மாவட்ட செய்திகள்

அருப்புக்கோட்டையில் பட்டப்பகலில் நர்ஸ் வீட்டில் 40 பவுன் நகை கொள்ளை + "||" + 40-pound jewelry robbery at nurse's house in Aruppukottai

அருப்புக்கோட்டையில் பட்டப்பகலில் நர்ஸ் வீட்டில் 40 பவுன் நகை கொள்ளை

அருப்புக்கோட்டையில் பட்டப்பகலில் நர்ஸ் வீட்டில் 40 பவுன் நகை கொள்ளை
அருப்புக்கோட்டையில் பட்டப்பகலில் நர்ஸ் வீட்டில் 40 பவுன் நகை கொள்ளையடிக்கப்பட்டுள்ளது.
அருப்புக்கோட்டை,

விருதுநகர் மாவட்டம் அருப்புக்கோட்டை பாலையம்பட்டி ராஜீவ்நகரை சேர்ந்த சத்திய மூர்த்தி என்பவரது மனைவி ராமலட்சுமி(வயது 50). இவர் கோபாலபுரத்தில் உள்ள ஆரம்ப சுகாதார நிலையத்தில் நர்சாக உள்ளார். சத்தியமூர்த்தி இறந்து விட்ட நிலையில் தனியாக வாழ்ந்து வருகிறார்.

நேற்றுகாலை இவர் வழக்கம்போல வேலைக்கு புறப்பட்டுள்ளார். வீட்டை பூட்டிய அவர் சாவியை வீட்டின் முன்பகுதியில் மறைவான இடத்தில் வைத்து விட்டு சென்றுள்ளார். இதனை நோட்டமிட்ட மர்ம மனிதன் அவர் அங்கிருந்து சென்றவுடன் சாவியை எடுத்து கதவை திறந்து வீட்டுக்குள் சென்றுள்ளான்.

அங்கு பீரோவில் இருந்த 40 பவுன் நகையை கொள்ளையடித்து விட்டு சென்றுவிட்டான்.

மாலையில் ராமலட்சுமி வீடு திரும்பியபோதுதான் கொள்ளை நடந்திருப்பது தெரியவந்தது. இதுகுறித்து அவர் டவுன் போலீசில் புகார் செய்தார். துணை போலீஸ் சூப்பிரண்டு வெங்கடேசன், இன்ஸ்பெக்டர் பாலமுருகன் ஆகியோர் அங்கு சென்று பார்வையிட்டனர்.

கைரேகை நிபுணர்கள் வந்து தடயங்களை சேகரித்தனர். மோப்ப நாயும் வரவழைக்கப்பட்டது.

அதேபகுதியில் உள்ள புளியம்பட்டியில் பள்ளி ஆசிரியையான கார்த்திகைசெல்வியின் வீட்டிலும் பட்டப்பகலில் கொள்ளை முயற்சி நடந்துள்ளது. இவர் வேலைக்கு சென்றதும் வீட்டின் பின்பக்கமாக மாடியில் ஏறி வந்த மர்ம நபர் முன்பக்க கதவை இரும்பு கம்பியால் உடைக்க முயற்சித்துள்ளார். முடியாததால் ஓடி விட்டார். மாலையில் வீடு திரும்பிய கார்த்திகைசெல்வி இதுகுறித்து போலீசில் புகார் செய்தார். போலீசார் அங்கு சென்று பார்வையிட்டு விசாரணை மேற்கொண்டனர்.

தொடர்புடைய செய்திகள்

1. அருப்புக்கோட்டையில் பட்டப்பகலில் தி.மு.க. பிரமுகர் வீட்டில் 70 பவுன் நகை; ரூ.1½ லட்சம் கொள்ளை
அருப்புக்கோட்டையில் நேற்று பட்டப்பகலில் தி.மு.க. பிரமுகர் வீட்டில் 70 பவுன் நகை மற்றும் ரூ.1½லட்சம் கொள்ளை போனது.
2. சபரிமலை சென்று வந்தவரின் குடும்பத்தில் 8 பேருக்கு கொரோனா தொற்று
அருப்புக்கோட்டையில் சபரிமலை சென்று வந்தவரின் ஒரே குடும்பத்தைச் சேர்ந்த 8 பேருக்கு கொரோனா தொற்று உறுதி செய்யப்பட்டுள்ளது அதிர்ச்சியை ஏற்படுத்தியுள்ளது.
3. பணகுடி அருகே துணிகரம்: விவசாயி வீட்டில் புகுந்து 40 பவுன் நகை கொள்ளை; மர்ம நபர்களுக்கு வலைவீச்சு
பணகுடி அருகே விவசாயி வீட்டின் கதவை உடைத்து 40 பவுன் நகைகளை மர்மநபர்கள் கொள்ளையடித்து சென்றனர்.
4. அருப்புக்கோட்டை நான்கு வழிச்சாலை கட்டங்குடி விலக்கில் தொடர் விபத்துகளை தவிர்க்க நடவடிக்கை எடுக்கப்படுமா?
அருப்புக்கோட்டை 4 வழிச்சாலையில் ஏற்பட்டு வரும் தொடர் விபத்துகளை தவிர்க்க அதிகாரிகள் நடவடிக்கை எடுக்க வேண்டும் என்று வலியுறுத்தப்பட்டுள்ளது.