மாவட்ட செய்திகள்

சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறப்பு + "||" + Opening of water from Surampatti Dam to Nanjai Uthukkuli canal

சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறப்பு

சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறப்பு
சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறக்கப்பட்டது.
ஈரோடு,

ஈரோடு சூரம்பட்டி அணைக்கட்டு பெரும்பள்ளம் ஓடையின் குறுக்கே கட்டப்பட்டு உள்ளது. அங்கிருந்து மதகு வழியாக நஞ்சை ஊத்துக்குளி வாய்க்காலுக்கு தண்ணீர் திறக்கப்படும். இந்த வாய்க்கால் மூலமாக சுமார் 2 ஆயிரத்து 500 ஏக்கர் விவசாய நிலங்கள் பாசன வசதி பெற்று வருகிறது. 25 ஆண்டுகளாக பராமரிக்கப்படாமல் இருந்த இந்த வாய்க்காலின் கரையோரமாக வீடுகள், கடைகள், கோவில்கள் கட்டப்பட்டு ஆக்கிரமிக்கப்பட்டன.


சென்னை ஐகோர்ட்டு உத்தரவின்பேரில் வாய்க்கால் கரையோரமாக உள்ள கட்டிடங்கள் இடிக்கப்பட்டு ஆக்கிரமிப்புகள் முழுமையாக அகற்றப்பட்டன.

அதன்பிறகு ரூ.3 கோடி செலவில் வாய்க்கால் தூர்வாரும் பணி நடந்தது. இதில் பல்வேறு இடங்களில் கான்கிரீட் தளம் போடப்பட்டது. மேலும், தனியார் நிதி பங்களிப்புடன் சூரம்பட்டி அணைக்கட்டும் தூர்வாரப்பட்டது. இதனால் அணைக் கட்டில் சுமார் 7 அடி வரை தண்ணீர் தேக்கி வைக்கப்படுகிறது.

தண்ணீர் திறப்பு

இந்தநிலையில் கீழ்பவானி வாய்க்காலில் பாசனத்திற்காக தண்ணீர் திறக்கப்பட்டதால் சூரம்பட்டி அணைக்கட்டுக்கு தண்ணீர் வரத்து ஏற்பட்டது. மேலும் கடந்த சில நாட்களாக பெய்த மழை காரணமாகவும் அணைக்கட்டு நிரம்பி பெரும்பள்ளம் ஓடையில் தண்ணீர் செல்கிறது. இதைத்தொடர்ந்து அணைக்கட்டில் இருந்து நஞ்சை ஊத்துக்குளி வாய்க்காலுக்கு நேற்று தண்ணீர் திறந்து விடப்பட்டது.

இதுகுறித்து பொதுப்பணித்துறை உதவி பொறியாளர் சதீஸ்குமார் கூறியதாவது:-

நஞ்சை ஊத்துக்குளி வாய்க்காலில் கடந்த ஆண்டு பாசனத்துக்காக தண்ணீர் திறந்து விடப்பட்டது. கடந்த ஏப்ரல் மாதம் வரை தண்ணீர் சென்றது. இந்த ஆண்டும் தண்ணீர் திறந்து விடப்பட்டு உள்ளது.

இந்த பாசன பகுதிகளில் கீரை, சோளம், கரும்பு போன்ற பயிர்களை விவசாயிகள் சாகுபடி செய்கிறார்கள். ஒருசில விவசாயிகள் நெல் பயிரும் சாகுபடி செய்கின்றனர். அணைக்கட்டுக்கு தண்ணீர் வரத்தை பொறுத்து 4½ மாதங்களுக்கு வாய்க்காலில் தண்ணீர் திறந்து விடலாம் என்று எதிர்பார்க்கப்படுகிறது. வினாடிக்கு 45 கனஅடி வீதம் தண்ணீர் திறக்கப்படுகிறது.

இவ்வாறு அவர் கூறினார்.

தொடர்புடைய செய்திகள்

1. தூத்துக்குடியில் வன்கொடுமை தடுப்பு சட்ட சிறப்பு கோர்ட்டு திறப்பு
தூத்துக்குடியில் வன்கொடுமை தடுப்பு சட்ட சிறப்பு கோர்ட்டு நேற்று திறக்கப்பட்டது.
2. கிருஷ்ணாபுரம் அணை நீர் திறப்பு கொசஸ்தலை ஆற்றில் வெள்ளப்பெருக்கு தரைப்பாலங்கள் வெள்ளத்தில் மூழ்கின
கிருஷ்ணாபுரம் அணை நீர் திறக்கப்பட்டதையடுத்து கொசஸ்தலை ஆற்றில் வெள்ளப்பெருக்கு ஏற்பட்டது. இதனால் தரைப்பாலங்கள் வெள்ளத்தில் மூழ்கின.
3. 7 மாதங்களுக்குப் பிறகு சினிமா தியேட்டர்கள் திறப்பு குறைவான ரசிகர்களே வந்தனர்
புதுச்சேரியில் 7 மாதங்களுக்குப் பிறகு சினிமா தியேட்டர்கள் திறக்கப்பட்டன. குறைந்த எண்ணிக்கையிலேயே ரசிகர்கள் வந்து இருந்தனர்.
4. தியேட்டர்கள் இன்று திறப்பு; கிருமி நாசினி தெளிப்பு
புதுவையில் இன்று முதல் தியேட்டர்கள் திறக்கப்பட்டு படங்கள் திரையிடப்படுகின்றன. இதையொட்டி கிருமி நாசினி தெளிக்கப்பட்டது.
5. புதுச்சேரி மாநிலத்தில் 6 மாதங்களுக்குப்பின் பள்ளிகள் திறப்பு மாணவ, மாணவிகள் ஆர்வத்துடன் வந்தனர்
புதுச்சேரி மாநிலத்தில் 6 மாதங்களுக்குப் பிறகு நேற்று பள்ளிகள் திறக்கப்பட்டன. ஆர்வமுடன் வந்த மாணவ, மாணவிகள் உடல் வெப்ப பரிசோதனைக்குப் பின் பள்ளிகளில் அனுமதிக்கப்பட்டனர்.