மாவட்ட செய்திகள்

நாமக்கல்லில் பரபரப்பு பிரபல தனியார் பள்ளியில் ரூ.30 கோடி சிக்கியது வருமானவரித்துறையினர் அதிரடி சோதனை + "||" + Rs. 30 crores at Naramakkal's famous private school Action test

நாமக்கல்லில் பரபரப்பு பிரபல தனியார் பள்ளியில் ரூ.30 கோடி சிக்கியது வருமானவரித்துறையினர் அதிரடி சோதனை

நாமக்கல்லில் பரபரப்பு பிரபல தனியார் பள்ளியில் ரூ.30 கோடி சிக்கியது வருமானவரித்துறையினர் அதிரடி சோதனை
நாமக்கல்லில் உள்ள பிரபல தனியார் பள்ளியில் வருமானவரித்துறை அதிகாரிகள் நடத்திய அதிரடி சோதனையில் கணக்கில் வராத ரூ.30 கோடி சிக்கியதால் பரபரப்பு ஏற்பட்டு உள்ளது.
நாமக்கல்,

நாமக்கல்லில் பிரபல தனியார் பள்ளி ஒன்று செயல்பட்டு வருகிறது. இந்த பள்ளி நிர்வாகத்தால் ‘நீட்’ தேர்வுக்கான பயிற்சி மையங்கள் நாமக்கல், கரூர், சென்னை ஆகிய இடங்களில் நடத்தப்பட்டு வருகின்றன. இதில் தமிழகத்தின் பல்வேறு பகுதிகளை சேர்ந்த அரசு உயர் அதிகாரிகள், அரசியல் பிரமுகர்கள், தொழிலதிபர்கள் மற்றும் முக்கிய பிரமுகர்களின் பிள்ளைகள் படித்து வருகின்றனர்.


இந்த நிலையில் இப்பள்ளி சார்பில் நடத்தப்படும் ‘நீட்’ தேர்வுக்கான பயிற்சி மையத்தில் கூடுதல் கட்டணம் வசூலிக்கப்படுவதாகவும், அது தொடர்பான கணக்குகள் முறையாக சமர்ப்பிக்கப்படுவது இல்லை எனவும் வருமான வரித்துறை அதிகாரிகளுக்கு ரகசிய தகவல் கிடைத்தது. இதையடுத்து நேற்று முன்தினம் நாமக்கல்லில் உள்ள பள்ளி அலுவலகம், நாமக்கல், கரூர், சென்னையில் உள்ள பள்ளி நிர்வாகிகளின் வீடுகள் மற்றும் ‘நீட்’ பயிற்சி மையம் உள்ளிட்ட 17 இடங்களில் வருமானவரித்துறை அதிகாரிகள் பல்வேறு குழுக்களாக பிரிந்து சோதனை நடத்தினர்.

நேற்று முன்தினம் காலை 10.30 மணிக்கு தொடங்கிய இந்த சோதனை தொடர்ந்து 2-வது நாளாக நேற்றும் நீடித்தது. இந்த சோதனையின் போது வரி ஏய்ப்பு நடைபெற்று உள்ளதா? என பல்வேறு கோணங்களில் அதிகாரிகள் ஆய்வு செய்தனர். குறிப்பாக இப்பள்ளி கணக்குகள் பராமரிக்கப்படும் வங்கிகளுக்கும் வருமானவரித்துறை அதிகாரிகள் சென்று வரவு-செலவு கணக்குகளை ஆய்வு செய்தனர். இந்த சோதனை நேற்று இரவும் நீடித்தது.

இந்த நிலையில், கடந்த 2 நாட்களாக நடைபெற்ற சோதனையில் சுமார் ரூ.150 கோடி வரை வரிஏய்ப்பு செய்யப்பட்டுள்ளது தெரியவந்துள்ளதாகவும், மேலும் பள்ளியில் மறைத்து வைக்கப்பட்டு இருந்த ரூ.30 கோடி ரொக்கம் சிக்கி உள்ளதாகவும், தொடர்ந்து சோதனை நடைபெற்று வருவதாகவும் டெல்லியில் இருந்து வந்த வருமானவரித்துறை அதிகாரிகள் தரப்பில் தெரிவித்தனர். சோதனை நடைபெற்றதையொட்டி பள்ளி வளாகத்தில் போலீஸ் பாதுகாப்பு போடப்பட்டு இருந்தது.

தொடர்புடைய செய்திகள்

1. குளச்சலில் போக்குவரத்து விதிகளை மீறிய 106 பேர் மீது வழக்கு சட்டையில் பொருத்திய கேமராவுடன் போலீசார் வாகன சோதனை
குளச்சல் பகுதியில் போக்குவரத்து விதிகளை மீறி வாகனம் ஓட்டிய 106 பேர் மீது போலீசார் வழக்குப்பதிவு செய்தனர். மேலும், சட்டையில் பொருத்திய கேமராவுடன் போலீசார் வாகன சோதனையில் ஈடுபட்டனர்.
2. திண்டுக்கல் அபிராமி அம்மன் கோவிலுக்கு வெடிகுண்டு மிரட்டல் 2 மணி நேரம் போலீசார் சோதனை
திண்டுக்கல் அபிராமி அம்மன் கோவிலுக்கு வந்த வெடிகுண்டு மிரட்டலால் பரபரப்பு ஏற்பட்டது. இதையடுத்து போலீசார் 2 மணி நேரம் சோதனை நடத்தினர்.
3. சுதந்திர தினத்தையொட்டி காட்பாடி ரெயில் நிலையத்தில் போலீசார் சோதனை
சுதந்திரதின விழா நாடு முழுவதும் இன்று (சனிக்கிழமை) கொண்டாடப்படுகிறது. இதையொட்டி மக்கள் அதிகமாக கூடும் இடங்கள், மற்றும் காட்பாடி ரெயில் நிலையத்தில் போலீஸ் பாதுகாப்பு பலப்படுத்தப்பட்டுள்ளது.
4. தூத்துக்குடியில் போலீசார் அதிரடி சோதனை: ரூ. 17 லட்சம் புகையிலை பொருட்கள் பறிமுதல்; 3 பேர் கைது
தூத்துக்குடியில் போலீசார் நடத்திய அதிரடி சோதனையில், ரூ.17 லட்சம் மதிப்பிலான தடை செய்யப்பட்ட புகையிலை பொருட்கள் பறிமுதல் செய்யப்பட்டன. இதுதொடர்பாக 3 பேர் கைது செய்யப்பட்டனர்.
5. ஊத்துக்கோட்டை அருகே ஆந்திராவுக்கு மது பாட்டில்கள் கடத்த முயற்சி; 4 பேர் கைது கார் பறிமுதல்
ஊத்துக்கோட்டை அருகே காரில் ஆந்திராவுக்கு மது பாட்டில்கள் கடத்த முயன்ற 4 பேர் கைது செய்யப்பட்டனர். அவர்களிடமிருந்து, ரூ.25 ஆயிரம் மதிப்புள்ள 182 மது பாட்டில்கள் பறிமுதல் செய்யப்பட்டது.