மாவட்ட செய்திகள்

காரைக்காலில் நேரு மார்க்கெட், ஒருங்கிணைந்த நீதிமன்றம் விரைவில் திறப்பு அமைச்சர் தகவல் + "||" + Nehru Market in Karaikal, Integrated Court Commander

காரைக்காலில் நேரு மார்க்கெட், ஒருங்கிணைந்த நீதிமன்றம் விரைவில் திறப்பு அமைச்சர் தகவல்

காரைக்காலில் நேரு மார்க்கெட், ஒருங்கிணைந்த நீதிமன்றம் விரைவில் திறப்பு அமைச்சர் தகவல்
காரைக்காலில் பணிகள் முடிந்த நேரு மார்க்கெட், ஒருங்கிணைந்த நீதிமன்ற வளாகம் விரைவில் திறக்கப்படும் என்று பொதுப்பணித்துறை அமைச்சர் நமச்சிவாயம் கூறினார்.
காரைக்கால்,

காரைக்காலை அடுத்த கீழகாசாக்குடி எம்.எஸ்.பி.லட்சுமி நகரில், மத்திய அரசின் அம்ருத் திட்டத்தின் கீழ், சுமார் ரூ.15.50 கோடி மதிப்பில், 12 லட்சம் லிட்டர் கொள்ளளவு கொண்ட இரண்டு மேல்நிலை நீர்த்தேக்கத் தொட்டி, 2.5 லட்சம்லிட்டர் கொள்ளளவு கொண்ட கீழ்நிலை நீர்த்தேக்கத் தொட்டி, 2 லட்சம் லிட்டர் கொள்ளளவுகொண்ட சேமிப்பு கிணறு, 5 ஆழ் குழாய் கிணறுகள், குடிநீர் பிரதான குழாய், குடிநீர் பங்கீட்டு குழாய்கள் அமைத்தல் உள்ளிட்ட பணிகளுக்கான பூமி பூஜை நேற்று நடைபெற்றது.


இந்த நிகழ்ச்சிக்கு, பொதுப் பணித்துறை அமைச்சர் நமச்சிவாயம், வேளாண்துறை அமைச்சர் கமலக்கண்ணன் ஆகியோர் கலந்து கொண்டு அடிக்கல்நாட்டினர்.

தொடர்ந்து, அமைச்சர் நமச்சிவாயம் நிருபர்களிடம் கூறியதாவது:-

புதுச்சேரியில் முதல்-அமைச்சர் நாராயணசாமி தலைமையிலான அரசு பொறுப்பேற்றது முதல், பல்வேறு நிதிநெருக்கடி உள்ளிட்ட தடைகள் இருந்தாலும் அந்த தடைகளை தகர்த்தெறிந்து வளர்ச்சித்திட்டங்களை மக்களிடம் கொண்டு சேர்ப்பதில் முனைப்புடன் செயல்பட்டு வருகிறது. மத்திய அரசின் அம்ருத் திட்டத்தின் மூலம் சுமார் ரூ.15.50 கோடி மதிப்பில் செயல்படுத்தப்படவுள்ள இந்த திட்டத்தின் மூலம் 25 ஆயிரம் பேர் பயனடைவர். ஒப்பந்ததாரர் இப்பணிகளை விரைந்து முடிக்க வேண்டும்.

விரைவில் திறப்பு

காரைக்காலில் பணிகள் முடிவடையும் தருவாயில் உள்ள நேரு மார்க்கெட் வளாகம், ஒருங்கிணைந்த நீதிமன்ற வளாகம் ஆகியவை வெகு விரைவில் திறக்கப்படும்.

இவ்வாறு அவர் பேசினார்.

நிகழ்ச்சியில், காரைக்கால் வடக்குத் தொகுதி திருமுருகன் எம்.எல்.ஏ, மாவட்ட கலெக்டர் அர்ஜூன் சர்மா, துணை கலெக்டர் ஆதர்ஷ் மற்றும் அரசுத்துறை அதிகாரிகள் கலந்து கொண்டனர்

தொடர்புடைய செய்திகள்

1. நாட்டில் கொரோனாவுக்கு பலி எண்ணிக்கை 45; மாநில அரசுகள் தகவல்
நாட்டில் மாநில அரசுகள் அளித்த தகவலின்படி கொரோனாவுக்கு பலியானோரின் எண்ணிக்கை 45 ஆக உயர்ந்து உள்ளது என தெரிய வந்துள்ளது.
2. வெளிநாடுகளில் இருந்து அரியலூர் மாவட்டத்திற்கு வந்த 32 பேர் தொடர் கண்காணிப்பு கலெக்டர் தகவல்
வெளிநாடுகளில் இருந்து அரியலூர் மாவட்டத்திற்கு வந்த 32 பேர் தொடர் கண்காணிப்பில் உள்ளதாக கலெக்டர் ரத்னா தெரிவித்துள்ளார்.
3. 150 படுக்கைகள் தயார்: புதுச்சேரி மாநிலத்தில் 515 பேர் தனிமைப்படுத்தப்பட்டுள்ளனர் நாராயணசாமி தகவல்
கொரோனா வைரஸ் கிருமி தடுப்பு நடவடிக்கையாக 515 பேர் தனிமைப்படுத்தப்பட்டுள்ளதாக முதல்-அமைச்சர் நாராயணசாமி கூறினார்.
4. கிருமாம்பாக்கம் பகுதியில் திருமண நிலையம், தங்கும் விடுதி, ஏரிக்கரை கட்டுமானப் பணிகள் அமைச்சர் ஆய்வு
கிருமாம்பாக்கம் பகுதியில் நடைபெற்று வரும் திருமண நிலையம், தங்கும் விடுதி, ஏரிக்கரை கட்டுமானப்பணிகளை அமைச்சர் கந்தசாமி நேரில் சென்று பார்வையிட்டு ஆய்வு செய்தார்.
5. கொரோனா வைரஸ் பரவாமல் தடுக்க தீவிர நடவடிக்கை கலெக்டர் தகவல்
மாவட்டத்தில் கொரோனா வைரஸ் பரவாமல் தடுக்க தீவிர நடவடிக்கை எடுக்கப்பட்டு வருவதாக கலெக்டர் ஜெயகாந்தன் தெரிவித்தார்.