மாவட்ட செய்திகள்

அரசு மணல் குவாரியில் முறைகேடு பொதுப்பணித்துறை அதிகாரியிடம் லாரி உரிமையாளர்கள் புகார் மனு + "||" + Lorry owners lodge a complaint with the Public Works Department

அரசு மணல் குவாரியில் முறைகேடு பொதுப்பணித்துறை அதிகாரியிடம் லாரி உரிமையாளர்கள் புகார் மனு

அரசு மணல் குவாரியில் முறைகேடு பொதுப்பணித்துறை அதிகாரியிடம் லாரி உரிமையாளர்கள் புகார் மனு
அரசு மணல் குவாரியில் முறைகேடு நடப்பதாக பொதுப்பணித்துறை அதிகாரியிடம் லாரி உரிமையாளர்கள் புகார் மனு கொடுத்துள்ளனர்.
திருச்சி,

தமிழ்நாடு மணல் லாரி உரிமையாளர்கள் சம்மேளன தலைவர் செல்ல.ராசாமணி தலைமையில் மணல் லாரி உரிமையாளர்கள் பலர் நேற்று திருச்சி மண்டல பொதுப்பணித்துறை அலுவலகத்துக்கு திரண்டு வந்தனர். அங்கு அவர்கள், பொதுப்பணித்துறை செயற்பொறியாளர் இளங்கோவனை சந்தித்து ஒரு புகார் மனு கொடுத்தனர்.


அந்த மனுவில் கூறப்பட்டு இருப்பதாவது:-

முறைகேடு

புதுக்கோட்டை மாவட்டம் அறந்தாங்கி தாலுகா அழியாநிலை அரசு மணல் குவாரியில் இருந்து மணல் எடுத்து வந்து கோவில்வயல் அரசு மணல் விற்பனை நிலையத்தில் மணல் விற்பனை செய்யப்பட்டு வருகிறது.

மணல் குவாரியில் இருந்து விற்பனை நிலையத்திற்கு மணல் எடுத்து செல்ல ஒப்பந்தம் பெற்றவர்கள் கனரக டாரஸ் லாரிகளில் குவாரியில் இருந்து மணல் எடுத்து சென்று, அதை விற்பனை நிலையத்தில் இறக்காமல் முறைகேடாக வெளியில் விற்பனை செய்கிறார்கள்.

வாழ்வாதாரம் இழப்பு

இவ்வாறு தினமும் சுமார் 50 லோடு மணல் முறைகேடாக தனியார் கட்டுமான பணிகளுக்காக ஒரு லோடு மணல் தலா ரூ.40 ஆயிரம் வீதம் விற்பனை செய்யப்படுகிறது. இந்த முறைகேட்டுக்கு காவல்துறையினர், வருவாய்த்துறையினர், கனிம வளத்துறையினர், வட்டார போக்குவரத்து அலுவலர்கள் உறுதுணையாக இருக்கிறார்கள்.

இதனால் அரசு மணல் விற்பனை நிலையத்தில் ஆன்-லைன் மூலம் பதிவு செய்த லாரி உரிமையாளர்கள் மணல் கிடைக்காமல் லாரிகளை இயக்க முடியாமல் அவதிப்பட்டு வருகிறார்கள். மேலும் அவர்கள் வாழ்வாதாரத்தை இழந்து தற்ெகாலை செய்து கொள்ளும் சூழ்நிலைக்கு தள்ளப்பட்டு உள்ளனர்.

நடவடிக்கை

அரசு மணல் குவாரி மற்றும் விற்பனை நிலையத்தில் நடைபெற்று வரும் இந்த முறைகேட்டினால் அரசுக்கு கோடிக்கணக்கான ரூபாய் வருவாய் இழப்பு ஏற்படுகிறது. எனவே இந்த முறைகேட்டில் ஈடுபட்டு வரும் அதிகாரிகள் மீது நடவடிக்கை எடுத்து, ஆன்-லைன் மூலம் பதிவு செய்த லாரி உரிமையாளர்களுக்கு மணல் வழங்கும்படி கேட்டுக்கொள்கிறோம்.

