மாவட்ட செய்திகள்

தேனி உழவர் சந்தையில் கொரோனா முன்னெச்சரிக்கை: 3 அடி இடைவெளியில் நின்று காய்கறி வாங்கிய மக்கள் + "||" + Corona in Theni Tiller Market Precautions: People who buy vegetables standing at 3 feet intervals

தேனி உழவர் சந்தையில் கொரோனா முன்னெச்சரிக்கை: 3 அடி இடைவெளியில் நின்று காய்கறி வாங்கிய மக்கள்

தேனி உழவர் சந்தையில் கொரோனா முன்னெச்சரிக்கை: 3 அடி இடைவெளியில் நின்று காய்கறி வாங்கிய மக்கள்
தேனி உழவர் சந்தையில் கொரோனா வைரஸ் முன்னெச்சரிக்கை நடவடிக்கையாக 3 அடி இடைவெளியில் நின்று மக்கள் காய்கறி வாங்கினர்.
தேனி,

கொரோனா வைரஸ் பரவாமல் தடுக்க முன்னெச்சரிக்கை நடவடிக்கையாக நாடு முழுவதும் நேற்று முன்தினம் மக்கள் ஊரடங்கு உத்தரவு கடைபிடிக்கப்பட்டது. இதனால், தேனி மாவட்டத்தில் கடைகள் முழுவதும் அடைக்கப்பட்டன. பஸ்கள், ஆட்டோ உள்பட அனைத்து வாகனங்களும் நிறுத்தப்பட்டன. நேற்று அதிகாலை 5 மணியுடன் மக்கள் ஊரடங்கு தளர்த்தி கொள்ளப்பட்டது.


இதையடுத்து நேற்று காலையில் பஸ்கள் வழக்கம்போல் ஓடின. ஆனால், கேரள மாநிலத்துக்கு பஸ், ஜீப் உள்ளிட்ட அனைத்து வாகன போக்குவரத்தும் நிறுத்தப்பட்டு இருந்தது. மாவட்டத்தில் உள்ள கம்பம்மெட்டு, போடிமெட்டு, குமுளி ஆகிய 3 கேரள மாநில எல்லைகளும் தொடர்ந்து மூடப்பட்டு இருந்தன.

மாவட்டம் முழுவதும் கடைகள் திறந்து இருந்தன. காலவரையின்றி மூடப்பட்ட பெரிய அளவிலான ஜவுளிக்கடைகள், நகைக்கடைகள், பல்பொருள் அங்காடிகள் தவிர்த்து மற்ற கடைகள் திறக்கப்பட்டு இருந்தன.

சாலையில் கோடு

மாவட்டத்தில் உள்ள உழவர் சந்தைகள் நேற்று வழக்கம் போல் செயல்பட்டது. உழவர் சந்தை நுழைவு வாயிலில் கைகள் கழுவுவதற்கு வசதி ஏற்படுத்தப்பட்டு இருந்தது. ஆனால், அதற்கு மக்கள் நெருக்கமாக நீண்ட வரிசையில் காத்திருக்கும் சூழல் கடந்த சில நாட்களாக இருந்தது. இதையடுத்து தேனி அல்லிநகரம் நகராட்சி நிர்வாகம் மற்றும் உழவர் சந்தை நிர்வாகம் சார்பில் நேற்று உழவர் சந்தைக்கு வெளியே சாலையில் சுமார் 200 மீட்டர் தூரம் வரை 3 அடி இடைவெளிக்கு வெள்ளை கோடுகள் வரையப்பட்டு இருந்தன.

ஒவ்வொரு கோட்டுக்கும் ஒருவர் வீதம் வரிசையில் நின்றனர். இதனால் காய்கறி வாங்க வந்தவர்கள் கை கழுவுவதற்கே அரை மணி நேரம் வரை வரிசையில் காத்திருக்க வேண்டிய நிலைமை ஏற்பட்டது. கடைகளின் முன்பும் இடைவெளி விட்டு நின்று காய்கறி வாங்கி செல்லுமாறு ஒலிபெருக்கி மூலம் உழவர் சந்தை பணியாளர்கள் அறிவுறுத்தியபடி இருந்தனர்.

வங்கிகள்

வங்கிகள் நேற்று காலை 10 மணியில் இருந்து பிற்பகல் 2 மணி வரை மட்டுமே செயல்பட்டன. வங்கிக்கு வந்த வாடிக்கையாளர்கள் பலரும் முககவசம் அணிந்து வந்தனர். வங்கி ஊழியர்களும் முக கவசம் அணிந்து பணியாற்றினர். பிற்பகல் 2 மணிக்கு பிறகு வங்கிகள் மூடப்பட்டன. இதனால், வங்கி சேவையை பெறுவதில் மக்களுக்கு பாதிப்பு ஏற்பட்டது. 

தொடர்புடைய செய்திகள்

1. கொரோனா தடுப்பு பணிகள்; ரோகித் சர்மா ரூ.80 லட்சம் நிதியுதவி
கொரோனா தடுப்பு பணிகளுக்காக இந்திய கிரிக்கெட் அணியின் துவக்க ஆட்டக்காரர் ரோகித் சர்மா ரூ.80 லட்சம் நிதியுதவி அளித்துள்ளார்.
2. கொரோனாவினால் பாதிக்கப்பட்டோருக்கு நிவாரண நிதி வழங்கிய கோலி-அனுஷ்கா தம்பதி
கொரோனாவினால் பாதிக்கப்பட்டோருக்கு கோலி-அனுஷ்கா தம்பதி நிவாரண நிதி வழங்கியுள்ளனர்.
3. கொரோனா பாதித்தவர்களுக்கு சிகிச்சை அளிக்க 20 ஆயிரம் ரெயில் பெட்டிகள் தனிமை வார்டுகளாக மாற்றம் - ரெயில்வே நடவடிக்கை
கொரோனா வைரஸ் பாதித்தவர்களுக்கு சிகிச்சை அளிக்க ஏதுவாக 20 ஆயிரம் ரெயில் பெட்டிகளை தனிமை வார்டுகளாக மாற்ற ரெயில்வே நிர்வாகம் நடவடிக்கை எடுத்துள்ளது.
4. கொரோனாவில் இருந்து பாதுகாத்துக்கொள்ள வயதானவர்கள் என்ன செய்யலாம்; எதை செய்யக்கூடாது - மத்திய சுகாதார அமைச்சகம் ஆலோசனை
கொரோனா வைரஸ் பரவுவதில் இருந்து பாதுகாத்துக்கொள்ள வயதானவர்கள் என்ன செய்ய வேண்டும், என்ன செய்யக் கூடாது என்று மத்திய சுகாதார அமைச்சகம் சில ஆலோசனைகளை வழங்கி உள்ளது.
5. கொரோனா பரவும் ஆபத்து: தொழிலாளர்கள் வெளியேறுவதை தடுக்க எடுத்த நடவடிக்கை என்ன? - அறிக்கை தாக்கல் செய்ய மத்திய அரசுக்கு சுப்ரீம் கோர்ட்டு உத்தரவு
கொரோனா வேகமாக பரவும் ஆபத்து இருப்பதால், வெளிமாநில தொழிலாளர்கள் வெளியேறுவதை தடுக்க எடுக்கப்பட்டுள்ள நடவடிக்கை பற்றி அறிக்கை தாக்கல் செய்யுமாறு மத்திய அரசுக்கு சுப்ரீம் கோர்ட்டு உத்தரவிட்டு உள்ளது.