மாவட்ட செய்திகள்

விருத்தாசலம் பகுதிக்கு வந்த தந்தை, மகள் உள்பட 4 பேருக்கு கொரோனா உறுதி + "||" + come to Vrithyasalam area, Corona confirmed to 4 people, including father and daughter

விருத்தாசலம் பகுதிக்கு வந்த தந்தை, மகள் உள்பட 4 பேருக்கு கொரோனா உறுதி

விருத்தாசலம் பகுதிக்கு வந்த தந்தை, மகள் உள்பட 4 பேருக்கு கொரோனா உறுதி
கர்நாடக மாநிலம் மற்றும் சென்னையில் இருந்து கடலூர் மாவட்டத்திற்கு வந்த தந்தை, மகள் உள்பட 4 பேருக்கு கொரோனா உறுதி செய்யப்பட்டது. இதன் மூலம் பாதிக்கப்பட்டவர்களின் எண்ணிக்கை 427 ஆக உயர்ந்துள்ளது.
கடலூர்,

கடலூர் மாவட்டத்தில் கொரோனா தடுப்பு முன்னெச்சரிக்கை நடவடிக்கைகள் எடுக்கப்பட்டு வருகிறது. இருப்பினும் வெளி மாநிலம், வெளி மாவட்டங்களில் இருந்து கடலூர் மாவட்டத்திற்கு வந்தவர் களால் கொரோனா பாதிப்பு எண்ணிக்கை அதிகரித்து வருகிறது. நேற்று முன்தினம் வரை 423 பேருக்கு கொரோனா உறுதியாகி இருந்தது.

இந்நிலையில் நேற்று காலை 110 பேரின் பரிசோதனை முடிவுகள் வெளியானது. அதில் கர்நாடக மாநிலம் மைசூருவில் இருந்து விருத்தாசலம் பகுதிக்கு வந்தவர்களில் 4 வயது சிறுமி ஒருவருக்கு பாதிப்பு உறுதி செய்யப்பட்டது. மேலும் சென்னை திருவல்லிக்கேணியில் இருந்து மங்களூர் பகுதிக்கு வந்த தந்தை, அவரது மகளான 9 வயது சிறுமி , சென்னை எழும்பூரில் இருந்து கம்மாபுரம் பகுதிக்கு வந்த பெண் ஒருவர் என மொத்தம் 4 பேருக்கு கொரோனா பாதிப்பு உறுதி செய்யப்பட்டது.

இதையடுத்து அவர்கள் 4 பேரும் உடனடியாக சிதம்பரம் ராஜா முத்தையா மருத்துவக்கல்லூரி மருத்துவமனையில் அனுமதிக்கப்பட்டனர். அங்கு அவர்கள் தனி வார்டில் சிகிச்சை பெற்று வருகின்றனர். இதன் மூலம் மாவட்டத்தில் பாதிக்கப்பட்டவர்களின் எண்ணிக்கை 427 ஆக உயர்ந்தது. இந்த நிலையில் நேற்று 4 பேர் குணமடைந்து வீடு திரும்பினர். இதன் மூலம் இது வரை 412 பேர் சிகிச்சை பெற்று வீடு திரும்பி உள்ளனர்.

மாவட்டத்தில் இது வரை 10 ஆயிரத்து 810 பேருக்கு பரிசோதனை எடுக்கப்பட்டதில், 427 பேருக்கு பாதிப்பு உறுதியாகி உள்ளது.9 ஆயிரத்து 977 பேருக்கு பாதிப்பு இல்லை. 406 பேருக்கு பரிசோதனை முடிவுகள் வர வேண்டும். நேற்று 27 பேரின் உமிழ்நீர் மற்றும் ரத்த மாதிரிகள் எடுக்கப்பட்டு, பரிசோதனைக்காக சிதம்பரம் ராஜா முத்தையா மருத்துவக்கல்லூரி மருத்துவமனைக்கு அனுப்பி வைக்கப்பட்டுள்ளது. இதையும் சேர்த்து மொத்தம் 433 பேரின் பரிசோதனை முடிவுகள் வர வேண்டியுள்ளதாக சுகாதாரத்துறை அதிகாரி ஒருவர் தெரிவித்தார்.

தொடர்புடைய செய்திகள்

1. கொரோனா தொற்றுக்கு சித்த மருத்துவர்கள் மருந்து கண்டறிந்தால் அதனை சந்தேகிப்பது ஏன்? - மத்திய மாநில அரசுகளுக்கு உயர்நீதிமன்றம் சரமாரி கேள்வி
கொரோனாவிற்கு மருத்து கண்டறிவது தொடர்பான விவகாரத்தில் மத்திய மாநில அரசுகளுக்கு சென்னை உயர்நீதினறம் சரமாரியாக கேள்வி எழுப்பியுள்ளது.
2. கொரோனா பாதித்த கோவை தெற்கு தொகுதி அதிமுக எம்.எல்.ஏ. அம்மன் அர்ஜூனன் குணமடைந்தார்
கொரோனாவால் பாதிக்கப்பட்டு சிகிச்சை பெற்று வந்த கோவை தெற்கு தொகுதி அதிமுக எம்.எல்.ஏ. அம்மன் அர்ஜூனன் குணமடைந்து வீடு திரும்பினார்.
3. கொரோனா பாதிப்பு காரணமாக திமுக வட்டச் செயலாளர் உயிரிழப்பு
சென்னை பல்லாவரம் 37 வது வார்டு திமுக வட்டச் செயலாளர் எபனேசர் கொரோனா தொற்றால் உயிரிழந்துள்ளார்.
4. கொரோனாவில் இருந்து குணமடைந்தவர்களின் எண்ணிக்கை அதிகரிப்பு: புதிதாக 32 பேருக்கு தொற்று
புதுவையில் புதிதாக 32 பேர் கொரோனாவால் பாதிக்கப்பட்டுள்ளனர். கொரோனாவில் இருந்து குணமடைந்தவர்களின் எண்ணிக்கை அதி கரித்துள்ளதாக சுகா தாரத்துறை இயக்குனர் மோகன்குமார் தெரி வித்தார்.
5. கொரோனா அச்சுறுத்தல் எதிரொலி:‘நீட்’, ‘ஜே.இ.இ.’ தேர்வுகள் செப்டம்பர் மாதத்துக்கு தள்ளிவைப்பு - மத்திய அரசு அறிவிப்பு
கொரோனா அச்சுறுத்தல் காரணமாக ‘நீட்’ மற்றும் ‘ஜே.இ.இ.’ தேர்வுகள் செப்டம்பர் மாதத்துக்கு தள்ளி வைக்கப்பட்டு உள்ளதாக மத்திய அரசு அறிவித்து உள்ளது.