மாவட்ட செய்திகள்

புரட்டாசி கடைசி சனிக்கிழமையையொட்டி பெருமாள் கோவில்களில் சிறப்பு வழிபாடு + "||" + The special worship at the Perumal temples on the last Saturday of Pratyasi

புரட்டாசி கடைசி சனிக்கிழமையையொட்டி பெருமாள் கோவில்களில் சிறப்பு வழிபாடு

புரட்டாசி கடைசி சனிக்கிழமையையொட்டி பெருமாள் கோவில்களில் சிறப்பு வழிபாடு
புரட்டாசி கடைசி சனிக்கிழமையையொட்டி பெருமாள் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டனர்.
கரூர்,

கரூர் தாந்தோன்றிமலை பகுதியில் இந்துசமய அறநிலையத்துறை கட்டுப்பாட்டின்கீழ் பழமைவாய்ந்ததும், பிரசித்திபெற்றதுமான கல்யாண வெங்கடரமணசாமி பெருமாள் கோவில் உள்ளது. இக்கோவிலில் புரட்டாசி மாத கடைசி சனிக் கிழமையையொட்டி பெருமாளுக்கு பால், பன்னீர், தேன், இளநீர், சந்தனம் உள்ளிட்ட திரவியங்களால் சிறப்பு அபிஷேகம் செய்யப்பட்டது. பின்னர் பூக்களால் சாமிக்கு சிறப்பு அலங்காரம் செய்யப்பட்டது. பின்னர் பெருமாளுக்கு மகாதீபாராதனை காட்டப்பட்டு பூஜைகள் நடந்ததும், பக்தர்கள் சென்று பெருமாளை வழிபட்டு சென்றனர். திண்டுக்கல்லை சேர்ந்த செருப்பு தைக்கும் தொழிலாளர்கள் ஒத்த செருப்பினை காணிக்கையாக பெருமாளுக்கு கொடுத்து தங்களது நேர்த்திக்கடனை செலுத்தி சென்றனர். இதேபோல் தேங்காய் உடைத்தும் பக்தர்கள் பலர் நேர்த்திக்கடன் செலுத்தியதை காண முடிந்தது. இதற்கான ஏற்பாடுகளை கோவில் நிர்வாகத்தினர் மற்றும் பணியாளர்கள் செய்திருந்தனர்.


நொய்யல்

இதேபோல நொய்யல் அருகே கோம்புபாளையத்தில் பூமிதேவி, நீலாதேவி சமேத சீனிவாசபெருமாள் கோவிலில் புரட்டாசி மாத கடைசி சனிக்கிழமையையொட்டி சாமிகளுக்கு பால், பழம், தயிர், விபூதி உள்பட பல்வேறு அபிஷேகம் நடந்தது. தொடர்ந்து பல்வேறு பூக்கள் மற்றும் துளசியால் அலங்காரம் செய்யப்பட்டு ஆராதனை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு பிரசாதம் மற்றும் அன்னதானம் வழங்கப்பட்டது.

தொடர்புடைய செய்திகள்

1. திருப்பூரில் இருந்து பீகாருக்கு 1,464 தொழிலாளர்கள் சிறப்பு ரெயிலில் பயணம்
திருப்பூரில் இருந்து பீகாருக்கு 1,464 தொழிலாளர்கள் சிறப்பு ரெயிலில் சொந்த ஊருக்கு சென்றனர்.
2. வெளி மாநிலத்தில் இருந்து சேலத்திற்கு வந்தவர்களை கண்காணிக்க சிறப்பு குழுக்கள் மாநகராட்சி ஆணையாளர் தகவல்
வெளி மாநிலத்தில் இருந்து சேலத்திற்கு வந்தவர்களை கண்காணிக்க சிறப்பு குழுக்கள் அமைக்கப்பட்டுள்ளது என்று மாநகராட்சி ஆணையாளர் சதீஷ் தெரிவித்தார்.
3. திருவண்ணாமலை அருணாசலேஸ்வரர் கோவிலில் சித்திரை வசந்த உற்சவம் நிறைவையொட்டி சாமிக்கு சிறப்பு அபிஷேகம்
திருவண்ணாமலை அருணாசலேஸ்வரர் கோவிலில் சித்திரை வசந்த உற்சவம் நிறைவையொட்டி சிவன், அம்பாளுக்கு சிறப்பு அபிஷேகம் செய்யப்பட்டது. ஊரடங்கால் யாரும் கிரிவலம் செல்லவில்லை. இதனால் கிரிவலப்பாதை வெறிச்சோடி காணப்பட்டது.
4. கள்ளக்குறிச்சி மாவட்ட அரசு தலைமை மருத்துவமனை வெறிச்சோடியது நோயாளிகள் தாமாக முன்வந்து ‘டிஸ்சார்ஜ்’ ஆகி சென்றனர்
கள்ளக்குறிச்சி மாவட்ட அரசு தலைமை மருத்துவமனையில் உள்நோயாளிகள் தாமாகவே முன்வந்து ‘டிஸ்சார்ஜ்’ ஆகி சென்றதால் மருத்துவமனை வெறிச்சோடி காணப்பட்டது.
5. கும்பகோணத்தில் இருந்து 300 சிறப்பு பஸ்கள் இயக்கம் அதிகாரி தகவல்
கும்பகோணத்தில் இருந்து 300 சிறப்பு பஸ்கள் இயக்கப்படுகின்றன என பொதுமேலாளர் ஜெபராஜ் நவமணி கூறினார்.