மாவட்ட செய்திகள்

கருங்கண்ணி ஊராட்சியில் மண்சாலையில் தேங்கி நிற்கும் மழை நீரால் தொற்றுநோய் பரவும் அபாயம் + "||" + Risk of infection due to stagnant rain water

கருங்கண்ணி ஊராட்சியில் மண்சாலையில் தேங்கி நிற்கும் மழை நீரால் தொற்றுநோய் பரவும் அபாயம்

கருங்கண்ணி ஊராட்சியில் மண்சாலையில் தேங்கி நிற்கும் மழை நீரால் தொற்றுநோய் பரவும் அபாயம்
கருங்கண்ணி ஊராட்சியில் மண் சாலையில் தேங்கி நிற்கும் மழை நீரால் தொற்றுநோய் பரவும் அபாயம் உள்ளது. எனவே அந்த பகுதியில் தார்சாலை அமைத்து தர வேண்டும் என்று பொதுமக்கள் கோரிக்கை விடுத்துள்ளனர்.
வேளாங்கண்ணி,

கீழையூர் ஒன்றியம் கருங்கண்ணி ஊராட்சியில் அய்யனார் கோவில் தெரு சாலை உள்ளது. இந்த சாலையில் இருந்து பிரிந்து செல்லும் மண் சாலை பகுதியில் 70-க்கும் மேற்பட்ட குடும்பத்தினர் வசித்து வருகின்றனர். கடந்த சில நாட்களாக பெய்த மழையின் காரணமாக இந்த மண் சாலை முழுவதும் தண்ணீர் தேங்கி நிற்கிறது. இந்த மழைநீர் வழிந்தோட வடிகால் வசதி இல்லை. இந்த மண்சாலையில் தேங்கி நிற்கும் மழை தண்ணீர் வழியாக தான் அந்த பகுதி பொதுமக்கள், பள்ளி, கல்லூரி மாணவ-மாணவிகள் சென்று வருகின்றனர்.


இந்த சாலையில் மழைநீர் தேங்கி நிற்பதால், அதிகளவில் கொசுக்கள் உற்பத்தியாகிறது. இதனால் அந்த பகுதியில் கொசுத்தொல்லையும் அதிகரித்துள்ளது. இதனால் தொற்று நோய் பரவும் அபாயம் உள்ளது. எனவே இந்த மண்சாலையை தார் சாலையாக மாற்ற வேண்டும் என்று சம்பந்தப்பட்ட அதிகாரிகளுக்கு பலமுறை கோரிக்கை விடுத்தும் இதுவரை எந்தநடவடிக்கையும் எடுக்கவில்லை என கூறப்படுகிறது.

தார்சாலை

இதுகுறித்து சம்பந்தப்பட்ட அதிகாரிகள் மண் சாலையில் தேங்கி நிற்கும் மழைநீரை வெளியேற்றி வடிகால் வசதி ஏற்படுத்தி தரவேண்டும். மேலும் இந்த மண்சாலையை தார் சாலையாக அமைத்து தர நடவடிக்கை எடுக்க வேண்டும் என்று அந்த பகுதி மக்கள் கோரிக்கை விடுத்துள்ளனர். 

தொடர்புடைய செய்திகள்

1. மலைப்பாதையில் பள்ளம் தோண்டுவதால், வாகனங்கள் விபத்தில் சிக்கும் அபாயம்
சிறுமலை மலைப்பாதையில் தோண்டப்பட்ட பள்ளத்தால் வாகனங்கள் விபத்தில் சிக்கும் அபாயம் உள்ளது. அந்த இடங் களில் ஒளிரும் பட்டைகளை வைக்க வேண்டும் என்று பொதுமக்கள் வலியுறுத்தியுள்ளனர்.
2. மீன்சுருட்டி கடைவீதியில் தேங்கி நிற்கும் மழைநீரால் நோய் பரவும் அபாயம்
மீன்சுருட்டி கடைவீதியில் தேங்கி நிற்கும் மழைநீரால் நோய் பரவும் அபாய நிலை ஏற்பட்டுள்ளது. இதனால் பொதுமக்கள் அச்சத்தில் உள்ளனர்.
3. நிதி பற்றாக்குறையால் தள்ளாடும் ஐ.நா. சபை இந்த மாத இறுதிக்குள் மொத்த நிதியும் தீரும் அபாயம்
ஐ.நா. சபை நிதி பற்றாக்குறையால் தள்ளாடி வருகிறது. இந்த மாத இறுதிக்குள் அதன் மொத்த நிதியும் தீரும் அபாயம் ஏற்பட்டுள்ளது.
4. மேட்டூர் அணையில் திறந்து விடப்பட்ட தண்ணீர் மாயனூர் தடுப்பணை வந்தது காவிரி கரையோர மக்களுக்கு வெள்ள அபாய எச்சரிக்கை
மேட்டூர் அணையில் இருந்து திறந்து விடப்பட்ட தண்ணீர் மாயனூர் தடுப்பணைக்கு வந் தது. காவிரி கரையோர மக்களுக்கு வெள்ள அபாய எச்சரிக்கை விடப்பட்டுள்ளது.
5. தருமத்துப்பட்டி-ஆடலூர் இடையே மலைப்பாதையில் மீண்டும் மண்சரிவு ஏற்படும் அபாயம்
தருமத்துப்பட்டி-ஆடலூர் மலைப்பாதையில் மீண்டும் மண்சரிவு ஏற்படும் அபாயம் உள்ளது.