மாவட்ட செய்திகள்

ஈரோடு மார்க்கத்தில் இயக்கப்பட்ட 2 எக்ஸ்பிரஸ் ரெயில்கள் நாமக்கல், சேலம் வழியாக இயக்கம் + "||" + 2 express trains operated in Erode route via Namakkal and Salem

ஈரோடு மார்க்கத்தில் இயக்கப்பட்ட 2 எக்ஸ்பிரஸ் ரெயில்கள் நாமக்கல், சேலம் வழியாக இயக்கம்

ஈரோடு மார்க்கத்தில் இயக்கப்பட்ட 2 எக்ஸ்பிரஸ் ரெயில்கள் நாமக்கல், சேலம் வழியாக இயக்கம்
ஈரோடு மார்க்கத்தில் இயக்கப்பட்ட 2 எக்ஸ்பிரஸ் ரெயில்கள் நாமக்கல், சேலம் வழியாக இயக்கப்படும் என்று தெற்கு ரெயில்வே நிர்வாகம் அறிவித்துள்ளது. இதற்கு தென் மாவட்ட பயணிகள் வரவேற்பு தெரிவித்துள்ளனர்.
சூரமங்கலம்,

சேலம் ரெயில்வே கோட்டத்தில் சேலம்-நாமக்கல்-கரூர் இடையே புதிதாக 85 கிலோ மீட்டருக்கு அகல ரெயில்பாதை அமைக்கப்பட்டது. இந்த பாதையில் மிக குறைவான அளவில் ரெயில்கள் இயக்கப்பட்டு வருகிறது. அதன்படி சென்னை-மதுரை துரந்தோ எக்ஸ்பிரஸ் ரெயில், சென்னை-பழனி எக்ஸ்பிரஸ், பெங்களூரு-நாகர்கோவில் எக்ஸ்பிரஸ் மற்றும் சேலம்-கரூர் பயணிகள் ரெயில் ஆகியவை மட்டும் சேலம், நாமக்கல் வழியாக சென்று வருகிறது.


அதேபோல், மராட்டிய மாநிலம் மும்பையில் இருந்து நாகர்கோவில் மற்றும் நெல்லையில் இருந்து புறப்படும் மும்பை எக்ஸ்பிரஸ் ரெயில்கள் கரூர்-ஈரோடு, சேலம் மார்க்கத்தில் இயக்கப்பட்டு வருகின்றன. இந்த ரெயில்களை கரூர்-நாமக்கல்-சேலம் மார்க்கம் வழியாக இயக்க வேண்டும் என தென் மாவட்ட பயணிகள் தொடர்ந்து ரெயில்வே நிர்வாகத்திற்கு கோரிக்கை விடுத்து வந்தனர். இந்த கோரிக்கையை தெற்கு ரெயில்வே நிர்வாகம் தற்போது ஏற்றுக்கொண்டுள்ளது. இதனால் 2 எக்ஸ்பிரஸ் ரெயில்கள் இயக்கத்தில் மாற்றம் செய்யப்பட்டுள்ளது.

நாகர்கோவில்-மும்பை எக்ஸ்பிரஸ்

அந்த வகையில், நாகர்கோவில்-மும்பை வாராந்திர எக்ஸ்பிரஸ் ரெயில் (வண்டி எண்-16340, 16339), திருநெல்வேலி-மும்பை தாதர் சாளுக்கியா வாராந்திர எக்ஸ்பிரஸ் ரெயில் (வண்டி எண்-11022, 11021) இரு மார்க்கத்திலும் ஈரோடு வழியாக செல்வதற்கு பதிலாக கரூர்-நாமக்கல்-சேலம் வழியாக இயக்கப்படும் என்று தெற்கு ரெயில்வே நிர்வாகம் அறிவித்துள்ளது.

நாகர்கோவில்-மும்பை எக்ஸ்பிரஸ் ரெயில் (வண்டி எண்-16340) வாரந்தோறும் திங்கள், செவ்வாய், புதன், வெள்ளி ஆகிய கிழமைகளில் திருநெல்வேலி, கோவில்பட்டி, விருதுநகர், மதுரை, திண்டுக்கல், கரூர், ஈரோடு, சேலம் வழியாக இயக்கப்பட்டு வந்தது.

