மாவட்ட செய்திகள்

மீனவ கிராமங்களில் அதிகரிக்கும் கொரோனா: தூத்தூர் பகுதியில் தொற்று எண்ணிக்கை 75 ஆக உயர்வு + "||" + Increased coronavirus in fishing villages: Duttur infestation rises to 75

மீனவ கிராமங்களில் அதிகரிக்கும் கொரோனா: தூத்தூர் பகுதியில் தொற்று எண்ணிக்கை 75 ஆக உயர்வு

மீனவ கிராமங்களில் அதிகரிக்கும் கொரோனா: தூத்தூர் பகுதியில் தொற்று எண்ணிக்கை 75 ஆக உயர்வு
தூத்தூர் பகுதியில் தொற்று எண்ணிக்கை 75 ஆக உயர்ந்துள்ளது. மீனவ கிராமங்களில் கொரோனா பாதிப்பு அதிகரித்து வருவதால் சுய ஊரடங்கு கடை பிடிக்கப்படுகிறது.
நித்திரவிளை,

தூத்தூர் பகுதியை சேர்ந்த ஒரு கல்லூரி மாணவி கடந்த சில தினங்களுக்கு முன்பு கொரோனாவால் பாதிக்கப்பட்டார். தொடர்ந்து, அவரது குடும்பத்தினருக்கு பரிசோதனை செய்த போது அவர்களுக்கும் தொற்று ஏற்பட்டிருப்பது தெரிய வந்தது. அடுத்தடுத்து நடந்த பரிசோதனையில் பங்குதந்தை உள்பட பலருக்கு தொற்று உறுதி செய்யப்பட்டது.


அவர்கள் அனைவரும் ஆசாரிபள்ளம் அரசு ஆஸ்பத்திரியில் சிகிச்சைக்காக அனுமதிக்கப்பட்டனர். சுகாதாரதுறை அதிகாரிகள் தூத்தூர் பகுதியை தடை செய்யப்பட்ட பகுதியாக அறிவித்து சாலைகளை தடுப்புகளால் மூடினர். வீடு, வீடாக சென்று சளி மாதிரிகள் சேகரிக்கப்பட்டு பரிசோதனை செய்யப்பட்டது. நேற்று முன்தினம் 108 பேரிடமும், நேற்று 77 பேரிடமும் சளி மாதிரிகள் சேகரிக்கப்பட்டு பரிசோதனை செய்யப்பட்டது. அடுத்தடுத்து நடந்த சோதனைகளில் தொற்று எண்ணிக்கை உயர்ந்து கொண்டே சென்றது.

தடுப்பு நடவடிக்கை

நேற்று மாலை நிலவரப்படி தூத்தூர் மண்டலத்தில் தூத்தூரில் 68 பேர், மஞ்சத்தோப்பில் 5 பேர், சின்னத்துறை, வெங்கஞ்சியில் தலா ஒருவர் என மொத்தம் 75 பேருக்கு தொற்று உறுதி செய்யப்பட்டது. இதனால், கடற்கரை கிராமங்களில் பரபரப்பு ஏற்பட்டுள்ளது.

சுகாதார துறையினர் முகாமிட்டு தினமும் கிருமி நாசினி தெளிப்பு, பிளச்சிங் பவுடர் தூவுதல் போன்ற பணிகளில் ஈடுபட்டு வருகிறார்கள். தடை செய்யப்பட்ட பகுதியில் உள்ள மக்களுக்காக தூத்தூரில் புனித தோமையார் ஆலயம் முன்பும், ஆரம்ப சுகாதார நிலையம் முன்பும் தற்காலிக காய்கறி சந்தை அமைக்கப்பட்டுள்ளது. மேலும் அரிசி, காய்கறி போன்ற அத்தியாவசிய பொருட்களை தன்னார்வ தொண்டர்கள் வீடு வீடாக சென்று வினியோகம் செய்து வருகிறார்கள்.

சுய ஊரடங்கு

தூத்தூர் கிராமத்தில் தொற்று அதிகரித்து வருவதால் அதன் சுற்றுவட்டார கிராமங்களான சின்னத்துறை, பூத்துறை, இரவிபுத்தன்துறை பகுதிகளை சேர்ந்த மக்கள் சுய ஊடரங்கு கடைபிடித்து வீடுகளில் முடங்கி உள்ளனர். அந்த பகுதிகளில் கடைகள் அனைத்தும் மூடப்பட்டுள்ளன. தூத்தூர் மண்டலத்துக்கு உள்பட்ட இரயுமன்துறை, பூத்துறை, சின்னத்துறை, இரவிபுத்தன்துறை, வள்ளவிளை உள்பட 8 மீனவ கிராமங்களைச் சேர்ந்த மீனவர்கள் கடலில் மீன்பிடிக்க செல்லவில்லை. இதனால், நூற்றுக்கணக்கான நாட்டுப் படகுகள் பூத்துறை, இரயுமன்துறை பகுதியில் உள்ள ஏ.வி.எம். கால்வாய் மற்றும் தாமிரபரணி ஆறு கடலில் கலக்கும் இரயுமன்துறை பொழிமுகம் பகுதியில் நிறுத்தப்பட்டுள்ளது.

மீன்பிடிக்க செல்லாததால் போதிய வருமானம் இன்றி மீனவர்கள் அவதிப்படுகிறார்கள். எனவே, மீனவர்களின் குடும்பத்தினருக்கு அரசு நிவாரண உதவி வழங்க வேண்டும் என கோரிக்கை எழுந்துள்ளது.

தொடர்புடைய செய்திகள்

1. மராட்டிய சிறைகளில் 763 பேருக்கு கொரோனா
மராட்டிய சிறைகளில் 763 பேருக்கு கொரோனா பாதிப்பு உறுதி செய்யப்பட்டது.
2. ரஷ்யாவில் கொரோனாவால் உயிரிழந்தோர் எண்ணிக்கை 11 ஆயிரத்தை தாண்டியது
ரஷ்யாவில் கொரோனா பாதிப்பு காரணமாக உயிரிழந்தோர் எண்ணிக்கை தற்போது 11 ஆயிரத்தை தாண்டியுள்ளது.
3. ஹாங்காங்கில் கொரோனா பரவல் காரணமாக பள்ளிகள் மீண்டும் மூடப்படுவதாக அறிவிப்பு
ஹாங்காங்கில் கொரோனா பாதிப்பு தற்போது அதிகரித்து வருவதால், கடந்த மாதம் திறக்கப்பட்ட பள்ளிகள் மீண்டும் மூடப்படுவதாக அந்நாட்டு அரசு அறிவித்துள்ளது.
4. தர்மபுரியில் கொரோனாவுக்கு வெங்காய வியாபாரி பலி: உடலை அடக்கம் செய்ய எதிர்ப்பு கிளம்பியதால் பரபரப்பு
தர்மபுரியில் கொரோனாவால் பாதிக்கப்பட்ட வெங்காய வியாபாரி பலியானார். அவருடைய உடலை அடக்கம் செய்ய எதிர்ப்பு கிளம்பியதால் பரபரப்பு ஏற்பட்டது.
5. ரஷ்யாவில் கொரோனாவால் பாதிக்கப்பட்டோர் எண்ணிக்கை 7,07,301 ஆக உயர்வு
ரஷ்யாவில் கொரோனாவால் பாதிக்கப்பட்டோர் எண்ணிக்கை தற்போது 7,07,301 ஆக உயர்ந்துள்ளது.