மாவட்ட செய்திகள்

குலசேகரன்பட்டினம் தசரா திருவிழா: கடற்கரை பகுதியில் எந்த நிகழ்ச்சிக்கும் அனுமதி இல்லை + "||" + Kulasekaranpattinam Dasara Festival: No event is allowed on the beach

குலசேகரன்பட்டினம் தசரா திருவிழா: கடற்கரை பகுதியில் எந்த நிகழ்ச்சிக்கும் அனுமதி இல்லை

குலசேகரன்பட்டினம் தசரா திருவிழா: கடற்கரை பகுதியில் எந்த நிகழ்ச்சிக்கும் அனுமதி இல்லை
குலசேகன்பட்டினம் தசரா திருவிழாவையட்டி கடற்கரை பகுதியில் எந்த நிகழ்ச்சிக்கும் அனுமதி இல்லை என்று ஆலோசனை கூட்டத்தில் அறிவிக்கப்பட்டு உள்ளது.
தூத்துக்குடி,

குலசேகரபட்டினம் முத்தாரம்மன் கோவில் தசரா திருவிழா நடத்துவது தொடர்பாக பல்வேறு இந்து அமைப்புகள், திருவிழாக்குழுக்கள், தசரா குழுவினர் பங்கேற்ற ஆலோ சனை கூட்டம் கலெக்டர் அலுவலகத்தில் நேற்று நடந்தது. கூட்டத்துக்கு மாவட்ட கலெக்டர் சந்தீப் நந்தூரி தலைமை தாங்கினார். போலீஸ் சூப்பிரண்டு ஜெயக்குமார், தூத்துக்குடி உதவி கலெக்டர் சிம்ரான்ஜீத் சிங் கலோன் ஆகியோர் முன்னிலை வகித்தனர்.


அனுமதி இல்லை

கூட்டத்தில் கொரோனா தடை உத்தரவு அமலில் உள்ளதால், திருவிழாவுக்கு வரும் பக்தர்கள் பின்பற்ற வேண்டிய வழிமுறைகள், விழாவில் எவ்வளவு பக்தர்களை அனுமதிக்கலாம், உபயதாரர்கள், மண்டகபடிதாரர்கள் சாமி தரிசனம் செய்வது குறித்தும், பக்தர்களுக்கு திருக்கோவிலில் தரிசனத்திற்கு ஆன்லைன் மூலம் அனுமதி பெற்றவர்களை அனுமதிப்பது மற்றும் நேரடியாக கோவிலுக்கு வருபவர்களை அனுமதிப்பது, தசரா குழுக்கள் தங்களை முன்கூட்டியே பதிவு செய்வது குறித்தும் ஆலோசனை நடத்தப்பட்டது. கூட்டத்தில் கடற்கரை பகுதியில் எந்தவொரு நிகழ்ச்சிக்கும், பக்தர்களுக்கும் அனுமதி இல்லை என்றும் தெரிவிக்கப்பட்டது. பொதுமக்களுக்கு தேவையான குடிநீர், தற்காலிக கழிப்பிட வசதி, பாதுகாப்பு வசதி, மருத்துவ முகாம்கள் மற்றும் ஆம்புலன்ஸ் வசதிகள் போன்ற அடிப்படை வசதிகள் ஏற்படுத்தவும் ஆலோசிக்கப்பட்டது.

கலந்து கொண்டவர்கள்

கூட்டத்தில் இந்து சமய அறநிலையத்துறை மண்டல இணை ஆணையர்் பரஞ்ஜோதி, உதவி போலீஸ் சூப்பிரண்டு ஹர்ஸ் சிங், கோவில் தக்கார் ரோஜாலி சுமதா, செயல் அலுவலர் ரத்தினவேல்பாண்டியன், மாவட்ட கலெக்டரின் நேர்முக உதவியாளர் (பொது) அமுதா, திருச்செந்தூர் உதவி கலெக்டர் தனப்பிரியா மற்றும் அலுவலர்கள், தசரா குழுவை சேர்ந்தவர்கள் கலந்து கொண்டனர்.

தொடர்புடைய செய்திகள்

1. சட்டசபை தேர்தலை எதிர்கொள்ள வியூகம்: மு.க.ஸ்டாலின் தலைமையில் தி.மு.க. மாவட்ட செயலாளர்கள் கூட்டம்
மு.க.ஸ்டாலின் தலைமையில் தி.மு.க. மாவட்ட செயலாளர்கள் அவசர கூட்டம் காணொலி காட்சி வழியாக இன்று நடக்கிறது.
2. சட்டமன்ற தேர்தல் பணிகள் குறித்த அ.தி.மு.க. நிர்வாகிகள் ஆலோசனை கூட்டம் எடப்பாடி பழனிசாமி-ஓ.பன்னீர்செல்வம் தலைமையில் நடந்தது
சட்டமன்ற தேர்தல் பணிகள் குறித்த அ.தி.மு.க. நிர்வாகிகள் ஆலோசனை கூட்டம் எடப்பாடி பழனிசாமி-ஓ.பன்னீர்செல்வம் ஆகியோர் தலைமையில் நேற்று நடந்தது.
3. சென்னையில் 196 இடங்களில் மட்டுமே பொதுக்கூட்டம் நடத்த அனுமதி தேர்தல் அதிகாரி தகவல்
சென்னையில் 196 இடங்களில் மட்டுமே பொதுக்கூட்டம் நடத்த அனுமதி வழங்கப்படும் என தேர்தல் அதிகாரி கோ.பிரகாஷ் தெரிவித்தார்.
4. சென்னையில் தேர்தல் விதிமீறல்களை கண்காணிக்க பறக்கும் படை மாநகராட்சி கமிஷனர் தொடங்கி வைத்தார்
சென்னையில் தேர்தல் விதி மீறல்களை கண்காணிக்க அமைக்கப்பட்டுள்ள பறக்கும் படை குழுக்களை மாநகராட்சி கமிஷனர் கோ.பிரகாஷ் கொடியசைத்து தொடங்கி வைத்தார்.
5. ஆழியூர்-திருக்கண்ணங்குடி சாலையில் உள்ள பழுதடைந்த பழையனூர் தரைப்பாலத்தை சீரமைக்க வேண்டும்
ஆழியூர்-திருக்கண்ணங்குடி சாலையில் உள்ள பழுதடைந்த பழையனூர் தரைப்பாலத்தை சீரமைக்க வேண்டும் என கீழ்வேளூர் ஒன்றியக்குழு கூட்டத்தில் வலியுறுத்தப்பட்டது.