மாவட்ட செய்திகள்

வெளிநாட்டில் இருந்து வந்த 2 ஆயிரம் பேரை தனிமைப்படுத்தி தீவிர கண்காணிப்பு + "||" + Extreme surveillance of isolating 2 thousand people from abroad

வெளிநாட்டில் இருந்து வந்த 2 ஆயிரம் பேரை தனிமைப்படுத்தி தீவிர கண்காணிப்பு

வெளிநாட்டில் இருந்து வந்த 2 ஆயிரம் பேரை தனிமைப்படுத்தி தீவிர கண்காணிப்பு
வெளிநாட்டில் இருந்து மாவட்டத்திற்கு வந்த 2 ஆயிரம் பேர் வீட்டில் தனிமைப்படுத்தப்பட்டு தீவிரமாக கண்காணிக்கப்பட்டு வருவதாக கலெக்டர் ஜெயகாந்தன் தெரிவித்துள்ளார்.
சிவகங்கை, 

காரைக்குடி அமராவதிபுதூரில் உள்ள 4-வது ராணுவ படைத்தள வளாகத்தில் கொரோனா நோய் பாதிக்கப்பட்டவர்களுக்கு சிகிச்சை வழங்குவதற்காக அமைக்கப்பட்டுள்ள புதிய கட்டிடத்தை கலெக்டர் ஜெயகாந்தன் பார்வையிட்டார். அப்போது 4-வது ராணுவ படைத்தள காவல் கண்காணிப்பாளா் கிளாரி, கூடுதல் காவல் கண்காணிப்பாளா் பிரின்ஸ், மருத்துவத்துறை இணை இயக்குனர் இளங்கோ மகேஸ்வரன், பொது சுகாதாரத்துறை துணை இயக்குனர் யசோதாமணி ஆகியோர் உடனிருந்தனர். தொடர்ந்து கலெக்டர் நிருபர்களிடம் கூறியதாவது:-

கொரோனா வைரஸ் தீவிரமாக பரவி வருவதை தடுக்கும் வகையில் தமிழக அரசு போர்க்கால அடிப்படையில் நடவடிக்கை மேற்கொண்டு வருகிறது.

கொரோனா வைரஸ் தடுப்பு முன்னெச் சரிக்கை நடவடிக்கையாக மார்ச் 1-ந்தேதிக்கு பிறகு வெளிநாட்டிலிருந்து 2 ஆயிரம் பேர் வந்துள்ளனர். அவர்கள் வீட்டில் தனிமைப்படுத்தப்பட்டு மருத்துவக் கண்காணிப்பில் உள்ளனர். மேலும் அவர்களின் வீடுகள் முன்பு ஸ்டிக்கர் ஒட்டி காண்காணிக்கப்படுகின்றனர்.

இதில், 11 பேரை சிவகங்கை அரசு மருத்துவக் கல்லூரி மருத்துவமனையில் வைத்து மருத்துவக் குழுவினர் சிகிச்சை அளித்து வருகின்றனர். இவர்களுக்கு கொரோனா வைரஸ் பாதிப்பு இல்லை என உறுதி செய்யப்பட்டுள்ளது. ஆனாலும் தொடர்ந்து 28 நாட்கள் கண்காணிக்கும் வகையில் மருத்துவக்குழுவினர் கண் காணிப்பு பணிகளை மேற்கொண்டு வருகின்றனர்.

மேலும், மாவட்டத்தில் வைரஸ் காய்ச்சல் பரவினால் உரிய சிகிச்சை வழங்கும் வகையில் காரைக்குடி அமராவதிபுதூர் 4-வது ராணுவ படைத்தள வளாகத்தில் புதியதாக கட்டப்பட்ட 212 அடுக்கு மாடி கட்டிடம் தயார் நிலையில் உள்ளது. இவ்வாறு அவர் கூறினார்.

தொடர்ந்து அமராவதிபுதூர் பகுதியில் உள்ள அரசு மருத்துவமனை மற்றும் காரைக்குடி தலைமை மருத்துவமனை வளாகங்களில் புதிதாக அமைக்கப்பட்டுள்ள கொரோனா நோய் சிகிச்சைக்கான வார்டுகளை கலெக்டர் பார்வையிட்டார்.

தொடர்புடைய செய்திகள்

1. எகிப்து, துருக்கி, அரபுநாடுகளில் இருந்து வந்தது: தஞ்சை காமராஜர் மார்க்கெட்டில் குவிந்த வெளிநாட்டு வெங்காயம்
எகிப்து, துருக்கி, சவுதி அரேபியாவில் இருந்து தஞ்சை காமராஜர் மார்க்கெட்டுக்கு வெங்காயம் வந்து குவிகிறது. மீண்டும் விலை ஏறுமுகத்தில் இருப்பதால் பொதுமக்கள் அதிர்ச்சி அடைந்துள்ளனர்.
2. திருச்சி முகாம் சிறையில் உண்ணாவிரதம் எதிரொலி: வங்காளதேச அகதிகள் 7 பேர், ரெயிலில் சொந்த நாட்டுக்கு அனுப்பி வைப்பு
திருச்சி முகாம் சிறையில் அகதிகளின் உண்ணாவிரதத்தை தொடர்ந்து, வங்காளதேச அகதிகள் 7 பேர் ரெயிலில் சொந்த நாட்டுக்கு அனுப்பி வைக்கப்பட்டனர்.
3. அயோத்தி தீர்ப்பு குறித்து வெளிநாட்டு பத்திரிகைகள் என்ன சொல்கின்றன?
அயோத்தி தீர்ப்பு குறித்து வெளிநாட்டு பத்திரிகைகள் கருத்து தெரிவித்து செய்திகள் வெளியிட்டுள்ளன.
4. தஞ்சைக்கு கார்களில் வந்த வெளிநாட்டு சுற்றுலா பயணிகள் பெரியகோவில் கட்டிட கலையை பார்த்து வியந்தனர்
தஞ்சைக்கு கார்களில் வந்த வெளிநாட்டு சுற்றுலா பயணிகள், பெரியகோவில் கட்டிட கலையை பார்த்து வியந்தனர்.