மாவட்ட செய்திகள்

திருவள்ளூரில் இருந்து சொந்த ஊர்களுக்கு வெளிமாநில தொழிலாளர்களை ரெயில் மூலம் அனுப்பி வைத்த கலெக்டர் + "||" + Collector sent other state workers from Tiruvallur to their hometowns by rail

திருவள்ளூரில் இருந்து சொந்த ஊர்களுக்கு வெளிமாநில தொழிலாளர்களை ரெயில் மூலம் அனுப்பி வைத்த கலெக்டர்

திருவள்ளூரில் இருந்து சொந்த ஊர்களுக்கு வெளிமாநில தொழிலாளர்களை ரெயில் மூலம் அனுப்பி வைத்த கலெக்டர்
திருவள்ளூரில் இருந்து வெளிமாநில தொழிலாளர்களை கலெக்டர் மகேஸ்வரி ரவிக்குமார் சொந்த ஊர்களுக்கு அனுப்பி வைத்தார்.
திருவள்ளூர், 

முதல்-அமைச்சர் எடப்பாடி பழனிச்சாமி உத்தரவின்பேரில் திருவள்ளூர் மாவட்ட கலெக்டர் மகேஸ்வரி ரவிக்குமார், மாவட்டம் முழுவதும் தங்கி உள்ள வடமாநில தொழிலாளர்களை அவர்களின் சொந்த ஊருக்கு அனுப்பி வைக்க நடவடிக்கை மேற்கொண்டார். அதன்படி நேற்று திருவள்ளூர் மாவட்டத்தில் தங்கி இருந்த உத்தரபிரதேசத்தை சேர்ந்த 550 தொழிலாளர்கள் மற்றும் தமிழ்நாட்டின் பிற மாவட்டங்களில் இருந்து வந்த உத்தரபிரதேச மாநிலத்தைச் சேர்ந்த 782 தொழிலாளர்கள் என மொத்தம் 1,332 பேர் திருவள்ளூர் ரெயில் நிலையத்தில் இருந்து சிறப்பு ரெயிலில் அவர்களது சொந்த ஊர்களுக்கு அனுப்பி வைக்கப்பட்டனர்.

முன்னதாக ஆண்கள், பெண்கள் மற்றும் குழந்தைகள் என அவர்கள் அனைவருக்கும் மருத்துவ பரிசோதனை செய்யப்பட்டது. அத்துடன் அவர்களுக்கு தேவையான உணவு, குடிநீர் உள்ளிட்ட அடிப்படை வசதிகள் செய்து கொடுக்கப்பட்டு மாவட்ட கலெக்டர் மகேஸ்வரி ரவிக்குமார் வழி அனுப்பி வைத்தார். இதுவரை திருவள்ளூர் மாவட்டத்தில் இருந்து 18 ஆயிரம் வெளிமாநில தொழிலாளர்கள் தங்களது சொந்த ஊர்களுக்கு வழியனுப்பி வைக்கப்பட்டு உள்ளனர். அப்போது மாவட்ட கலெக்டரின் நேர்முக உதவியாளர்(பொது) பன்னீர்செல்வம், உதவி இயக்குனர்(நில அளவை)ராமசந்திரன், திருவள்ளூர் ஆர்.டி.ஓ.வித்யா, தாசில்தார் சீனிவாசன் (அலுவலக மேலாளர் பொது), வருவாய்துறை அலுவலர்கள், அரசு அலுவலர்கள் மற்றும் ரெயில்வேதுறை அலுவலர்கள் உடன் இருந்தனர்.

தொடர்புடைய செய்திகள்

1. திருவள்ளூர் அருகே, மழைநீர் தேங்கிய பள்ளத்தில் தவறி விழுந்த 3 வயது குழந்தை பலி
மழைநீர் தேங்கிய பள்ளத்தில் தவறிவிழுந்த 3 வயது குழந்தை பரிதாபமாக இறந்தது.
2. திருவள்ளூர் மாவட்டத்தில் தனியார் ஆதரவு இல்லத்தில் மேலும் 11 பேருக்கு கொரோனா
திருவள்ளூர் மாவட்டத்தில் தனியார் ஆதரவு இல்லத்தில் 14 வயது சிறுவன், 2 பெண்கள் உள்பட மேலும் 11 பேருக்கு கொரோனா வைரஸ் உறுதி செய்யப்பட்டது.
3. திருவள்ளூர் பகுதியில் பலத்த மழை; தொகுப்பு வீடு இடிந்தது
திருவள்ளூர் பகுதியில் பலத்த மழை பெய்தது.
4. திருவள்ளூர், காஞ்சீபுரம் மாவட்டங்களில் கொரோனா பாதிப்பு - செங்கல்பட்டு மாவட்டத்தில் ஒரே நாளில் 82 பேருக்கு கொரோனா பாதிப்பு
திருவள்ளூர், காஞ்சீபுரம் மாவட்டங்களில் கொரோனா பாதிப்பு செங்கல்பட்டு மாவட்டத்தில் நேற்று ஒரே நாளில் 82 பேருக்கு கொரோனா வைரஸ் பாதிப்பு உறுதியானது.
5. திருவள்ளூர், காஞ்சீபுரம் சென்னை, செங்கல்பட்டு மாவட்டங்களில் கட்டுப்பாடுகள் தொடர வேண்டும் முதல்-அமைச்சரை சந்தித்த பிறகு மருத்துவ வல்லுனர் குழு பேட்டி
கொரோனா சமூக தொற்றாக மாறவில்லை என்றும் சென்னை, திருவள்ளூர், காஞ்சீபுரம், செங்கல்பட்டு மாவட்டங்களில் கட்டுப்பாடுகள் தொடர வேண்டும் என்றும் மருத்துவ வல்லுனர் குழு தெரிவித்துள்ளனர்.