மாவட்ட செய்திகள்

வேடிக்கை காட்சியான கொரோனா பரிசோதனை + "||" + Fun scene corona experiment

வேடிக்கை காட்சியான கொரோனா பரிசோதனை

வேடிக்கை காட்சியான கொரோனா பரிசோதனை
கொரோனா பரிசோதனை என்பது சிறுவர்கள் வேடிக்கை பார்க்கும் நிலைக்கு வந்துவிட்டது.
புதுச்சேரி,

உலகமே தற்போது கொரோனா பரவலை பார்த்து நடுங்கிக் கொண்டிருக்கிறது. முககவசம் அணிதல், சமூக இடைவெளியை கடைபிடித்தல் போன்ற கட்டுப்பாட்டு நடைமுறைகளை அனைத்து நாடுகளும் கடைப்பிடித்து வருகின்றன.

புதுவையிலும் தற்போது கொரோனா பாதிப்பு அதிகரித்துள்ளது. 30 ஆயிரத்துக்கும் மேற்பட்டவர்கள் கொரோனாவினால் பாதிக்கப்பட்டுள்ளனர். நாள்தோறும் 300 முதல் 500 பேர் வரை பாதிக்கப்படுகின்றனர். தொற்று பரவலை கட்டுப்படுத்த தினமும் சுமார் 5 ஆயிரம் பேருக்கு மருத்துவ பரிசோதனை மேற்கொள்ளப்பட்டு வருகிறது. கடந்த சில நாட்களாக பரிசோதனை செய்ய வருபவர்களின் எண்ணிக்கை குறைந்து வருகிறது. இதற்கிடையே ஒவ்வொரு ஆரம்ப சுகாதார நிலையம் சார்பிலும் நாளொன்றுக்கு குறைந்தபட்சம் 100 பேருக்காவது சோதனை நடத்த வேண்டும் என்று இலக்கு நிர்ணயிக்கப்பட்டுள்ளது.


எனவே சுகாதார ஊழியர்கள் தெருத்தெருவாக சென்று ஆங்காங்கே முகாம் அமைத்து அப்பகுதியில் வசிப்பவர்களை வீடுவீடாக சென்று அழைத்து பரிசோதனை செய்து வருகின்றனர். இந்த பரிசோதனைக்கு பொதுமக்கள் தாமாக முன் வருவது இல்லை. அதேநேரத்தில் சிலர் சுகாதார ஊழியர்களிடம் அலட்சியமாக பேசிவிட்டு செல்கின்றனர்.

சிறுவர்கள் வேடிக்கை

இதேபோல் நேற்று முதலியார்பேட்டை காவல்நிலையம் அருகே சுகாதார ஊழியர்கள் கொரோனா பரிசோதனைக்காக உமிழ்நீர் மாதிரிகளை சேகரித்து கொண்டிருந்தனர். அப்போது இதை அங்கு விளையாடிக் கொண்டிருந்த சிறுவர்கள் வேடிக்கை பார்க்கத் தொடங்கி விட்டனர். அந்த சிறுவர்களில் ஒருவர்கூட முககவசம் அணியவில்லை என்பது தான் துரதிர்ஷ்டமானது.

அங்கிருந்து சென்று விடுமாறு சுகாதார ஊழியர்கள் எச்சரித்த பிறகும் பொருட்படுத்தாமல் அந்த சிறுவர்கள் வேடிக்கை பார்ப்பதிலேயே குறியாக இருந்தனர். கடந்த காலங்களில் கொரோனா என்ற பெயரை கேட்டாலே பீதியடைந்து வீட்டுக்குள் பொதுமக்கள் முடங்கி கிடந்த காலம் மாறி இப்போது எங்கும் எதிலும் பயம் இல்லாத நிலை உருவாகி இருப்பதையே இது காட்டுகிறது.

கொரோனா அச்சுறுத்தல் இன்னும் நீடிக்கிறது என்று எச்சரித்து வரும் நிலையில் பொதுமக்களின் இதுபோன்ற அலட்சியம் மருத்துவ நிபுணர்களை அதிர்ச்சியடைய வைத்துள்ளது.

தொடர்புடைய செய்திகள்

1. 4 ஆயிரம் பேர் சிகிச்சையில் உள்ளனர் சென்னையில் மட்டும் ஒருவர் கொரோனாவால் உயிரிழப்பு
சென்னையில் மட்டும் 74 வயது மூதாட்டி ஒருவர் நேற்று கொரோனாவால் உயிரிழந்துள்ளார்.
2. கொரோனா தடுப்பூசிக்கு 50 லட்சம் பேர் பதிவு இதுவரை 2 லட்சம் பேருக்கு போடப்பட்டது
60 வயதை கடந்தவர்கள் மற்றும் இணை நோய்களை கொண்ட 45 வயதை கடந்தவர்களுக்கு கொரோனா தடுப்பூசி போடும் பணி நேற்று முன்தினம் தொடங்கியது. இதற்காக கோ-வின் இணையதளத்தில் பெயர்களை பதிவு செய்யும் வசதி, நேற்று முன்தினம் காலை 9 மணிக்கு தொடங்கியது.
3. இந்திய கிரிக்கெட் அணியின் பயிற்சியாளர் ரவிசாஸ்திரி கொரோனா தடுப்பூசி போட்டுக் கொண்டார்
இந்தியாவில் கொரோனா தடுப்பூசி போடும் பணி கடந்த ஜனவரி 16-ந் தேதி தொடங்கி நடந்து வருகிறது. இதன் 2-வது கட்டமாக 60 வயதை எட்டிய அனைவருக்கும், இணை நோய்களை கொண்ட 45 வயதை கடந்தவர்களுக்கும் கடந்த திங்கட்கிழமை முதல் கொரோனா தடுப்பூசி போடப்படும் என்று மத்திய அரசு அறிவித்ததை தொடர்ந்து மேற்கொண்ட பிரிவினருக்கு கொரோனா தடுப்பூசி போடும் பணி நடைபெற்று வருகிறது.
4. கொரோனா தொற்று அதிகரிப்பு எதிரொலி: ஐ.பி.எல். கிரிக்கெட் போட்டியை தவறவிடும் மும்பை
இந்தியாவில் கொரோனா பரவல் முழுமையாக கட்டுக்குள் வராததால் 14-வது ஐ.பி.எல். கிரிக்கெட் போட்டியின் லீக் சுற்றை ஒரே இடத்தில் அதாவது மராட்டிய தலைநகர் மும்பையில் உள்ள 4 ஸ்டேடியங்களில் நடத்த இந்திய கிரிக்கெட் வாரியம் திட்டமிட்டது.
5. பலி எண்ணிக்கை 12,500-ஐ தாண்டியது தமிழகத்தில் மேலும் 474 பேருக்கு கொரோனா
தமிழகத்தில் கொரோனாவால் பலியானோர் எண்ணிக்கை 12 ஆயிரத்து 500-ஐ தாண்டியது. நேற்று மேலும் 474 பேருக்கு கொரோனாள தொற்று உறுதி செய்யப்பட்டுள்ளது.