மாவட்ட செய்திகள்

வேலை கேட்பது போல் நடித்து பூட்டிய வீடுகளில் கைவரிசை காட்டிய தாய், மகன் கைது + "||" + Mother and son arrested for displaying handcuffs in locked houses

வேலை கேட்பது போல் நடித்து பூட்டிய வீடுகளில் கைவரிசை காட்டிய தாய், மகன் கைது

வேலை கேட்பது போல் நடித்து பூட்டிய வீடுகளில் கைவரிசை காட்டிய தாய், மகன் கைது
வளசரவாக்கத்தில் வீடுகளின் பூட்டை உடைத்து தொடர் கொள்ளையில் ஈடுபட்டு வந்த தாய், மகன் இருவரையும் போலீசார் கைது செய்தனர்.
பூந்தமல்லி,

வளசரவாக்கம் பகுதிகளில் பட்டப்பகலில் பூட்டிய வீடுகளில் தொடர் கொள்ளை சம்பவங்கள் நடந்து வருவதாக போலீசாருக்கு புகார் வந்தது. இதன் காரணமாக வளசரவாக்கம் உதவி கமிஷனர் மகிமை வீரன், குற்றப்பிரிவு இன்ஸ்பெக்டர் அமுதா ஆகியோர் தலைமையில் தனிப்படைகள் அமைத்து கொள்ளை சம்பவம் நடந்த பகுதிகளில் விசாரணை மேற்கொண்டனர்.


அப்போது அங்குள்ள கண்காணிப்பு கேமராக்களின் பதிவுகளை ஆய்வு செய்த போது, கொள்ளை சம்பவம் நடந்த இடங்களில் வாலிபரும், அவருடன் பெண் ஒருவரும் வீடுகளின் பூட்டை உடைத்து நகை, பணம் ஆகியவற்றை திருடிவிட்டு ஒன்றாக செல்வது போன்ற காட்சிகள் பதிவாகி இருந்தது.

மேலும் அதில் அவர்கள் அங்குள்ள அலுவலகம் ஒன்றில் உள்ளே சென்று வெளியே வருவது போன்ற காட்சிகளும் பதிவாகி இருந்தது. இது தொடர்பாக அங்குள்ள வீடுகளில் விசாரித்தபோது, இருவரும் வேலை கேட்டு வந்து, செல்போன் எண்கள் கொடுத்து விட்டுச் சென்றதாக அவர்கள் தெரிவித்தனர்.

தாய்-மகன் கைது

இதையடுத்து அந்த செல்போன் எண்களை வைத்து விசாரணை செய்ததில், அவர்கள் 2 பேரும் காரைக்குடி, கலவை பொட்டல் பகுதியைச் சேர்ந்த சாந்தி (வயது 44), அவரது மகன் நாகராஜ் (20), என்பது தெரியவந்தது.

இருவரையும் தேடி கண்டுபிடித்து விசாரணை மேற்கொண்டனர். விசாரணையில் தாய், மகன் இருவரும் வளசரவாக்கம் பகுதியில் தங்கி அங்குள்ள வீடுகள் மற்றும் அலுவலகங்களில் வேலை கேட்பது போல் நடித்து பூட்டிய வீடுகளை நோட்டமிட்டு வந்ததும், பின்னர், வீடுகளின் பூட்டை உடைத்து நகை, பணம் ஆகியவற்றை கொள்ளையடித்து சென்றதும் தெரியவந்ததாக போலீசார் தெரிவித்தனர். மேலும் இருவரும் காரைக்குடி பகுதியில் பல்வேறு கொள்ளை சம்பவங்களில் ஈடுபட்டதும் தெரியவந்தது.

உடனே இருவரையும் கைது செய்த போலீசார் அவர்களிடமிருந்து 8 பவுன் நகைகள், ரூ.75 ஆயிரம் ஆகியவற்றை பறிமுதல் செய்து சிறையில் அடைத்தனர்.

தொடர்புடைய செய்திகள்

1. குமாரபாளையத்தில் வாலிபரிடம் வழிப்பறிக்கு முயன்ற அண்ணன்-தம்பி உள்பட 4 பேர் கைது
குமாரபாளையத்தில், கத்தி முனையில் வாலிபரிடம் வழிப்பறியில் ஈடுபட முயன்ற அண்ணன்-தம்பி உள்பட 4 பேர் கைது செய்யப்பட்டனர்.
2. சேலத்தில் பரபரப்பு ஓசூர் ரியல் எஸ்டேட் அதிபரை கடத்தி ரூ.11 லட்சம் பறிப்பு 4 பேர் கைது
சேலத்தில் ஓசூரை சேர்ந்த ரியல் எஸ்டேட் அதிபரை கடத்தி ரூ.11 லட்சம் பறித்த சம்பவத்தில் 4 பேரை போலீசார் கைது செய்தனர்.
3. சப்-இன்ஸ்பெக்டர் கொலை சம்பவம்: பயங்கரவாதிகளுக்கு ஆதரவாக முகநூலில் கருத்து பதிவிட்டவர் கைது
களியக்காவிளை சப்-இன்ஸ்பெக்டர் கொலை சம்பவம் தொடர்பாக கைது செய்யப்பட்ட 2 பயங்கரவாதிகளுக்கு ஆதரவாக முகநூலில் கருத்து பதிவிட்டவரை போலீசார் கைது செய்தனர்.
4. எல்லைத்தாண்டி மீன்பிடித்ததாக கூறி விசைப்படகு மீனவர்கள் 4 பேர் கைது இலங்கை கடற்படையினர் நடவடிக்கை
எல்லைத்தாண்டி மீன்பிடித்ததாக கூறி, புதுக்கோட்டை மாவட்ட விசைப்படகு மீனவர்கள் 4 பேரை இலங்கை கடற்படையினர் கைது செய்தனர்.
5. தஞ்சையில், பிரபல கொள்ளையன் கைது 35 பவுன் பறிமுதல்
தஞ்சையில் கைதான பிரபல கொள்ளையனிடம் இருந்து 35 பவுனை போலீசார் பறிமுதல் செய்தனர்.