மாவட்ட செய்திகள்

போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு நடிகர் சுதீப் பேட்டி + "||" + It is wrong to say that drug charges are a stigma to the Kannada film industry

போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு நடிகர் சுதீப் பேட்டி

போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு நடிகர் சுதீப் பேட்டி
போதைப்பொருள் குற்றச்சாட்டு கன்னட திரைத்துறைக்கு களங்கம் என கூறுவது தவறு என்று நடிகர் சுதீப் கூறியுள்ளார்.
துமகூரு,

நடிகர் சுதீப் மற்றும் திரைப்பட இயக்குனர் இந்திரஜித் லங்கேஷ் ஆகியோர் நேற்று துமகூருவில் உள்ள சித்தகங்கா மடத்திற்கு நேரில் சென்று, மடாதிபதியிடம் ஆசி பெற்றனர். அதன் பிறகு சுதீப் நிருபர்களுக்கு அளித்த பேட்டியில் கூறியதாவது:-


நாளை (அதாவது இன்று) எனது பிறந்த நாள். கொரோனா நெருக்கடியில் மக்கள் சிக்கி இருப்பதால், எனது பிறந்த தினத்தை ரசிகர்கள் யாரும் கொண்டாட வேண்டாம். ஒவ்வொரு ஆண்டும் ரசிகர்கள் முன்னிலையில் கேக் வெட்டி பிறந்த தினத்தை கொண்டாடுவது வழக்கம். இந்த ஆண்டு அத்தகையை கொண்டாட்டத்தை மேற்கொள்வது இல்லை என்று முடிவு எடுத்துள்ளேன். இதற்காக ரசிகர்களிடம் வருத்தம் தெரிவித்துக் கொள்கிறேன்.

வெற்றிகரமாக மீண்டு வரும்

நான் உங்கள் அனைவரது மற்றும் எனது பெற்றோரின் உடல் நலனை கவனத்தில் கொள்ள வேண்டியுள்ளது. கொரோனா இன்னும் பெரிய அச்சுறுத்தலாக உள்ளது. நாம் அனைவரும் குடும்பத்தினரை மனதில் கொள்ள வேண்டும். ஆண்டுதோறும் பிறந்த நாள் வருகிறது. இந்த கொரோனா சென்ற பிறகு நான் உங்கள் முன்னிலையில் பிறந்த நாளை கொண்டாடுவேன் என்று உறுதியளிக்கிறேன். முடிந்தால் அக்கம்பக்கத்தில் உள்ள ஏழை மக்களுக்கு இயன்ற உதவிகளை செய்யுங்கள்.

கன்னட திரைத்துறையில் போதைப்பொருள் பயன்படுத்தப்படுவதாக குற்றச்சாட்டு எழுந்துள்ளது. இதுபற்றி எனக்கு எதுவும் தெரியாது. இந்த ஒரு குற்றச்சாட்டை வைத்து, கன்னட திரைத்துறைக்கு களங்கம் ஏற்படுத்த வேண்டாம். இதை வைத்து திரைத்துறைக்கு களங்கம் என்று கூறுவது தவறு. இதற்கு முன்பும் திரைத்துறை எத்தனையோ சவால்களை சந்தித்து, மீண்டு வந்துள்ளது. அதே போன்று இந்த நெருக்கடியில் இருந்தும் திரைத்துறை வெற்றிகரமாக மீண்டு வரும்.

அற்புதமான உலகம்

நான் இந்திரஜித்துடன் வந்ததற்கு வேறு அர்த்தம் கற்பிக்க வேண்டாம். அவர் திரைத்துறைக்கு வருவதற்கு முன்பு இருந்தே எனக்கு அறிமுகம் ஆனவர். எனக்கு பருப்பு சாம்பார் தெரியும். அதை தான் வீட்டில் எனக்கு உணவாக செய்து கொடுக்கிறார்கள். போதைப்பொருள் விவகாரம் குறித்து எனக்கு தெரியாது. அதனால் அதுபற்றி பேச விரும்பவில்லை. திரைத்துறை மிகப்பெரியது. அது ஒரு அற்புதமான உலகம்.

ஒரு இடத்தில் 4 பேர் அமர்ந்து உணவு சாப்பிட்டால் அதை பார்ட்டி என்று சொல்கிறார்கள். எல்லா பார்ட்டிகளும் ஒரே மாதிரி இருப்பது இல்லை.

இவ்வாறு சுதீப் கூறினார்.

தொடர்புடைய செய்திகள்

1. டிசம்பர் மாதம் வரை மழை இருப்பதால் கண்காணிப்பு பணி தொடரும்: முன்னெச்சரிக்கை நடவடிக்கையால் பாதிப்புகள் இல்லை
முன்னெச்சரிக்கை நடவடிக்கையால் பாதிப்புகள் இல்லை. டிசம்பர் மாதம் வரை மழை இருப்பதால் கண்காணிப்பு பணிகள் தொடரும் என்று தஞ்சை மாவட்ட கண்காணிப்பு அலுவலர் சுப்பையன் கூறினார்.
2. புயலால் பாதிக்கப்படும் மக்களுக்கு வழங்க தேவையான உணவு பொருட்கள் இருப்பு உள்ளது அமைச்சர் பேட்டி
புயலால் பாதிக்கப்படும் மக்களுக்கு வழங்குவதற்கு தேவையான உணவு பொருட்கள் இருப்பு வைக்கப்பட்டுள்ளதாக அமைச்சர் எம்.சி.சம்பத் கூறினார்.
3. நிவர் புயல் முன்எச்சரிக்கை: நீலகிரியில் மாநில பேரிடர் மீட்பு படை தயார் கலெக்டர் இன்னசென்ட் திவ்யா பேட்டி
நிவர் புயல் முன்எச்சரிக்கையாக நீலகிரியில் மாநில பேரிடர் மீட்பு படையினர் தயாராக உள்ளனர் என்று கலெக்டர் பேட்டி அளித்தார்.
4. திருவள்ளூர் மாவட்டத்தில் நிவர் புயலை எதிர்கொள்ளும் வகையில் 660 தற்காலிக தங்கும் இடங்கள் கலெக்டர் பேட்டி
நிவர் புயலை எதிர்கொள்ளும் வகையில் திருவள்ளூர் மாவட்டத்தில் 660 தற்காலிக தங்கும் இடங்கள் அமைக்கப்பட்டுள்ளதாக கலெக்டர் பொன்னையா தெரிவித்தார்.
5. பொதுமக்கள் நடமாட்டத்தை தடுக்க 24 மணி நேர போலீஸ் கண்காணிப்பு முதல்-அமைச்சர் நாராயணசாமி பேட்டி
பொதுமக்கள் நடமாட்டத்தை தடுக்க 24 மணி நேரமும் கண்காணிக்க போலீசுக்கு உத்தரவிட்டுள்ளதாக முதல்-அமைச்சர் நாராயணசாமி தெரிவித்தார்.

அதிகம் வாசிக்கப்பட்டவை