மாவட்ட செய்திகள்

ரூ.50 ஆயிரம் லஞ்சம் வாங்கிய சப்-இன்ஸ்பெக்டர், 2 போலீஸ்காரர்கள் கைது + "||" + Sub-Inspector, 2 policemen arrested for bribery of Rs 50 thousand

ரூ.50 ஆயிரம் லஞ்சம் வாங்கிய சப்-இன்ஸ்பெக்டர், 2 போலீஸ்காரர்கள் கைது

ரூ.50 ஆயிரம் லஞ்சம் வாங்கிய சப்-இன்ஸ்பெக்டர், 2 போலீஸ்காரர்கள் கைது
ரூ.50 ஆயிரம் லஞ்சம் வாங்கிய சப்-இன்ஸ்பெக்டர் மற்றும் 2 போலீஸ்காரர் களை லஞ்ச ஒழிப்பு போலீசார் கைது செய்தனர்.
அம்பர்நாத், 

தானே மாவட்டம் கல்யாண் தாலுகாவை சேர்ந்த ஒருவர் மீது குட்கா கடத்தல் வழக்கு வால்துனி போலீஸ் நிலையத்தில் நிலுவையில் உள்ளது. இந்தநிலையில் அந்த போலீஸ் நிலைய சப்-இன்ஸ்பெக்டர் ஹரிஷ் காம்ளே, அந்த நபரை சந்தித்து குட்கா கடத்தல் வழக்கு மீது நடவடிக்கை எடுக்காமல் இருக்க தனக்கு ரூ.5 லட்சம் லஞ்சம் தந்தால் விட்டு விடுவதாக தெரிவித்தார்.

இதனால் அந்த நபர் போலீஸ் சப்-இன்ஸ்பெக்டரிடம் நடத்திய பேரத்தில் ரூ.1 லட்சத்து 50 ஆயிரம் தருவதாக ஒப்புக்கொண்டார். இதைத்தொடர்ந்து முன்பணமாக ரூ.1 லட்சத்தை சப்-இன்ஸ்பெக்டரிடம் கொடுத்தார். மீதி பணத்தை பின்னர் தருவதாக கூறினார்.

இந்தநிலையில் அந்த போலீஸ் நிலைய போலீஸ் காரர்கள் பாரத் காடே(49), அங்குஷ் நர்வானே(49) ஆகியோர் அந்த நபரை அடிக்கடி சந்தித்து மீதி பணம் ரூ.50 ஆயிரத்தை உடனடியாக தரும்படி வலியுறுத்தி வந்தனர்.

இதனால் மன உளைச்சலுக்கு ஆளான அந்த நபர் சம்பவம் குறித்து தானே லஞ்ச ஒழிப்பு போலீசில் புகார் அளித்தார். இந்த புகாரின்பேரில் லஞ்சஒழிப்பு போலீசார், சப்-இன்ஸ்பெக்டர் உள்பட 3 பேரையும் கையும் களவுமாக பிடிக்க திட்டமிட்டனர். இதற்காக அந்த நபரிடம் ரசாயன பொடி தடவிய ரூ.50 ஆயிரத்தை கொடுத்து அனுப்பினர்.

இதையடுத்து அந்த நபர் சம்பவத்தன்று போலீஸ் நிலையத்திற்கு சென்று லஞ்சப்பணம் ரூ.50 ஆயிரத்தை அங்கிருந்த போலீஸ்காரர்கள் பாரத் காடேமற்றும் அங்குஷ் நர்வானேவிடம் கொடுத்தார்.

பணத்தை அவர்கள் வாங்கியபோது, அங்கு மறைந்திருந்த லஞ்சஒழிப்பு போலீசார் இருவரையும் கையும், களவுமாக பிடித்து கைது செய்தனர். மேலும் அவர்கள் கொடுத்த தகவலின்பேரில் சப்-இன்ஸ்பெக்டர் ஹரிஷ் காம்ளேவையும் கைது செய்தனர்.

இது குறித்து லஞ்சஒழிப்பு போலீசார் வழக்கு பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. பறிமுதல் செய்யப்பட்ட வாகனங்களை திரும்ப ஒப்படைக்க லஞ்சம் கேட்ட போலீஸ் சப்-இன்ஸ்பெக்டர், பெண் ஏட்டு பணியிடை நீக்கம்
பந்தலூர் அருகே பறிமுதல் செய்யப்பட்ட வாகனங்களை திரும்ப ஒப்படைக்க லஞ்சம் கேட்ட போலீஸ் சப்-இன்ஸ்பெக்டர், பெண் ஏட்டு பணியிடை நீக்கம் செய்யப்பட்டு உள்ளனர்.
2. ரூ.4 ஆயிரம் லஞ்சம் வாங்கிய மாநகராட்சி ஊழியர்கள் 2 பேர் கைது
திருச்சியில் புதிய வீட்டுக்கு வரி நிர்ணயம் செய்ய ரூ.4 ஆயிரம் லஞ்சம் வாங்கிய மாநகராட்சி ஊழியர்கள் 2 பேரை லஞ்ச ஒழிப்பு போலீசார் கைது செய்தனர்.
3. நிலபத்திரத்தை விடுவிக்க விவசாயியிடம் ரூ.50 ஆயிரம் லஞ்சம் வாங்கிய வேலூர் துணை கலெக்டர் கைது
நிலபத்திரத்தை விடுவிக்க விவசாயியிடம் இருந்து ரூ.50 ஆயிரம் லஞ்சம் வாங்கிய வேலூர் தனித்துணை கலெக்டரை லஞ்ச ஒழிப்பு போலீசார் கைது செய்தனர். மேலும் அவரது வீட்டில் பதுக்கி வைத்திருந்த ரூ.76½ லட்சம் கைப்பற்றப்பட்டது.
4. ரூ.500 லஞ்சம் வாங்கிய வழக்கில் அரசு அலுவலருக்கு 4 ஆண்டு சிறை தண்டனை - விழுப்புரம் கோர்ட்டு தீர்ப்பு
ரூ.500 லஞ்சம் வாங்கிய வழக்கில் அரசு அலுவலருக்கு 4 ஆண்டு சிறை தண்டனை விதித்து விழுப்புரம் கோர்ட்டு நேற்று தீர்ப்பு வழங்கியது. இந்த தீர்ப்பு பற்றிய விவரம் வருமாறு:-
5. ரூ.12 ஆயிரம் லஞ்சம் பெற்ற மாநகராட்சி அதிகாரி கைது
ரூ.12 ஆயிரம் லஞ்சம் பெற்ற மாநகராட்சி அதிகாரி கைது செய்யப்பட்டார்.