செங்கல்பட்டு மாவட்டத்தில் கொரோனா தொற்றுக்கு ஒரே நாளில் 390 பேர் பாதிப்பு

வண்டலூர்,

செங்கல்பட்டு மாவட்டம் நந்திவரம் ஆரம்ப சுகாதார நிலையத்திற்கு உட்பட்ட ஊரப்பாக்கம் கங்கையம்மன் நகரை சேர்ந்த 24 வயது வாலிபர், 46 வயது பெண், பாரதி நகரை சேர்ந்த 21 வயது வாலிபர், அம்பிகா நகரை சேர்ந்த 41 வயது பெண், கூடுவாஞ்சேரி பெரியார் ராமசாமி தெருவில் வசிக்கும் 28 வயது பெண், மண்ணிவாக்கம் ராமகிருஷ்ணா நகரில் வசிக் கும் 73 வயது முதியவர், 63 வயது மூதாட்டி உள்பட 48 பேர், மறைமலைநகர் நகராட்சிக்கு உட்பட்ட திருவள்ளூர் தெருவை சேர்ந்த 70 வயது முதியவர், 22 வயது வாலிபர், பேரமனூர் எம்.ஜி. ஆர்.தெருவை சேர்ந்த 26 வயது வாலிபர், 55 ஆண், உள்பட 24 பேர் கொரோனா தொற்றால் பாதிக்கப்பட்டுள்ளனர்.

மேலும் ஒத்திவாக்கம் ஆரம்ப சுகாதார நிலையத்திற்கு உட்பட்ட காயரம்பேடு பஜனை கோவில் தெருவை சேர்ந்த 25 வயது வாலிபர், கீழ்கல்வாய் பிள்ளையார் கோவில் தெருவில் வசிக்கும் 60 வயது முதியவர், அருங்கால் செங்கழனியம்மன் கோவில் தெருவை சேர்ந்த 38 வயது பெண் உள்பட 9 பேர் கொரோனாவால் பாதிக்கப்பட்டுள்ளனர். இவர்களுடன் செங்கல்பட்டு மாவட்டத்தில் நேற்று 390 பேர் கொரோனா தொற்றால் பாதிக்கப்பட்டுள்ளனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 26 ஆயிரத்து 907 ஆக உயர்ந்துள்ளது. இவர் களில் 23 ஆயிரத்து 680 பேர் சிகிச்சை பெற்று வீடு திரும்பினர். நேற்று ஒரே நாளில் 8 பேர் சிகிச்சை பலனின்றி உயிரிழந்தனர். இதனால் செங்கல்பட்டு மாவட்டத்தில் உயிரிழந்தவர்கள் எண்ணிக்கை 439 ஆக உயர்ந்தது. 2 ஆயிரத்து 788 பேர் தொடர்ந்து ஆஸ்பத்திரியில் சிகிச்சை பெற்று வருகின்றனர்.

படப்பை

காஞ்சீபுரம் மாவட்டம் படப்பை ஊராட்சியை சேர்ந்த 29 வயது பெண், ஆதனூர் பகுதியை சேர்ந்த 52 வயது ஆண் மாடம்பாக்கம் பகுதியை சேர்ந்த 51 வயது பெண், சோமங்கலம் அடுத்த காட்ரம்பாக்கம் பகுதியை சேர்ந்த 29 வயது ஆண், ஒரகடம் பகுதியை சேர்ந்த 65 வயது பெண், 70 வயது ஆண் ஆகியோருக்கு கொரோனா பரிசோதனை செய்யப்பட்டதில் அவர்களுக்கு கொரோனா தொற்று இருப்பது உறுதியானது. இதனைத்தொடர்ந்து இவர்களை சிகிச்சைக்காக ஆஸ்பத்திரிக்கு அனுப்பி வைத்தனர்.

காஞ்சீபுரம் மாவட்டத்தில் நேற்று 133 பேர் கொரோனா தொற்றால் பாதிக்கப்பட்டனர். மாவட்டம் முழுவதும் பாதிக்கப்பட்டோரின் எண்ணிக்கை 17 ஆயிரத்து 663 ஆக உயர்ந்து உள்ளது. இவர்களில் 15 ஆயிரத்து 648 பேர் சிகிச்சை பெற்று வீடு திரும்பினர். நேற்று 5 பேர் சிகிச்சை பலனின்றி உயிரிழந்தனர்.

இதனால் மாவட்டத்தில் உயிரிழந்தவர்கள் எண்ணிக்கை 256 ஆக உயர்ந்தது. 1,759 பேர் ஆஸ்பத்திரியில் தொடர்ந்து சிகிச்சை பெற்று வருகின்றனர்.

திருவள்ளூர்

திருவள்ளூர் மாவட்டத்தில் நேற்று 285 பேர் கொரோனா தொற்றால் பாதிக்கப்பட்டனர். இதுவரை மாவட்டம் முழுவதும் 25 ஆயிரத்து 330 பேர் பாதிக்கப்பட்டுள்ளனர். அவர்களில் 23 ஆயிரத்து 443 பேர் ஆஸ்பத்திரியில் சிகிச்சை பெற்று வீடு திரும்பியுள்ளனர். 1474 பேர் ஆஸ்பத்திரியில் சிகிச்சை பெற்று வருகின்றனர்.

திருவள்ளூர் மாவட்டம் முழுவதும் இதுவரை 413 பேர் கொரோனா தொற்றால் இறந்துள்ளனர். நேற்று ஒரே நாளில் மாவட்டம் முழுவதும் 5 பேர் இறந்துள்ளனர் என்பது குறிப்பிடத்தக்கது.