மாவட்ட செய்திகள்

மயிலாடுதுறையில் போலீஸ் ஏட்டை தாக்கி கொலை மிரட்டல் 2 பேர் கைது + "||" + Two people arrested for attacking police station in Mayiladuthurai

மயிலாடுதுறையில் போலீஸ் ஏட்டை தாக்கி கொலை மிரட்டல் 2 பேர் கைது

மயிலாடுதுறையில் போலீஸ் ஏட்டை தாக்கி கொலை மிரட்டல் 2 பேர் கைது
மயிலாடுதுறையில் போலீஸ் ஏட்டை தாக்கி கொலை மிரட்டல் விடுத்த 2 பேரை போலீசார் கைது செய்துள்ளனர்.
மயிலாடுதுறை,

மயிலாடுதுறை பஸ் நிலைய வாசலில் புறக்காவல் நிலையம் உள்ளது. இங்கு நேற்று போலீஸ் ஏட்டு பாலு பணியில் இருந்தார். அப்போது ஒரு மோட்டார் சைக்கிளில் வந்த 2 பேர் பஸ் நிலையத்திற்குள் நுழைய முயன்றனர். அதற்கு பாலு, அவர்களை மோட்டார் சைக்கிளுடன் செல்லக்கூடாது என தடுத்து நிறுத்தினார். ஆனால் அவர்கள் அதையும் மீறி மோட்டார் சைக்கிளில் உள்ளே செல்ல முயன்றனர். இதனால் போலீஸ் ஏட்டு பாலுவுக்கும், மோட்டார் சைக்கிளில் வந்த 2 பேருக்கும் இடையே வாக்குவாதம் ஏற்பட்டது. இதில் ஆத்திரம் அடைந்த அவர்கள், பாலுவை தாக்கி, கீழே தள்ளி கொலை மிரட்டல் விடுத்தனர். மேலும் புறக்காவல் நிலையத்தில் இருந்த பொருட்களையும் சேதப் படுத்திவிட்டு தப்பி சென்றனர்.


இதுகுறித்து பாலு கொடுத்த புகாரின்பேரில் மயிலாடுதுறை போலீஸ் இன்ஸ்பெக்டர் சிங்காரவேலு மற்றும் போலீசார் வழக்குப்பதிவு செய்து 2 பேரையும் தேடி வந்தனர். இந்த நிலையில் நேற்று மாலை போலீசார், வாகன சோதனையில் ஈடுபட்ட போது மயிலாடுதுறை பெரிய கண்ணாரத்தெருவில் சந்தேகத்திற்கு இடம் அளிக்கும் வகையில் நின்று கொண்டிருந்த 2 பேரை பிடித்து விசாரணை மேற்கொண்டனர்.

2 பேர் கைது

விசாரணையில் அவர்கள், மயிலாடுதுறை அருகே தத்தங்குடி பகுதியை சேர்ந்த அன்புசெழியன் மகன் அசோக் (வயது 20), அதே பகுதியை சேர்ந்த இளங்கோவன் மகன் பிரவீன்பாபு (24) என்பதும், அவர்கள் போலீஸ் ஏட்டு பாலுவை தாக்கி கொலை மிரட்டல் விடுத்ததும் தெரிய வந்தது.

இதையடுத்து போலீசார், அசோக், பிரவீன்பாபு ஆகிய 2 பேரை கைது செய்தனர்.

தொடர்புடைய செய்திகள்

1. திருநங்கைகளுக்கு கல்வி தகுதிக்கேற்ப வேலை வழங்க ஏற்பாடு போலீஸ் சூப்பிரண்டு தகவல்
திருநங்கைகளுக்கு கல்வி தகுதிக்கேற்ப வேலை வழங்க ஏற்பாடு செய்யப்படும் என நாகை மாவட்ட போலீஸ் சூப்பிரண்டு செல்வநாகரத்தினம் கூறினார்.
2. போலீஸ், சிறை, தீயணைப்பு துறையில் 11 ஆயிரம் காலி பணியிடங்களை நிரப்ப தேர்வு டிசம்பர் 13-ந்தேதி நடக்கிறது
தமிழ்நாடு சீருடை பணியாளர் தேர்வு குழுமம் சார்பில் போலீஸ், சிறை, தீயணைப்பு துறையில் 11 ஆயிரம் காலி பணியிடங்களை நிரப்புவதற்காக எழுத்துத்தேர்வு வருகிற டிசம்பர் 13-ந்தேதி நடைபெறுகிறது.
3. எல்லையில் தொடரும் அத்துமீறல்; இந்தியா மீது பாகிஸ்தான் ராணுவம் தாக்குதல்
ஜம்மு மற்றும் காஷ்மீரில் போர்நிறுத்த ஒப்பந்தத்தினை மீறி பாகிஸ்தான் ராணுவம் நடத்திய தாக்குதலுக்கு இந்தியா பதிலடி கொடுத்து வருகிறது.
4. பெலகாவியில் சம்பவம் விமான நிலையத்திற்கு ஏ.கே.-47 துப்பாக்கியுடன் வந்த ராணுவ வீரர் பரபரப்பு - போலீஸ் விசாரணை
பெலகாவியில் உள்ள விமான நிலையத்திற்கு நேற்று ராணுவ வீரர் ஒருவர் ஏ.கே. - 47 துப்பாக்கியுடன் வந்தார். இதனால் விமான நிலையத்தில் பரபரப்பு ஏற்பட்டது. அந்த ராணுவ வீரரை பிடித்து போலீசார் விசாரித்து வருகிறார்கள்.
5. போதைப்பொருள் விவகாரத்தில் சமூக ஆர்வலர் பிரசாந்த் சம்பரகி போலீஸ் முன்பு ஆஜர்
போதைப்பொருள் விவகாரத்தில் சமூக ஆர்வலர் பிரசாந்த் சம்பரகி மத்திய குற்றப்பிரிவு போலீசார் முன்பு ஆஜரானார். அப்போது அவர் தன்னிடம் இருந்த வீடியோ, புகைப்பட ஆதாரங்களை போலீசாரிடம் வழங்கினார்.