மாவட்ட செய்திகள்

உள்ளாட்சி தேர்தலில் தமிழக மக்கள் தெளிவான தீர்ப்பு அளிப்பார்கள் கி.வீரமணி பேட்டி + "||" + The people of Tamil Nadu will give a clear verdict in the local elections, interviewed by K Veeramani

உள்ளாட்சி தேர்தலில் தமிழக மக்கள் தெளிவான தீர்ப்பு அளிப்பார்கள் கி.வீரமணி பேட்டி

உள்ளாட்சி தேர்தலில் தமிழக மக்கள் தெளிவான தீர்ப்பு அளிப்பார்கள் கி.வீரமணி பேட்டி
உள்ளாட்சி தேர்தலில் தமிழக மக்கள் தெளிவான தீர்ப்பு அளிப்பார்கள் என்று கி.வீரமணி கூறினார்.
திருச்சி,

திருச்சி சுந்தர் நகரில் உள்ள பெரியார் நூற்றாண்டு கல்வி வளாகத்தில் நேற்று நிறுவனர் நாள் விழா நடந்தது. விழாவுக்கு திராவிடர் கழக தலைவர் கி.வீரமணி தலைமை தாங்கி பல்வேறு போட்டிகளில் வெற்றி பெற்ற மாணவ- மாணவிகளுக்கு பரிசு வழங்கியும், சிறப்பாக பணியாற்றிய ஆசிரியர்கள் மற்றும் பணியாளர்களுக்கு சான்றிதழ்கள் வழங்கியும் பேசினார். அவர் பேசுகையில் ‘தந்தை பெரியார் 95 ஆண்டுகள் சமூக நீதிக்காக போராடினார். அவரது சமூக பணியை கண்டு அமெரிக்காவே வியந்தது. பெரியார் கல்வி நிறுவனங்களில் படித்த முன்னாள் மாணவர்களில் பலர் இன்று அமெரிக்காவில் முன்னணி கணினி நிறுவனங்களில் பணியாற்றி வருகிறார்கள். இதைப்பார்க்கும் போது கல்வி உரிமை உலகம் முழுவதும் பரவி உள்ளது’ என்றார். இந்த விழாவில் தனியார் நிறுவன மேலாளர் மதுமிதா கோமதிநாயகம், இந்திய நிதி அமைச்சகத்தின் முன்னாள் இணை செயலாளர் சேகர், வீ. அன்பு ராஜ், கல்வி நிறுவன ஒருங்கிணைப்பாளர் சுப்பிரமணியன் ஆகியோர் கலந்து கொண்டு பேசினார்கள்.


முன்னதாக மணப்பாறையில் நடைபெற்ற நிகழ்ச்சியில் பங்கேற்ற வீரமணி நிருபர்களுக்கு அளித்த பேட்டியில் கூறியதாவது:-

உள்ளாட்சி தேர்தல்

தீவிர சிகிச்சை பிரிவில் இருப்பவர்களுக்கு கடைசியாக ஒரு நம்பிக்கை வரும். அந்த நம்பிக்கையை அ.தி.மு.க.விற்கு இடைத்தேர்தல் முடிவு தந்திருக்கலாம். அப்படியாவது உள்ளாட்சி தேர்தல் நடத்தும் துணிச்சல் வந்தால் நல்லது. உள்ளாட்சி என்பது உள்ளபடியே நல்லாட்சியாகவே அமைய வேண்டும் என்று மக்கள் தீர்ப்பை தெளிவாக அளிப்பார்கள். அந்த நம்பிக்கை இருக்கின்றது. 15 நாட்களில் உள்ளாட்சி தேர்தல் தேதி அறிவிக்க வாய்ப்பு இருப்பதாக ஓ.பன்னீர் செல்வம் கூறுவது போன்று உள்ளாட்சி தேர்தல் தேதி அறிவிக்கப்பட்டால் அதை வரவேற்கிறோம்.

இவ்வாறு அவர் கூறினார்.


தொடர்புடைய செய்திகள்

1. டிசம்பர் 1-ந்தேதி முதல் பெரிய ஓட்டல், நிறுவனங்களின் குப்பைகளை மாநகராட்சி லாரிகள் எடுக்காது ஆணையர் பேட்டி
வருகிற டிசம்பர் 1-ந்தேதி முதல் பெரிய ஓட்டல்கள், நிறுவனங்களின் குப்பைகளை மாநகராட்சி லாரிகள் எடுக்காது என்று மாநகராட்சி ஆணையர் சிவசுப்பிரமணியன் கூறினார்.
2. நாடாளுமன்ற தேர்தலைப்போல் உள்ளாட்சி தேர்தலிலும் கூட்டணி தொடரும் முதல்-அமைச்சர் பேட்டி
நாடாளுமன்ற தேர்தலைப்போல் உள்ளாட்சி தேர்தலிலும் கூட்டணி தொடரும் என்று முதல்- அமைச்சர் எடப்பாடி பழனிசாமி கூறினார்.
3. சென்னையில் காற்று மாசு படிப்படியாக குறைந்து வருகிறது அமைச்சர் ஆர்.பி.உதயகுமார் பேட்டி
‘சென்னையில் காற்று மாசு படிப்படியாக குறைந்து வருகிறது’ என்றும், ‘மக்கள் பீதி அடைய தேவையில்லை’ என்றும் அமைச்சர் ஆர்.பி.உதயகுமார் தெரிவித்து உள்ளார்.
4. உள்ளாட்சி தேர்தலில் அ.தி.மு.க.வுக்கு ஆதரவு சரத்குமார் பேட்டி
உள்ளாட்சி தேர்தலில் அ.தி.மு.க.வுக்கு ஆதரவு என சமத்துவ மக்கள் கட்சி தலைவர் சரத்குமார் தெரிவித்துள்ளார்.
5. தி.மு.க. மீண்டும் ஆட்சிக்கு வருவதை தமிழக மக்கள் விரும்பவில்லை பொன்.ராதாகிருஷ்ணன் பேட்டி
தி.மு.க. மீண்டும் ஆட்சிக்கு வருவதை தமிழக மக்கள் விரும்பவில்லை என்று பொன்.ராதாகிருஷ்ணன் தெரிவித்துள்ளார்.