மாவட்ட செய்திகள்

கொரோனா தொற்றில் இருந்து பாதுகாக்க பொதுமக்கள் வீட்டை விட்டு வெளியே வரவேண்டாம் - அமைச்சர் கே.ஏ.செங்கோட்டையன் வேண்டுகோள் + "||" + Public should not leave home to protect from coronavirus - Minister KA Senkottaiyan

கொரோனா தொற்றில் இருந்து பாதுகாக்க பொதுமக்கள் வீட்டை விட்டு வெளியே வரவேண்டாம் - அமைச்சர் கே.ஏ.செங்கோட்டையன் வேண்டுகோள்

கொரோனா தொற்றில் இருந்து பாதுகாக்க பொதுமக்கள் வீட்டை விட்டு வெளியே வரவேண்டாம் - அமைச்சர் கே.ஏ.செங்கோட்டையன் வேண்டுகோள்
கொரோனா தொற்றில் இருந்து பாதுகாக்க பொதுமக்கள் வீட்டை விட்டு வெளியே செல்வதை தவிர்க்க வேண்டும் என அமைச்சர் கே.ஏ.செங்கோட்டையன் வேண்டுகோள் விடுத்துள்ளார்.
கடத்தூர்,

கோபியில் உள்ள அரசு ஆஸ்பத்திரி, தாலுகா அலுவலகம், நகராட்சி அலுவலகம், ஆர்.டி.ஓ. அலுவலகம் ஆகியவற்றுக்கு தமிழக பள்ளிக்கல்வித்துறை அமைச்சர் கே.ஏ.செங்கோட்டையன் நேரில் சென்று கொரோனா தடுப்பு நடவடிக்கைகள் குறித்து கேட்டறிந்து ஆய்வு மேற்கொண்டார்.

பின்னர் அரசு ஊழியர்கள், தூய்மை பணியாளர்களுக்கு பாதுகாப்பு உபகரணங்களை வழங்கினார்.

இதைத்தொடர்ந்து அவர் நிருபர்களுக்கு பேட்டி அளித்தார். அப்போது அவர் கூறியதாவது:-

கொரோனா வைரஸ் தொற்று இந்தியா மட்டுமில்லாது உலகம் முழுவதும் பரவி அனைவரையும் அச்சுறுத்தி வருகிறது. பல நாடுகளால் இதை கட்டுப்படுத்த முடியவில்லை. பொதுமக்கள் அனைவரும் 21 நாட்கள் வீட்டுக்குள்ளேயே இருந்து கொரோனா வைரஸ் தடுப்பு நடவடிக்கைக்கு முழு ஒத்துழைப்பு அளிக்க வேண்டும் என பிரதமர் மோடி கேட்டுக்கொண்டு உள்ளார்.

தமிழ்நாட்டிலும் கொரோனா தடுப்பு நடவடிக்கைகளை முதல்- அமைச்சர் எடப்பாடி பழனிசாமி மேற்கொண்டு வருகிறார். இதன் மூலம் பல்வேறு தரப்பினரின் பாராட்டை பெற்று வருகிறார். வீடுகளில் தனித்து இருப்பதன் மூலம் கொரோனா தொற்றை விரட்ட முடியும். கொரோனா மூலம் யாரும் இறக்கக்கூடாது என்பது இந்த அரசின் குறிக்கோளாக உள்ளது. எனவே பொதுமக்கள் வீட்டை விட்டு வெளியே செல்வதை தவிர்க்க வேண்டும்.

கோபி அரசு ஆஸ்பத்திரிக்கு காய்ச்சல் கண்டறியும் 2 கருவிகள் வழங்கப்பட்டு உள்ளது. 1-ம் வகுப்பு முதல் 9-ம் வகுப்பு வரை அனைத்து மாணவ- மாணவிகளும் தேர்ச்சி என முதல்- அமைச்சர் எடப்பாடி பழனிசாமி அறிவித்து உள்ளார். வாகனங்களில் வருபவர்கள் அத்தியாவசிய தேவைக்காகத்தான் வெளியே வரவேண்டும். ஒத்திவைக்கப்பட்ட 10-ம் வகுப்பு தேர்வுகள் எப்போது தொடங்கும் என்பது குறித்தும், கோடைகால விடுமுறை எப்போது விடப்படும் என்பது குறித்தும் முதல்- அமைச்சர் எடப்பாடி பழனிசாமி அறிவிப்பார். இவ்வாறு அவர் கூறினார்.

தொடர்புடைய செய்திகள்

1. கொரோனாவால் பாதிக்கப்பட்டவர்களுக்கு தெண்டுல்கர் ரூ.50 லட்சம் நிதியுதவி
கொரோனா நோயினால் பாதிக்கப்பட்டவர்களுக்கு உதவ இந்திய கிரிக்கெட் அணியின் முன்னாள் கேப்டன் சச்சின் தெண்டுல்கர் ரூ.50 லட்சம் நிதியுதவி வழங்கி இருக்கிறார்.
2. கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு
கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு தெரிவித்தார்.
3. கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் - எம்.எல்.ஏ. வேண்டுகோள்
கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் என்று சதன் பிரபாகரன் எம்.எல்.ஏ. கேட்டுக் கொண்டார்.
4. கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் உதவி
கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் நிதி உதவி அளித்துள்ளார்.
5. துபாயில் இருந்து மதுரை வந்தவர்: கொரோனா முகாமில் இருந்து மாயமாகி காதலியை நள்ளிரவில் மணம் முடித்த வாலிபர்
துபாயில் இருந்து விமானத்தில் மதுரை வந்த வாலிபர், கொரோனா முகாமில் தங்க வைக்கப்பட்டு இருந்தார். அவர் திடீரென மாயமாகி தனது ஊருக்கு சென்று காதலியை நள்ளிரவில் திருமணம் செய்துகொண்ட நிகழ்வு நடந்துள்ளது. போலீசார் விரைந்து சென்று அந்த வாலிபரை கைது செய்து மீண்டும் முகாமில் தங்கவைத்தனர்.