மாவட்ட செய்திகள்

குமரி மாவட்டத்தில் மக்கள் நீதிமன்றம் 14-ந் தேதி நடக்கிறது மாவட்ட நீதிபதி தகவல் + "||" + People's Court in Kumari District District Judge Information on the 14th

குமரி மாவட்டத்தில் மக்கள் நீதிமன்றம் 14-ந் தேதி நடக்கிறது மாவட்ட நீதிபதி தகவல்

குமரி மாவட்டத்தில் மக்கள் நீதிமன்றம் 14-ந் தேதி நடக்கிறது மாவட்ட நீதிபதி தகவல்
குமரி மாவட்டத்தில் மக்கள் நீதிமன்றம் 14-ந் தேதி நடக்கிறது என்று மாவட்ட நீதிபதி அருள் முருகன் கூறினார்.
நாகர்கோவில்,

குமரி மாவட்ட சட்டப்பணி ஆணைக்குழு தலைவரும், மாவட்ட நீதிபதியுமான அருள் முருகன் நேற்று நாகர்கோவிலில் உள்ள சமரச மையத்தில் நிருபர்களுக்கு பேட்டி அளித்தார்.

அப்போது அவர் கூறியதாவது:-

கோர்ட்டுகளில் நிலுவையில் உள்ள பல்வேறு வழக்குகளுக்கு தீர்வு காண மக்கள் நீதிமன்றம் கொண்டு வரப்பட்டது. இதில் சிவில் வழக்குகள், காசோலை மோசடி, வாகன விபத்து, ஜீவனாம்சம், சொத்து பிரச்சினை உள்ளிட்ட வழக்குகள் எடுத்துக்கொள்ளப்படும். இருதரப்பினரிடமும் வழக்கு தொடர்பாக பேச்சு வார்த்தை நடத்தி பிரச்சினைகள் கண்டறியப்பட்டு அந்த வழக்கிற்கு தீர்வு காணப்படுகிறது.


மக்கள் நீதிமன்றம்

கடந்த 2 மாதங்களுக்கு முன் குமரி மாவட்டத்தில் நடைபெற்ற மக்கள் நீதிமன்றத்தில் 3 ஆயிரத்து 714 வழக்குகள் விசாரணைக்கு எடுக்கப்பட்டு, 1,153 வழக்குகளுக்கு தீர்வு காணப்பட்டது.

அதேபோல் குமரி மாவட்டத்தில் உள்ள அனைத்து கோர்ட்டுகளிலும் 14-ந் தேதி மக்கள் நீதிமன்றம் நடக்கிறது. இதில் 2 ஆயிரத்து 984 வழக்குகள் விசாரணைக்கு எடுத்து கொள்ளப்படுகின்றன.

மேல்முறையீடு கிடையாது

மக்கள் நீதிமன்றத்தால் வழங்கப்படும் தீர்ப்பானது இறுதியானது. இதற்கு மேல்முறையீடு கிடையாது.

இவ்வாறு அவர் கூறினார்.

பேட்டியின்போது, நாகர்கோவில் முதன்மை சார்பு நீதிபதி ராமலிங்கம், மாவட்ட சட்டப்பணி ஆணைக்குழு செயலாளர் ஜார்ஜ் ராபின்சன் ஆகியோர் உடனிருந்தனர்.

தொடர்புடைய செய்திகள்

1. பாதுகாக்கப்பட்ட வேளாண் மண்டலம் அறிவிப்பை சட்டமாக மாற்ற வேண்டும் முத்தரசன் பேட்டி
பாதுகாக்கப்பட்ட வேளாண் மண்டலம் அறிவிப்பை சட்டமாக மாற்ற வேண்டும் என்று முத்தரசன் கூறினார்.
2. காரைக்கால் மாவட்ட மக்களின் அடிப்படை தேவைகளை நிறைவேற்ற உரிய நடவடிக்கை எடுப்பேன் கலெக்டர் பேட்டி
காரைக்கால் மாவட்டமக்களின் அடிப்படை தேவைகளை நிறைவேற்ற உரிய நடவடிக்கை எடுப்பேன்’ என்று கலெக்டர் அர்ஜூன் சர்மா கூறினார்.
3. இந்திய சுற்றுப்பயணத்தில் வர்த்தக ஒப்பந்தம் உறுதி செய்யப்படலாம்; அதிபர் டிரம்ப் பேட்டி
இந்திய சுற்றுப்பயணத்தில் இரு நாடுகள் இடையே வர்த்தக ஒப்பந்தம் ஒன்று உறுதி செய்யப்படலாம் என அதிபர் டிரம்ப் கூறியுள்ளார்.
4. ஆன்மிக அரசியலுக்கு ஆதரவு இருப்பதால் நடிகர் ரஜினிகாந்த் முதல்-அமைச்சர் ஆவார் அர்ஜூன் சம்பத் பேட்டி
ஆன்மிக அரசியலுக்கு ஆதரவு இருப்பதால் நடிகர் ரஜினிகாந்த் முதல்-அமைச்சர் ஆவார் என்று மயிலாடுதுறையில், அர்ஜூன் சம்பத் கூறினார்.
5. பயனற்ற ஆழ்துளை கிணறுகளை ஒவ்வொருவரும் தாமாக முன்வந்து மூட வேண்டும் விஞ்ஞானி மயில்சாமி அண்ணாதுரை பேட்டி
பயனற்ற ஆழ்துளை கிணறுகளை ஒவ்வொருவரும் தாமாக முன்வந்து மூட வேண்டும் என விஞ்ஞானி மயில்சாமி அண்ணாதுரை கூறினார்.