மாவட்ட செய்திகள்

வட்டார அளவிலான வேளாண் எந்திரம்-கருவிகள் வாடகை மையங்கள் அமைக்க விண்ணப்பிக்கலாம் கலெக்டர் தகவல் + "||" + Regional scale agriculture Collector Information to apply for setting up machine-tool rental centers

வட்டார அளவிலான வேளாண் எந்திரம்-கருவிகள் வாடகை மையங்கள் அமைக்க விண்ணப்பிக்கலாம் கலெக்டர் தகவல்

வட்டார அளவிலான வேளாண் எந்திரம்-கருவிகள் வாடகை மையங்கள் அமைக்க விண்ணப்பிக்கலாம் கலெக்டர் தகவல்
வட்டார அளவில் வேளாண் எந்திரங்கள் மற்றும் கருவிகள் வாடகை மையங்கள் அமைக்க விண்ணப்பிக்கலாம் என கலெக்டர் உமா மகேஸ்வரி தெரிவித்து உள்ளார்.
புதுக்கோட்டை,

வேளாண் பணிகளின் போது, அதற்கான எந்திரங்கள்-கருவிகளை சொந்தமாக வாங்க இயலாத விவசாயிகள் அவற்றை வாடகைக்கு பெற தமிழக அரசு நடவடிக்கை எடுத்து உள்ளது. அதன்படி, புதுக்கோட்டை மாவட்டத்தில் இந்த ஆண்டில் 3 மையங்கள் அமைக்க ரூ.30 லட்சம் நிதியை தமிழக அரசு ஒதுக்கி உள்ளது. வேளாண் பொறியியல் துறையின் மூலம் வட்டார அளவிலான வேளாண் எந்திரங்கள் மற்றும் கருவிகளுக்கான வாடகை மையங்கள் அமைக்கப்பட்டு வருகின்றன.


ரூ.25 லட்சம் மதிப்பில் வட்டார அளவிலான ஒரு வாடகை மையம் அமைத்திட 40 சதவீதம் மானியம் என்ற அடிப்படையில் அதிகபட்சமாக ரூ.10 லட்சம் வரை மானியம் அளிக்கப்படும். இவ்வாறான மையங்களை அமைத்திட முன்னோடி விவசாயிகள், விவசாய சுய உதவி குழுக்கள் மற்றும் தொழில் முனைவோர் போன்றோர் முன்வரலாம். இவ்வாடகை மையங்களுக்கு தேவைப்படும் வேளாண் எந்திரங்கள் மற்றும் கருவிகளை அந்தந்த பகுதிகளில் சாகுபடியாகும் பயிர்கள், மண்ணின் தன்மை, வேலையாட்கள் பற்றாக்குறை ஆகியவற்றினை கருத்தில் கொண்டு இம்மையங்களை நடத்த முன்வருபவர்கள் தேர்வு செய்து கொள்ளலாம்.

மானிய இருப்பு நிதி கணக்கில்

இவ்வாறான வேளாண் எந்திரங்கள் மற்றும் கருவிகள் வாடகை மையங்களை அமைக்க முன்வருபவர்கள் வேளாண்மை பொறியியல் துறையினால் அனுமதிக்கப்பட்ட நிறுவனங்களின் எந்திரங்களிலிருந்து தங்களின் விருப்பத்தின் அடிப்படையில் தேர்வு செய்து கொள்ளலாம். மொத்த மானிய தொகையில் பொது பிரிவினருக்கு ரூ.5 லட்சமும், ஆதிதிராவிட பிரிவினருக்கு ரூ.3 லட்சமும் தேசிய மயமாக்கப்பட்ட வங்கியில் பயனாளியின் மானிய இருப்பு நிதி கணக்கில் 2 ஆண்டுகளுக்கு இருப்பில் வைக்கப்படும்.

மீதித்தொகை பயனாளியின் சேமிப்பு வங்கி கணக்கில் நேரடியாக செலுத்தப்படும். 2 ஆண்டுகளுக்கு பின் பயனாளிக்கு மானியத்தில் வழங்கப்பட்ட வேளாண் எந்திரங்கள் மற்றும் கருவிகளை சம்பந்தப்பட்ட செயற்பொறியாளர் சரிபார்த்த பிறகு மானிய இருப்புத் தொகை பயனாளியின் வங்கி கணக்கில் திரும்ப வழங்கப்படும். இவ்வாறான வேளாண் எந்திரங்கள் மற்றும் கருவிகள் வாடகை மையம் அமைக்க விரும்புவோர் உடனடியாக வருவாய் கோட்டத்தில் உள்ள வேளாண் பொறியியல் துறை உதவி செயற்பொறியாளர் அலுவலகத்தை அணுகி விண்ணப்பித்து பயன்பெறலாம்.

இவ்வாறு அதில் கூறியுள்ளார்.


தொடர்புடைய செய்திகள்

1. விவசாய திட்டங்களுக்கு முக்கியத்துவம் அளிக்க வேண்டும் ஊராட்சி தலைவர்களுக்கு, கலெக்டர் அறிவுறுத்தல்
விவசாய திட்டங்களுக்கு முக்கியத்துவம் அளிக்க வேண்டும் என ஊராட்சி தலைவர்களுக்கு கலெக்டர் கோவிந்தராவ் அறிவுறுத்தி உள்ளார்.
2. சிறப்பு மனுநீதி நாள் நிறைவு விழாவில் 242 பேருக்கு ரூ.1.38 கோடியில் நலத்திட்ட உதவிகள் கலெக்டர் வழங்கினார்
சிறப்பு மனுநீதி நாள் நிறைவு விழாவில் 242 பேருக்கு ரூ.1.38 கோடியில் நலத்திட்ட உதவிகளை மாவட்ட கலெக்டர் சாந்தா வழங்கினார்.
3. பஞ்சாயத்து தலைவர்கள் மக்களுக்கும், அதிகாரிகளுக்கும் பாலமாக இருக்க வேண்டும் கலெக்டர் பேச்சு
கிராம பஞ்சாயத்து தலைவர்கள் மக்களுக்கும், அதிகாரிகளுக்கும் இடையே பாலமாக இருந்து பிரச்சினைகளை தீர்க்க வேண்டும் என்று அறிமுக விழாவில் கலெக்டர் பிரசாந்த் வடநேரே கூறினார்.
4. திருப்பதிசாரம் அரசு பண்ணையில் கன்னிப்பூ பருவ நெல் விதைகள் சுத்திகரிப்பு பணி கலெக்டர் பார்வையிட்டார்
திருப்பதிசாரம் அரசு விதை பண்ணையில் கன்னிப்பூ பருவ நெல் விதைகளை சுத்திகரிப்பு செய்யும் பணி தீவிரமாக நடந்து வருகிறது. இதனை கலெக்டர் பிரசாந்த் வடநேரே பார்வையிட்டு ஆய்வு செய்தார்.
5. ஊராட்சி தலைவர்கள் தங்களது பொறுப்பை உணர்ந்து செயல்பட வேண்டும் கலெக்டர் அறிவுறுத்தல்
ஊராட்சி தலைவர்கள் தங்களது பொறுப்பை உணர்ந்து செயல்பட வேண்டும் என்று பயிற்சி முகாமில் பெரம்பலூர் கலெக்டர் சாந்தா அறிவுறுத்தினார்.