கோவில்பட்டி,

கோவில்பட்டி ஏ.கே.எஸ். தியேட்டர் ரோடு பகுதியில் புதிதாக சாலை அமைக்கப்பட்டது. இந்த நிலையில் அங்கு சாலையின் அகலம் குறைவாக அமைக்கப்பட்டு உள்ளது என்று கூறி, அப்பகுதி மக்கள் நேற்று கோவில்பட்டி நகரசபை அலுவலகத்தை முற்றுகையிட்டனர்.

அவர்களிடம், நகரசபை ஆணையாளர் ராஜாராம் பேச்சுவார்த்தை நடத்தினார். அப்போது அவர் கூறுகையில், அரசு அனுமதித்த 6½ மீட்டர் அகலத்தில்தான் புதிய சாலை அமைக்கப்பட்டு உள்ளது என்று தெரிவித்தார். இதையடுத்து போராட்டத்தை கைவிட்டு அனைவரும் கலைந்து சென்றனர்.