இவ்வாறு அதில் கூறப்பட்டிருந்தது.

முற்றுகை போராட்டம்

இதுகுறித்து செல்ல.ராசாமணி நிருபர்களிடம் கூறும்போது, ‘தமிழகத்தில் தற்போது செயல்பட்டு வரும் ஒரேயொரு கோவில்வயல் அரசு மணல் விற்பனை நிலையத்திலும் முைறகேடு நடந்து வருகிறது. முதல்-அமைச்சர் அறிவித்தபடி விரைவில் 20 மணல் குவாரிகளையும் திறக்க நடவடிக்கை எடுக்கவேண்டும். தமிழகத்தில் அரசு மற்றும் தனியார் கட்டுமான பணிகளுக்கு தினமும் 35 ஆயிரம் லோடு மணல் தேவை. ஆனால் 100 லோடு மணல் மட்டும் தான் வழங்கப்படுகிறது. இதனால் கட்டுமான பணிகள் மொத்தமாக முடங்கி கிடக்கிறது. இந்த பிரச்சினைக்கு தீர்வு காணாவிட்டால் அடுத்த கட்டமாக மணல்குவாரியை முற்றுகையிடும் போராட்டம் நடைபெறும்’ என்றார்.

தொடர்புடைய செய்திகள்

1. ஆர்.டி.ஐ. சட்டத்தின் கீழ் இந்திய தலைமை நீதிபதி; மனு மீது சுப்ரீம் கோர்ட்டில் நாளை தீர்ப்பு
இந்திய தலைமை நீதிபதியை ஆர்.டி.ஐ. சட்டத்தின் கீழ் கொண்டு வருவது பற்றிய மனு மீது சுப்ரீம் கோர்ட்டு நாளை தீர்ப்பு வழங்குகிறது.
2. உள்ளாட்சி தேர்தலில் போட்டியிட அ.தி.மு.க.வில் விருப்ப மனு 15, 16-ந் தேதிகளில் வழங்கலாம்
உள்ளாட்சி தேர்தலில் போட்டியிட விரும்பும் தொண்டர்களிடம் இருந்து வரும் 15, 16 ஆகிய தேதிகளில் விருப்ப மனுக்களை அ.தி.மு.க. வாங்க இருக்கிறது. இதற்காக மாவட்ட அளவில் மனுக்கள் வாங்க நிர்வாகிகள் நியமிக்கப்பட்டுள்ளனர்.
3. புறம்போக்கு நிலத்தை அளக்க வந்த அரசு அதிகாரிகளை கிராம மக்கள் முற்றுகையிட்டதால் பரபரப்பு
புறம்போக்கு நிலத்தை அளக்க வந்த அரசு அதிகாரிகளை கிராம மக்கள் முற்றுகையிட்டதால் பரபரப்பு ஏற்பட்டது.
4. திருவள்ளுவர் சிலையை அவமதித்தவர்கள் மீது நடவடிக்கைகோரி மனு
கரூர் (கருவூர்) மாவட்டத்தில் உள்ள ஐயன் திருவள்ளுவர் சிலைக்கு பாதுகாப்பு அளித்திட வேண்டும் என்கிற கோரிக்கைகளை வலியுறுத்தி மனு கொடுத்தனர்.
5. குமரி மாவட்டத்தில் சாலைகளை 16-ந்தேதிக்குள் சீரமைக்காவிட்டால் போராட்டம் கலெக்டரிடம், எம்.பி.-எம்.எல்.ஏ.க்கள் மனு
குமரி மாவட்டத்தில் 16-ந் தேதிக்குள் சாலைகளை சீரமைக்காவிட்டால் 5 இடங்களில் மறியல் போராட்டம் நடத்தப்படும் என்று கலெக்டரிடம், எச்.வசந்தகுமார் எம்.பி. மற்றும் 3 எம்.எல்.ஏ.க்கள் மனு கொடுத்தனர்.