறுகையில், காவிரிஆற்றில் இரவு நேரங்களில் மணல் திருட்டில் ஈடுபடுபவர்கள் மீது போலீஸ் துறை மூலம் உரிய நடவடிக்கை எடுக்கப்படும் என்றனர். 

தொடர்புடைய செய்திகள்

1. மன்னார்குடி அருகே கோவில் உண்டியல் திருட்டு 4 பேருக்கு வலைவீச்சு
மன்னார்குடி அருகே கோவில் உண்டியலை திருடி சென்ற 4 பேரை போலீசார் வலைவீசி தேடிவருகின்றனர்.
2. சீல் வைக்கப்பட்ட அரிசி ஆலையில் ரூ.10 லட்சம் எந்திரங்கள் திருட்டு - உரிமையாளர் உள்பட 2 பேர் மீது வழக்கு
வங்கி கடனை திரும்ப செலுத்தாததால் சீல் வைக்கப்பட்ட அரிசி ஆலையில், ரூ.10 லட்சம் மதிப்புள்ள எந்திரங்களை ஆலையின் உரிமையாளர் மற்றும் அவரது நண்பர் திருடிச்சென்றனர். அவர்கள் மீது போலீசார் வழக்கு பதிந்து விசாரித்து வருகின்றனர்.
3. கோ.பூவனூர் வரதராஜ பெருமாள் கோவில் பூட்டை உடைத்து திருட்டு - மர்மநபர்களுக்கு போலீஸ் வலைவீச்சு
விருத்தாசலம் அருகே கோ. பூவனூர் வரதராஜ பெருமாள் கோவிலில் பூட்டை உடைத்து திருடிய மர்மநபர்களை போலீசார் வலைவீசி தேடி வருகின்றனர்.
4. கண்டமங்கலம் அருகே மணல் திருட்டில் ஈடுபட்டவர் குண்டர் தடுப்பு சட்டத்தில் கைது
விழுப்புரம் அருகே மணல் திருட்டில் ஈடுபட்டவரை குண்டர் தடுப்பு சட்டத்தில் போலீசார் கைது செய்தனர்.
5. சேலத்தில், கள்ளச்சாவி போட்டு மளிகைக்கடையில் ரூ.1½ லட்சம் திருட்டு - தந்தை, மகன் கைது
சேலத்தில் கள்ளச்சாவி போட்டு மளிகைக்கடையில் ரூ.1½ லட்சம் திருடிய தந்தை, மகனை போலீசார் கைது செய்தனர்.