மாவட்ட செய்திகள்

பிப்ரவரி 5-ந் தேதி பெரியகோவில் கும்பாபிஷேகம்: அடுத்த மாதம் 27-ந் தேதி பூர்வாங்க பூஜை தொடக்கம் - கலெக்டர் தகவல் + "||" + Funeral Mass at Periyakov on February 5: The preliminary puja commences on the 27th of next month - Collector's Information

பிப்ரவரி 5-ந் தேதி பெரியகோவில் கும்பாபிஷேகம்: அடுத்த மாதம் 27-ந் தேதி பூர்வாங்க பூஜை தொடக்கம் - கலெக்டர் தகவல்

பிப்ரவரி 5-ந் தேதி பெரியகோவில் கும்பாபிஷேகம்: அடுத்த மாதம் 27-ந் தேதி பூர்வாங்க பூஜை தொடக்கம் - கலெக்டர் தகவல்
பிப்ரவரி 5-ந் தேதி பெரியகோவில் கும்பாபிஷேகம் நடைபெறுவதையொட்டி, அடுத்த மாதம் 27-ந் தேதி பூர்வாங்க பூஜை தொடங்க உள்ளதாக, கலெக்டர் தகவல் தெரிவித்துள்ளார்.
தஞ்சாவூர்,

பிப்ரவரி 5-ந் தேதி பெரியகோவில் கும்பாபிஷேகம் நடைபெறுவதையொட்டி அடுத்தமாதம் (ஜனவரி) 27-ந் தேதி பூர்வாங்க பூஜை தொடங்குகிறது என கலெக்டர் கோவிந்தராவ் தெரிவித்தார்.

இது தொடர்பாக அவர், வெளியிட்டுள்ள செய்திக்குறிப்பில் கூறியிருப்பதாவது:-


தஞ்சை பெரியகோவிலில் சோழ, பாண்டிய, நாயக்கர், மராட்டிய மன்னர்களின் காலங்களில் கும்பாபிஷேகம் நடைபெற்றுள்ளது. அதைத்தொடர்ந்து கடந்த 1980-ம் ஆண்டு ஏப்ரல் மாதம் 3-ந் தேதியும், 1997-ம் ஆண்டு ஜூன் மாதம் 9-ந் தேதியும் சிறப்பாக கும்பாபிஷேகம் நடைபெற்றது. அடுத்த ஆண்டு(2020) பிப்ரவரி மாதம் 5-ந் தேதி காலை 9 மணி முதல் 10 மணிக்குள் கும்பாபிஷேகம் நடக்கிறது. கும்பாபிஷேகத்திற்கு முன் நிகழ்வான பூர்வாங்க பூஜை அடுத்தமாதம்(ஜனவரி) 27-ந் தேதி காலை 9 மணிக்கு தொடங்கி பிப்ரவரி 1-ந் தேதி மதியம் 12 மணி வரை நடைபெற உள்ளது.

முதல் கால யாகசாலை பூஜை 1-ந் தேதி தொடங்குகிறது. தொடர்ந்து 2 மற்றும் 3-ம் கால யாகசாலை பூஜை 2-ந் தேதியும், 4 மற்றும் 5-ம் கால யாகசாலை பூஜை 3-ந் தேதியும், 6 மற்றும் 7-ம் கால யாகசாலை பூஜை 4-ந் தேதியும், 8-ம் கால யாகசாலை பூஜை 5-ந் தேதி காலையிலும் நடக்கிறது. மேற்கண்டவாறு அதில் கூறப்பட்டுள்ளது.

தஞ்சை பெரியகோவிலில் பெரியநாயகி அம்மன் சன்னதி முன்பு கும்பாபிஷேக உண்டியல் என்ற வாசகத்துடன் கூடிய 2 உண்டியல்கள் வைக்கப்பட்டுள்ளன. பக்தர்கள் ஏராளமானோர் காணிக்கை செலுத்தி வருகின்றனர்.

தொடர்புடைய செய்திகள்

1. தஞ்சை பெரியகோவில் முகப்பு பகுதியில் கிடப்பில் போடப்பட்ட கோட்டைச்சுவர் பலப்படுத்தும் பணி மீண்டும் தொடக்கம்
தஞ்சை பெரியகோவில் முகப்பு பகுதியில் கிடப்பில் போடப்பட்ட கோட்டைச்சுவர் பலப்படுத்தும் பணிகள் மீண்டும் தொடங்கி உள்ளது. கருங்கல், செம்மரக்கல் கொண்டு பணிகள் தொடங்கி உள்ளது.
2. தஞ்சை பெரிய கோவிலில் முதல் முறையாக பக்தர்களே இல்லாமல் நந்தியெம்பெருமானுக்கு பிரதோ‌‌ஷ அபிஷேகம்
கொரோனா வைரசை தடுக்க கோவில் மூடப்பட்டதையடுத்து தஞ்சை பெரியகோவிலில் முதல் முறையாக பக்தர்களே இல்லாமல் நந்திெயம்பெருமானுக்கு நேற்று பிரதோ‌‌ஷ அபிஷேகம் நடந்தது.