இந்த ரெயில், வருகிற (டிசம்பர்) 2-ந் தேதியில் இருந்து கரூர்-நாமக்கல், சேலம் வழியாக இயக்கப்படுகிறது. மறுமார்க்கத்தில் மும்பை-நாகர்கோவில் எக்ஸ்பிரஸ் ரெயில் (வண்டி எண்-16339) டிசம்பர் 1-ந் தேதி முதல் சேலத்தில் இருந்து ஈரோடு செல்லாமல் நாமக்கல், கரூர் வழியாக இயக்கப்படும்.

பயணிகள் வரவேற்பு

இதேபோல், திருநெல்வேலி-மும்பை தாதர் சாளுக்கியா எக்ஸ்பிரஸ் ரெயில் (வண்டி எண்-11022) வாரந்தோறும் திங்கள், வியாழன், வெள்ளி ஆகிய கிழமைகளில் கரூரில் இருந்து ஈரோடு, சேலம் வழியாக இயக்கப்படுவதற்கு பதிலாக, கரூர்-நாமக்கல், சேலம் வழியாக இயக்கப்படும். இந்த 2 எக்ஸ்பிரஸ் ரெயில்களிலும் ஈரோடு செல்லாமல் நாமக்கல் வழியாக சேலத்திற்கு வந்து செல்வதால் சுமார் 1 மணி நேரம் மிச்சமாகிறது. இதனால் தென் மாவட்டங்களில் இருந்து நாமக்கல், சேலம், தர்மபுரி, கிரு‌‌ஷ்ணகிரி மாவட்டங்களில் வசிக்கும் தென் மாவட்ட பயணிகள் ரெயில் நிர்வாகத்தின் இந்த முடிவை வரவேற்று மகிழ்ச்சி தெரிவித்துள்ளனர்.

தொடர்புடைய செய்திகள்

1. பல்வேறு பெண்களுடன் காம களியாட்டம்: வங்கி அதிகாரி மீதான வழக்கு மணப்பாறை போலீசுக்கு மாற்றம்
பல்வேறு பெண்களுடன் காம களியாட்டத்தில் ஈடுபட்ட வங்கி அதிகாரி மீதான வழக்கு மணப்பாறை போலீசுக்கு நேற்று மாற்றம் செய்யப்பட்டது.
2. கடந்த ஆண்டு 4 லட்சம் பேர் ரெயிலில் ‘ஓசி’ பயணம் ரூ.16¼ கோடி அபராதம் வசூல்
கடந்த ஆண்டு 4 லட்சம் பேர் ரெயிலில் ‘ஓசி’ பயணம் செய்துள்ளனர். அவர்களிடம் இருந்து ரூ.16.33 கோடி அபராதம் வசூலிக்கப்பட்டதாக தெற்கு ரெயில்வே தெரிவித்துள்ளது. இதுகுறித்து தெற்கு ரெயில்வே வெளியிட்டுள்ள அறிக்கையில் கூறியிருப்பதாவது:-
3. நெல்லை-மயிலாடுதுறை இடையே பாசஞ்சர் ரெயில் சேவையில் மாற்றம்
நெல்லை-மயிலாடுதுறை இடையே பாசஞ்சர் ரெயில் சேவையில் மாற்றம் செய்யப்பட்டுள்ளது.
4. கேரள மாணவி வேறு மருத்துவமனைக்கு மாற்றம்: டெல்லியில் 6 பேரின் உடல்நிலை கண்காணிப்பு
கொரோனா வைரஸ் தாக்கிய கேரள மாணவி வேறு மருத்துவமனைக்கு மாற்றப்பட்டுள்ளார். டெல்லியில் 6 பேரின் உடல்நிலை தொடர்ந்து கண்காணிக்கப்பட்டு வருகிறது.
5. ரெயில், பஸ் நிலையங்களில் சுழற்சி முறையில் பாதுகாப்பு பணி - போலீசாருக்கு கவர்னர் கிரண்பெடி உத்தரவு
புதுவை ரெயில், பஸ் நிலையங்களில் சுழற்சி முறையில் போலீசார் பாதுகாப்பு பணியில் ஈடுபட வேண்டும் என கவர்னர் கிரண்பெடி உத்தரவிட்டுள்ளார்.