மாவட்ட செய்திகள்

புதுவையில் விடிய விடிய பலத்த மழை + "||" + Vidya Vidya heavy rain in Puduvai

புதுவையில் விடிய விடிய பலத்த மழை

புதுவையில் விடிய விடிய பலத்த மழை
புதுவையில் நேற்று முன் தினம் நள்ளிரவு 2 மணி முதல் இடியுடன் கூடிய பலத்த மழை பெய்தது. இந்த மழை சுமார் 1 மணி நேரம் நீடித்தது.
புதுச்சேரி,

மத்திய வங்கக்கடலில் உருவாகியுள்ள காற்றழுத்த தாழ்வு மண்டலம் காரணமாக தமிழகம் மற்றும் புதுவையில் கன மழை பெய்யும் என்று சென்னை வானிலை ஆய்வு மையம் எச்சரிக்கை விடுத்துள்ளது. அதன்படி புதுவையில் நேற்று முன் தினம் நள்ளிரவு 2 மணி முதல் இடியுடன் கூடிய பலத்த மழை பெய்தது. இந்த மழை சுமார் 1 மணி நேரம் நீடித்தது. அதன் பின்னர் விட்டுவிட்டு நேற்று காலை வரை மழை பெய்தது. நேற்று முன்தினம் இரவு முதல் நேற்று காலை 8.30 மணி வரை 2 செ.மீ. மழை பதிவாகி இருந்தது.


இந்த பலத்த மழையால் நகரின் தாழ்வான பகுதிகளான ரெயின்போ நகர், பாவாணர் நகர், தேங்காய்திட்டு ஆதிபராசக்தி நகர், தட்டாஞ்சாவடி, புஸ்சி வீதி, சின்னசுப்புராயப்பிள்ளை வீதி உள்பட பல்வேறு இடங்களில் மழைநீர் சூழ்ந்தது. அந்த பகுதிகளில் உள்ள சில வீடுகளுக்குள் மழைநீர் புகுந்ததால் மக்கள் அவதிப்பட்டனர்.

இந்த நிலையில் நேற்று காலை நீடராஜப்பையர் வீதியில் ஒரு மரம் வேரோடு சாய்ந்து விழுந்தது. தகவல் அறிந்த உடன் வனத்துறை, நகராட்சி மற்றும் பொதுப்பணித்துறை ஊழியர்கள் அங்கு சென்று சாலையில் விழுந்து கிடந்த மரத்தை வெட்டி அப்புறப்படுத்தினர். பின்னர் அந்த பகுதியில் போக்குவரத்து சீரானது.

தொடர்புடைய செய்திகள்

1. பலத்த மழையால் வீடு இடிந்து விழுந்து கணவன்-மனைவி காயம்
பலத்த மழை காரணமாக புழல் அருகே வீடு இடிந்து விழுந்து கணவன்-மனைவி காயம் அடைந்தனர்.
2. போக்குவரத்து நெரிசலால் வாகன ஓட்டிகள் அவதி பெங்களூருவில் பலத்த மழை
பெங்களூருவில் பலத்த மழை பெய்தது. சாலைகளில் வெள்ளம் தேங்கி போக்குவரத்து நெரிசல் ஏற்பட்டதால் வாகன ஓட்டிகள் அவதிப்பட்டனர்.
3. கிருமாம்பாக்கம் பகுதியில் பலத்த மழை: வீடுகளில் தண்ணீர் புகுந்தது
கிருமாம்பாக்கம் பகுதியில் பெய்த பலத்த மழையால் தாழ்வான பகுதியில் உள்ள குடியிருப்புகளில் தண்ணீர் புகுந்தது.
4. மேற்கு தொடர்ச்சி மலைப்பகுதியில் தொடர் மழை: பாபநாசம் அணை நீர்மட்டம் மேலும் 4½ அடி உயர்வு
மேற்கு தொடர்ச்சி மலைப்பகுதியில் பெய்து வரும் தொடர் மழையால் பாபநாசம் அணை நீர்மட்டம் மேலும் 4½ அடி உயர்ந்துள்ளது.
5. வெப்பச்சலனம், வளிமண்டல மேலடுக்கு சுழற்சி: சென்னையை குளிர்வித்த திடீர் மழை
வெப்பச்சலனம் மற்றும் வளிமண்டல மேலடுக்கு சுழற்சி காரணமாக நேற்று திடீரென மழை பெய்து சென்னையை குளிர்வித்தது.