மாவட்ட செய்திகள்

பட்டுக்கோட்டை அருகே கழுத்தை அறுத்து பழ வியாபாரி கொலை போலீசார் விசாரணை + "||" + Police are investigating the murder of a fruit dealer who cut his neck near Pattukkottai

பட்டுக்கோட்டை அருகே கழுத்தை அறுத்து பழ வியாபாரி கொலை போலீசார் விசாரணை

பட்டுக்கோட்டை அருகே கழுத்தை அறுத்து பழ வியாபாரி கொலை போலீசார் விசாரணை
பட்டுக்கோட்டை அருகே பாலத்தின் அடியில் பழ வியாபாரி, கழுத்தை அறுத்து கொலை செய்யப்பட்டு கிடந்தார். இதுகுறித்து போலீசார் விசாரணை நடத்தி வருகிறார்கள்.
பட்டுக்கோட்டை,

தஞ்சை மாவட்டம் பட்டுக்கோட்டையை அடுத்த அணைக்காடு கிராமம் பிரதான சாலைத் தெருவைச் சேர்ந்தவர், ஸ்டீபன் ராஜ்(வயது 55). இவர், பலாப்பழம், மாங்காய் வியாபாரம் செய்து வந்தார். இவருக்கு மனைவி, ஒரு மகன், மகள் உள்ளனர்.


மகன் வெளிநாட்டில் வேலை பார்த்து வருகிறார். மகளுக்கு திருமணம் செய்ய ஏற்பாடு நடந்து வந்ததாக கூறப்படுகிறது.

கழுத்தை அறுத்து கொலை

நேற்று அதிகாலை நடைப்பயிற்சிக்கு சென்றவர்கள் அணைக்காடு-துவரங்குறிச்சி கிராமத்திற்கு இடையே உள்ள நசுவினி ஆற்றுப்பாலத்தின் அடியில் ஸ்டீபன்ராஜ் கழுத்து அறுக்கப்பட்ட நிலையில் ரத்த வெள்ளத்தில் கொலை செய்யப்பட்டு கிடந்தை பார்த்தனர். பின்னர் இதுகுறித்து கிராம நிர்வாக அலுவலருக்கு தகவல் தெரிவித்தனர். இதுகுறித்து துவரங்குறிச்சி கிராம நிர்வாக அலுவலர் சாய் கிரிதர், பட்டுக்கோட்டை தாலுகா போலீஸ் நிலையத்தில் புகார் செய்தார். பட்டுக்கோட்டை போலீஸ் துணை சூப்பிரண்டு புகழேந்தி கணேஷ் உத்தரவின் பேரில் இன்ஸ்பெக்டர் பெரியசாமி, சப்-இன்ஸ்பெக்டர் ரவிச்சந்திரன் மற்றும் போலீசார் சம்பவ இடத்திற்கு சென்று பார்த்தனர். கொலை செய்யப்பட்டு கிடந்த ஸ்டீபன் ராஜ் உடலுக்கு அருகில் ஸ்குரு டிரைவர் உள்ளிட்ட சில பொருட்கள் கிடந்தன.

போலீசார் விசாரணை

பின்னர் போலீசார், ஸ்டீபன் ராஜ் உடலைக் கைப்பற்றி பிரேத பரிசோதனைக்காக பட்டுக்கோட்டை அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து ஸ்டீபன்ராஜ் கொலைக்கான காரணம் என்ன?. கொலையாளிகள் யார்? என்று தீவிர விசாரணை நடத்தி வருகிறார்கள்.

தொடர்புடைய செய்திகள்

1. சாத்தான்குளம் வழக்கு விசாரணைக்காக சி.பி.ஐ. அதிகாரிகள் மதுரை வந்தனர்
சாத்தான்குளம் வழக்கு தொடர்பான விசாரணையை மேற்கொள்வதற்காக 7 சி.பி.ஐ. அதிகாரிகள் மதுரை வந்தனர்.
2. திருச்சி அதவத்தூரில் 9 ம் வகுப்பு மாணவி கொல்லப்பட்ட வழக்கு - 11 தனிப்படைகள் அமைப்பு
திருச்சி அதவத்தூரில் 9 ம் வகுப்பு மாணவி கொல்லப்பட்ட வழக்கில் 11 தனிப்படைகள் அமைக்கப்பட்டு விசாரணை நடைபெற்று வருகிறது.
3. சாத்தான்குளம் தந்தை - மகன் மரணம் : போலீசார் மீது வழக்குப்பதிவு செய்யும் முகாந்திரம் உள்ளது- மதுரை ஐகோர்ட் கிளை
சாத்தான்குளம் சம்பவத்தில் போலீசார் மீது வழக்குப்பதிவு செய்யும் முகாந்திரம் உள்ளது என்று மதுரை ஐகோர்ட் கிளை தெரிவித்துள்ளது.
4. சீர்காழியில் படுகாயத்துடன் வீட்டில் பிணமாக கிடந்த ஓய்வு பெற்ற பெண் மருத்துவ அதிகாரி கொலையா? போலீசார் விசாரணை
சீர்காழியில் ஓய்வு பெற்ற பெண் மருத்துவ அதிகாரி வீட்டில் படுகாயத்துடன் பிணமாக கிடந்தார். அவர் கொலை செய்யப்பட்டாரா? என்பது குறித்து போலீசார் விசாரணை நடத்தி வருகிறார்கள்.
5. வெளியூர்களில் இருந்து சரக்கு ஏற்றி வரும் வாகனங்கள், விழுப்புரம் நகருக்குள் வர தடை போலீசார் தீவிர சோதனை
வெளியூர்களில் இருந்து சரக்கு ஏற்றி வரும் வாகனங்கள் விழுப்புரம் நகருக்குள் வர போலீசார் தடை விதித்து தீவிர சோதனை செய்து வருகின்றனர்.