திண்டுக்கல், தேனி மாவட்டங்களில் கொரோனாவுக்கு 6 பேர் பலி

திண்டுக்கல்,


நிலக்கோட்டை தாலுகாவை சேர்ந்த 60 வயதான முதியவர்கள் 2 பேர், கடந்த சில நாட்களுக்கு முன்பு உடல்நலக்குறைவால் அவதிப்பட்டனர். இதையடுத்து 2 பேரும் திண்டுக்கல் அரசு மருத்துவமனையில் சிகிச்சைக்காக சேர்க் கப்பட்டனர். அங்கு அவர்களுக்கு கொரோனா பரிசோதனை செய்யப்பட்டது. கொரோனா தொற்று உறுதியான நிலையில், நேற்று முதியவர்கள் 2 பேரும் சிகிச்சை பலனின்றி இறந்தனர்.

இதேபோல் திண்டுக்கல் நகரை சேர்ந்த 68 வயது முதியவர் மற்றும் நத்தத்தை சேர்ந்த 46 வயது ஆண் ஆகியோரும், கொரோனா தொற்றுக்கு உள்ளாகி திண்டுக்கல் அரசு மருத்துவமனையில் சிகிச்சை பெற்றனர். அவர்களும் நேற்று சிகிச்சை பலனின்றி பரிதாபமாக இறந்தனர். இதன்மூலம் திண்டுக்கல் மாவட்டத்தில் கொரோனாவால் இறந்தவர்களின் எண்ணிக்கை 31 ஆக உயர்ந்தது.