மாவட்ட செய்திகள்

அரசின் அடக்குமுறைகளை கண்டு போராட்டத்தை கைவிட மாட்டோம் கரூரில் டாக்டர்கள் அறிவிப்பு + "||" + Doctors in Karur will not abandon the agitation due to state repression

அரசின் அடக்குமுறைகளை கண்டு போராட்டத்தை கைவிட மாட்டோம் கரூரில் டாக்டர்கள் அறிவிப்பு

அரசின் அடக்குமுறைகளை கண்டு போராட்டத்தை கைவிட மாட்டோம் கரூரில் டாக்டர்கள் அறிவிப்பு
அரசின் அடக்குமுறைகளை கண்டு போராட்டத்தை கைவிட மாட்டோம் என கரூரில் போராட்டத்தில் ஈடுபட்டு வரும் டாக்டர்கள் தெரிவித்தனர்.
கரூர்,

அரசு டாக்டர்களுக்கு பட்டமேற்படிப்பு பணியிடங்களுக்கு முறையான வெளிப்படையான கலந்தாய்வு நடத்த வேண்டும், காலமுறை ஊதிய உயர்வு-பதவி உயர்வு வழங்கிட வேண்டும், நோயாளிகளின் எண்ணிக்கைக்கு ஏற்ப டாக்டர்களை அரசு மருத்துவமனைகளில் நியமிக்க வேண்டும் என்பன உள்ளிட்ட கோரிக்கைகளை வலியுறுத்தி கரூர் மாவட்ட தமிழ்நாடு அரசு டாக்டர்கள் சங்க கூட்டமைப்பு சார்பில் கரூர் அரசு மருத்துவமனையில் நேற்று 7-வது நாளாக அரசு டாக்டர்கள் வேலைநிறுத்த போராட்டத்தில் ஈடுபட்டனர். இதற்கு மாவட்ட ஒருங்கிணைப்பாளர் டாக்டர் சிவராமன் தலைமை தாங்கினார்.


கைவிட மாட்டோம்

இந்த போராட்டம் குறித்து அவர் நிருபர்களிடம் கூறுகையில், கரூர் அரசு மருத்துவமனை, அரசு ஆரம்ப சுகாதார நிலையத்தில் பணியாற்றுகிற டாக்டர்கள் 150-க்கும் மேற்பட்டோர் தொடர் வேலை நிறுத்தத்தில் உள்ளனர். நாமக்கல் உள்ளிட்ட இடங்களில் போராட்டத்தில் ஈடுபட்ட டாக்டர்களுக்கு பணியிட மாறுதல் மற்றும் துறை ரீதியான நடவடிக்கையை கையாண்டுள்ளனர். இதுபோன்ற அரசின் அடக்குமுறைகளை கண்டு போராட்டத்தை கைவிட மாட்டோம். மாநில நிர்வாகிகள் சென்னையில் ஆலோசனை நடத்தி முடிவெடுப்பதன் அடிப்படையில் அடுத்த கட்ட போராட்டம் தொடரும் என்றார். வேலை நிறுத்த போராட்டத்தில் ஈடுபட்ட டாக்டர்கள் கரூர் அரசு மருத்துவமனை காத்திருப்போர் அறையில் அமர்ந்து இருந்தனர்.


தொடர்புடைய செய்திகள்

1. 7-வது நாளாக வேலை நிறுத்தம் நீடிப்பு: வாயில் கருப்புத்துணி கட்டி டாக்டர்கள் தர்ணா
தஞ்சையில் 7-வது நாளாக வேலை நிறுத்தப்போராட்டத்தில் ஈடுபட்டுள்ள டாக்டர்கள் வாயில் கருப்புத்துணி கட்டி தர்ணா போராட்டத்தில் ஈடுபட்டனர். இந்த போராட்டத்தில் வகுப்புகளை புறக்கணித்து மருத்துவ மாணவர்களும் கலந்து கொண்டனர்.
2. 7-வது நாளாக வேலை நிறுத்தம்: 95 அரசு டாக்டர்களிடம் விளக்கம் கேட்டு நோட்டீசு
விழுப்புரம் மாவட்டத்தில் 7-வது நாளாக வேலை நிறுத்தத்தில் ஈடுபட்ட 95 அரசு டாக்டர்களிடம் விளக்கம் கேட்டு நோட்டீசு வழங்கப்பட்டது.
3. அரசு டாக்டர்கள் வேலைநிறுத்தம்: போராட்டத்தில் பங்கேற்றவர்கள் பட்டியலை மருத்துவத்துறைக்கு அனுப்ப நடவடிக்கை
தர்மபுரியில் அரசு டாக்டர்கள் நேற்று 7-வது நாளாக வேலைநிறுத்த போராட்டத்தில் ஈடுபட்டனர். இதில் பங்கேற்றவர்களின் பட்டியலை மருத்துவத் துறைக்கு அனுப்ப அதிகாரிகள் நடவடிக்கை மேற்கொண்டு உள்ளனர்.
4. வேலை நிறுத்த போராட்டம் 7-வது நாளாக நீடிப்பு: சேலத்தில் 2 டாக்டர்கள் இடமாற்றம்
சேலத்தில் 7-வது நாளாக அரசு டாக்டர்களின் போராட்டம் நீடித்து வருகிறது. இதனால் 2 டாக்டர்கள் வேறு மாவட்டத்திற்கு இடமாற்றம் செய்யப்பட்டுள்ளனர்.
5. திருவாரூர் அரசு மருத்துவக்கல்லூரி மருத்துவமனையில் டாக்டர்கள் வேலைநிறுத்தம் 6-வது நாளாக நீடிப்பு
திருவாரூர் அரசு மருத்துவக்கல்லூரி மருத்துவமனையில் டாக்டர்கள் நேற்று 6-வது நாளாக வேலை நிறுத்த போராட்டத்தில் ஈடுபட்டனர். போராட்டத்திற்கு மார்க்சிஸ்ட் கம்யூனிஸ்டு கட்சி மற்றும் அரசு ஊழியர் சங்கம் ஆதரவு தெரிவித்தது.