மாவட்ட செய்திகள்

விக்கிரமங்கலம் அருகே உள்ள வேதநாராயணசாமி பெருமாள் கோவிலை சீரமைக்க வேண்டும் பொதுமக்கள் வலியுறுத்தல் + "||" + Public demand to renovate Vedanarayanasamy Perumal temple near Vikramangalam

விக்கிரமங்கலம் அருகே உள்ள வேதநாராயணசாமி பெருமாள் கோவிலை சீரமைக்க வேண்டும் பொதுமக்கள் வலியுறுத்தல்

விக்கிரமங்கலம் அருகே உள்ள வேதநாராயணசாமி பெருமாள் கோவிலை சீரமைக்க வேண்டும் பொதுமக்கள் வலியுறுத்தல்
விக்கிரமங்கலம் அருகே உள்ள வேதநாராயணசாமி பெருமாள் கோவிலை சீரமைக்க வேண்டும் என்று அப்பகுதி பொதுமக்கள் வலியுறுத்தியுள்ளனர்.
விக்கிரமங்கலம்,

தமிழ்நாடு தெய்வீகத் திருக்கோவில்கள் நிறைந்த புனித மாநிலமாகும். அரியலூரில் கங்கைகொண்டசோழபுரத்தில் ராஜேந்திரசோழனால் கட்டப்பட்ட பிரகதீஸ்வரர் கோவில் இன்றும், உலகளவில் பறைசாற்றி கொண்டு வருகிறது. இதேபோல் தேவார பாடல் பெற்ற ஸ்தலமான திருமழப்பாடி வைத்தியநாத சுவாமி, கீழப்பழுவூர் ஆலந்துறையார் கோவில், கோவிந்தப்புத்தூர் கங்காஜடேஸ்வரர், உடையவர் தீயனூர் ஐமத்கனீஸ்வரர், காமரசவல்லி கார்கோடேஸ்வரர் போன்ற சிறப்பு வாய்ந்த கோவில்கள் உள்ளன. ஆனால் இன்று பல கோவில்கள் முறைப்படி பராமரிக்காத காரணத்தால் பொதுமக்கள் கோவில்களுக்கு செல்ல முடியாத சூழ்நிலை ஏற்படுகிறது.


அரியலூர் மாவட்டம், தா.பழூர் ஒன்றியம், விக்கிரமங்கலம் அருகே உள்ள ஸ்ரீபுரந்தான் செக்கடி தெருவில் உள்ள பிரசித்தி பெற்ற வேதநாராயணசாமி பெருமாள் கோவில் பழுதடைந்து கேட்பாரற்ற நிலையில் இருக்கிறது. போதிய பராமரிப்பு இல்லாததால் தற்போது கோவில் மேல் புறத்தில் செடி, கொடிகள் முளைத்துள்ளன. மேலும் மழைக்காலத்தில் கோவில் முற்றிலும் மழைநீர் ஒழுகும் நிலை காணப்படுகிறது. தற்போது கோவில் எப்போது வேண்டுமானாலும் இடிந்து விழும் நிலையில் உள்ளதால் பக்தர்கள் வழிபட முடியாத நிலை உள்ளது.

புனரமைக்க வேண்டும்

இதுகுறித்து அப்பகுதி பொதுமக்கள் கூறுகையில், இந்த கோவில் பழுதடைவதற்கு முன்பு ஒரு கால பூஜை நடைபெற்றது. தற்போது மிகவும் பழுதடைந்து காணப்படுவதால் பூஜைகள் நடைபெறுவது கிடையாது. மேலும் கடந்த 2008-ம் ஆண்டு இந்த கோவிலில் இருந்த ஐம்பொன் சிலைகள் திருடுபோனது. தற்போது அந்த சிலைகள் கண்டுபிடிக்கப்பட்டு கும்பகோணத்தில் உள்ள ஒரு கோவிலில் வைத்துள்ளனர். வரலாற்று சின்னமான இந்த பெருமாள் கோவில் இந்து அறநிலையத்துறையினர் கட்டுப்பாட்டில் உள்ளது. எனவே இதுகுறித்து இந்து சமய அறநிலையத்துறையினர் உரிய நடவடிக்கை எடுத்து பழுதடைந்து காணப்படும் இந்த கோவிலை புனரமைத்தோ அல்லது இடித்து விட்டு புதிததாகவோ கட்டித்தர வேண்டும் என்றனர்.


தொடர்புடைய செய்திகள்

1. டி.என்.பி.எஸ்.சி. முறைகேடு குறித்து சி.பி.ஐ. விசாரணை நடத்த வேண்டும் முத்தரசன் வலியுறுத்தல்
டி.என்.பி.எஸ்.சி. முறைகேடு குறித்து சி.பி.ஐ. விசாரணை நடத்த வேண்டும் என்று இந்திய கம்யூனிஸ்டு கட்சியின் மாநில செயலாளர் முத்தரசன் வலியுறுத்தினார்.
2. அடிப்படை வசதிகளுக்கு முக்கியத்துவம் மாவட்ட ஊராட்சிக்குழு கூட்டத்தில் உறுப்பினர்கள் வலியுறுத்தல்
அடிப்படை வசதிகளுக்கு முக்கியத்துவம் அளிக்க வேண்டும் என்று முதன் முதலில் நடந்த மாவட்ட ஊராட்சிக்குழு கூட்டத்தில் உறுப்பினர்கள் வலியுறுத்தினர்.
3. நார்த்தாமலையில் மலைப்பாம்பு சரணாலயம் அமைக்க சமூக ஆர்வலர்கள் வலியுறுத்தல்
நார்த்தாமலை வன பகுதியில் மலைப்பாம்பு சரணாலயம் அமைக்க சமூக ஆர்வலர்கள் வலியுறுத்தியுள்ளனர்.
4. பெரியகோவில் கும்பாபிஷேகத்தை தமிழ்வழியில் நடத்த வேண்டும் உரிமை மீட்புக்குழு மாநாட்டில் வலியுறுத்தல்
பெரியகோவில் கும்பாபிஷேகத்தை தமிழ்வழியில் நடத்த வேண்டும் என்று தஞ்சையில் நடந்த உரிமை மீட்புக்குழு மாநாட்டில் வலியுறுத்தப்பட்டது.
5. சின்னசாவடி குளத்தில் ஆகாயத்தாமரையை அகற்ற வேண்டும் பொதுமக்கள் கோரிக்கை
சின்னசாவடி குளத்தில் உள்ள ஆகாயத்தாமரையை அகற்ற வேண்டும் என்று பொதுமக்கள் கோரிக்கை விடுத்துள்ளனர்.